ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ຄຳ​ວ່າ "ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະໂຫຍດ" ໃນ​ສາຍຕາ​ຂອງ ​ສະຫະລັດ​ອາ​ເມ​ຣິ​ກາ ຄື "ຝັນ​ຮ້າຍ" ສຳລັບ​ປະຊາຊົນ​ອູ​ແກຣນ
ເວລາອອກຂ່າວ: 2023-12-21 09:53:22 | ຜູ້ຂຽນ : admin3 | ຈຳນວນຄົນເຂົ້າຊົມ: 39 | ຄວາມນິຍົມ:



ສຳນັກ​ຂ່າວສານ​ຊິນ​ຮວາ​ເຜີຍ ບົດ​ວິເຄາະ ໃນວັນ​ທີ 14 ທັນ​ວາ​ ນີ້​ວ່າ: ນັບ​ແຕ່​ເກີດ​ການ​ປະ​ທະ​ກັນ​ລະຫວ່າງ​ຣັດ​ເຊຍ-ອູ​ແກຣນ​ໃນ​ວັນ​ທີ 24 ກຸມພາ ປີ 2022 ເປັນຕົ້ນ​ມາ, ການ​ປະ​ທະ​ກັນ​ດັ່ງກ່າວ​ໄດ້ດຳເນີນ​ມາ​ເປັນ​ເວລາ​ເກືອບ 2 ປີ​ແລ້ວ. ຣັດ​ເຊຍ ແລະ ອູ​ແກຣນ​ຕ່າງ​ກໍ​ມີ​ເຈຕະນາ​ຢາກ​ຢຸດ​ຍິງ ແຕ່​ບໍ່​ສາມາດ​ບັນລຸ​ການ​ຢຸດ​ຍິງ​ໄດ້​ຍ້ອນ​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ອາ​ເມ​ຣິ​ກາ. ໃນ​ກອງ​ປະຊຸມ​ຖະແຫຼງ​ຂ່າວ​ຮ່ວມ​ຂອງ​ທ່ານ ອັນໂຕ​ນີ​ ບລິງ​ເກນ ລັດຖະມົນຕີ​ກະຊວງ​ການ​ ຕ່າງປະເທດ​ສະຫະລັດອາ​ເມ​ຣິ​ກາ ແລະ ທ່ານ ເດ​ວິດ ກາ​ເມ​ຣອນ ລັດຖະມົນຕີ​ກະຊວງ​ການ​ຕ່າງ ປະເທດ​ອັງກິດ​ໄປ​ຢ້ຽມຢາມ​ອາ ​ເມ​ຣິ​ກາ ທີ່​ຈັດ​ຂຶ້ນ​ໃນ​ວັນ​ທີ 7 ທັນ ວາ ​ນີ້, ທ່ານ ບລິງ​ເກນ ກ່າວ​ວ່າ: 90% ຂອງ​ການ​ຊ່ວຍເຫຼືອ​ດ້ານ​ຄວາມ​ໝັ້ນຄົງ​ຂອງ​ພວກ​ເຮົາ​ໄດ້​ຈັດຫາຢູ່​ໃນ​ອາ​ເມ​ຣິ​ກາ, ໄດ້​ໃຊ້​ເຂົ້າ​ໃນ​ວິ​ສາ​ຫະ​ກິດ​ການ​ຜະລິດ ແລະ ອຸດສາຫະກຳ​ການ​ຜະລິດ, ໄດ້​ສ້າງ​ໂອກາດ​ປະກອບ​ອາຊີບ​ໃຫ້​ກັບ​ຊາວ​ອາ​ເມ​ຣິ​ກາ​ໄດ້​ຫຼາຍ​ກວ່າ​ເກົ່າ, ເຮັດ​ໃຫ້​ເສດຖະກິດ​ອາ​ເມ​ຣິ​ກາ ມີ​ການ​ເຕີບ​ໂຕ​ຫຼາຍ​ກວ່າ​ເກົ່າ. ທ່ານ ບລິງ​ເກນ ກ່າວ​ຕື່ມ​ອີ​ກ ວ່າ: ອາ​ເມ​ຣິ​ກາ ຕ້ອງການ​ສືບ ຕໍ່​ໃຫ້ການ​ຊ່ວຍເຫຼືອ​ດ້ານ​ການ​ທະຫານ​ແກ່​ອູ​ແກຣນ ເພື່ອ​ຮັກສາ​ສະຖານະ​ການ “ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະໂຫຍດ”. ຄຳ​ເວົ້າ​ຂອງ​ທ່ານ ບລິງ​ເກນ ສະແດງ​ໃຫ້​ເຫັນ​ວ່າ: “ການ​ບັນລຸ​ການ​ຢຸດ​ຍິງ​ໂດຍ​ໄວ​ບໍ່​ແມ່ນ​ສິ່ງ​ທີ່​ອາ​ເມ​ຣິ​ກາ ຢາກ​ໄດ້”. ແຕ່​ສຳລັບ​ປະຊາຊົນ​ອູ​ແກຣນ​ແລ້ວ, “ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະໂຫຍດ” ແບບ​ນີ້​ພັດ​ເປັນ​ຝັນ​ຮ້າຍ​ຂອງ​ພວກ​ເຂົາ. ນັບ​ແຕ່​ເກີດ​ການ​ປະ​ທະ​ກັນ​ລະຫວ່າງ​ຣັດ​ເຊຍ-ອູ​ແກຣນ ເປັນຕົ້ນ​ມາ, ລັດ ຖະບານ​ອູ​ແກຣນ​ໄດ້​ສະແຫວງ ຫາ​ການ​ສະໜັບສະໜູນ ແລະ ການ​ປົກ​ປ້ອງ​ຈາກ ປະເທດ​ຝ່າຍ​ຕາເວັນຕົກ. ສ່ວນ​ອາ​ເມ​ຣິ​ກາ ແລະ ນາ​ໂຕ ກໍ​ໄດ້​ກ່າວ​ແລ້ວ​ກ່າວ​ອີ​ກວ່າ: ພວກ​ເຂົາເຈົ້າ​ຈະ​ຢືນ​ຄຽງ​ຂ້າງ ອູ​ແກຣນ​ຢ່າງ​ເດັດດ່ຽວ​ໜຽວ​ແໜ້ນ, ໃຫ້ການ​ຊ່ວຍເຫຼືອ​ທຸກ​ຢ່າງ​ທີ່​ຈຳເປັນ ເພື່ອ​ສະກັດ​ກັ້ນ “ການ​ຮຸກ​ຮານ​ຂອງ​ຣັດ​ເຊຍ”. ແຕ່​ວ່າ, ຄຳ​ໝັ້ນ​ສັນຍາ​ດັ່ງກ່າວ​ເປັນ​ພຽງ​ແຕ່​ຄັນ​ຕາ​ລະ​ບັດ​ຈອມ​ປອມ​ຊື່ໆ ເຊິ່ງ​ໄດ້​ປິດ​ບັງ​ຜົນ​ປະ ໂຫຍດ ແລະ ເຈດຕະນາ​ອັນ​ແທ້​ຈິງ​ຂອງ​ອາ​ເມ​ຣິ​ກາ ແລະ ນາ​ໂຕ​ໃນ​ການ​ປະ​ທະ​ກັນ​ດັ່ງກ່າວ ກໍ​ຄືອາ​ເມ​ຣິ​ກາ​ຫວັງ​ຢາກ​ບັ່ນ​ທອນ​ກຳລັງ​ຂອງ​ຝ່າຍພັນທະ​ມິດ ແລະ ສັດຕູ ໂດຍ​ຜ່ານ “ສົງຄາມ​ຕົວ​ແທນ”. ຄວາມຈິງ​ແລ້ວ, “ການ​ຊ່ວຍ ເຫຼືອ” ຂອງ​ອາ​ເມ​ຣິ​ກາ ແລະ ນາ​ໂຕ​ບໍ່​ພຽງ​ແຕ່​ບໍ່​ໄດ້​ໃຫ້ການ​ຄ້ຳປະກັນ​ດ້ານ​ຄວາມ​ໝັ້ນຄົງ​ຢ່າງ​ມີ​ປະ​ສິດທິ​ຜົນ​ໃຫ້​ແກ່​ອູ​ແກຣນ​ເທົ່າ​ນັ້ນ, ພັດ​ຍັງ​ໄດ້​ເຮັດ​ໃຫ້​ວິ​ກິດ​ການ​ອູ​ແກຣນ​ຮຸນ​ແຮງ​ຂຶ້ນ​ອີກ. ວິ​ສາ​ຫະ​ກິດ​ອາວຸດ​ຂອງ​ອາ​ເມ​ຣິ​ກາ ແລະ ນາ​ໂຕ​ໄດ້​ຮັບ​ຜົນ​ກຳໄລ​ຢ່າງ​ຫຼວງຫຼາຍ​ຈາກ​ການ​ປະ​ທະ​ກັນ​ດັ່ງກ່າວ, ແຕ່​ອູ​ແກຣນ​ພັດ​ຈະ​ຕ້ອງ “ຕໍ່ສູ້​ຈົນ​ຮອດ​ຄົນ​ສຸດ​ທ້າຍ”. ຜົນ​ປະໂຫຍດ​ດັ່ງກ່າວ​ຂອງ ​ອາ​ເມ​ຣິ​ກາ ແລະ ນາ​ໂຕ​ແມ່ນ​ມາ​ຈາກ​ເລືອດ ແລະ ນ້ຳ​ຕາ​ຂອງ​ຊາວ​ອູ​ແກຣນ, ປະຊາຊົນ​ອູ​ແກຣນ​ບໍ່​ພຽງ​ແຕ່​ຕ້ອງ​ໄດ້​ຮັບ​ຄວາມທຸກ​ໂສກ ແລະ ການ​ເສຍ​ຊີວິດ​ຈາກ​ສົງຄາມ​ເທົ່າ​ນັ້ນ, ຍັງ​ຕ້ອງ​ປະ​ເຊີນ​ກັບ​ຄວາມທຸກ​ຍາກ ແລະ ການ​ຊຸດໂຊມ​ລົງ​ດ້ານ​ເສດຖະກິດ, ຄວາມ​ປັ່ນ​ປ່ວນ ແລະ ຄວາມ​ບໍ່​ສະຫງົບ​ຂອງ​ສັງຄົມ ພ້ອມ​ດ້ວຍ​ການ​ສໍ້​ລາດ​ບັງ​ຫຼວງ ແລະ ຄວາມ​ຜິດ​ຫວັງ​ດ້ານ​ການເມືອງ​ອີກ​ດ້ວຍ. ຜົນ​ເສຍ​ດັ່ງກ່າວ​ແມ່ນ​ກົງກັນຂ້າມ​ກັບ​ຄຳວ່າ “ຕ່າງ​ຝ່າຍ​ຕ່າງ​ໄດ້​ຮັບ​ຜົນ​ປະໂຫຍດ” ຂອງ​ອາ​ເມ​ຣິ​ກາ ແລະ ເປັນ“ຝັນ​ຮ້າຍ” ສຳລັບ​ປະຊາຊົນ​ອູ​ແກຣນ​ນັ້ນ​ເອງ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ