ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ແອນ​ຊານ​ວາ​ດໍ ຈະ​ອອກ​ພັນທະບັດ​ບິດ​ຄອຍ ໃນ​ໄຕ​ມາດ​ທຳ​ອິດ 2024
ເວລາອອກຂ່າວ: 2023-12-22 08:58:21 | ຜູ້ຂຽນ : admin3 | ຈຳນວນຄົນເຂົ້າຊົມ: 173 | ຄວາມນິຍົມ:



ສຳນັກ​ຂ່າວ​ເອ​ເອ​​ັຟ​ພີ ເປີດ ເຜີຍ​ຈາກ ນະຄອນຫຼວງ ຊານ​ຊານ​ວາ​ດໍ ປະເທດ ແອນ​ຊານ​ວາ​ ດໍ ເມື່ອ​ອາທິດຜ່ານມາວ່າ: ສຳ ນັກງານ ບິດ​ຄອຍ ແຫ່ງ​ຊາດ​ຂອງ ແອນ​ຊານ​ວາ​ດໍ (ໂອ​ເອັນ​ບີ​ທີ​ຊີ) ເຊິ່ງເປັນ​ຜູ້​ບໍລິຫານ​ຈັດ ການ​ໂຄງການ​ທີ່​ກ່ຽວຂ້ອງ​ກັບ ສະກຸນ​ເງິນດີ​ຈິ​ຕອນ​ທັງ​ໝົດລົງ ຂ່າວໃນສື່ອອນລາຍເອັກ ວ່າ:  ພັນທະບັດບິດ​ຄອຍ ຫຼື ພັນທະບັດ ພູ​ໄຟໄດ້​ຮັບ​ການ​ອະນຸ​ບັດ​ຕາມ​ກົດ​ລະບຽບ​ຂອງຄະນະ​ກຳມາ​ທິ​ການ​ຊັບ​ສິນ​ດີ​ຈິ​ຕອນ (ຊີ​ເອັນ​ເອ​ດີ)  ແລະ ຄາດ​ວ່າ ທາງ​ການຈະ​ ອອກ​ພັນທະບັດດັ່ງກ່າວໃນ​ໄຕ​ມາດ ທຳ​ອິດ​ຂອງ ປີ 2024. ປັດຈຸບັນ, ບິດ​ຄອຍ ກາຍເປັນ​ສະກຸນ​ເງິນ​ຖືກຕ້ອງ​ຕາມ​ກົດ ໝາຍ​ຂອງ​ປະເທດ ແອນ​ຊານ​ວາ​ດໍ, ຄຽງ​ຄູ່​ໄປ​ກັບ​ສະກຸນ​ເງິນ​ໂດ​ລາ​ສະຫະລັດ ເມື່ອ​ປີ 2021 ຕາມ​ຄຳ​ສັ່ງ​ຂອງ​ປະທານາທິບໍດີ  ທ່ານ ນາ​ຍິບ ບູ​ເຄ​ເລ ເພື່ອ​ພະຍາຍາມ ເຮັດ​ໃຫ້​ປະຊາຊົນ​ສາມາດ​ຮັບ​ເງິນ​ໂອນ ຈາກ​ຕ່າງປະເທດ ແລະ ຊ່ວຍ​ໃຫ້ຊາວ​ແອນ​ຊານ​ວາ​ດໍ ປະມານ 70% ທີ່​ບໍ່​ມີ​ບັນຊີ​ທະ ນາຄານ ສາມາດ​ເຂົ້າ​ເຖິງ​ການ​ບໍລິການ​ທາງ​ດ້ານ​ການ​ເງິນ​ໄດ້​ງ່າຍ​ຂຶ້ນ ແລະ ມີຄ່າ​ໃຊ້​ຈ່າຍ​ໜ້ອຍ​ລົງ.   ນອກ​ນີ້ ທ່ານ ນາ​ຍິບ ບູ​ເຄ​ເລ ໄດ້​ປະກາດ​ເມື່ອ​ປີ 2021 ວ່າ: ມີ​ແຜນ​ຈະ​ສ້າງ​ເມືອງ​ບິດ​ຄອຍ ໃນ​ພາກ​ຕາເວັນ​ອອກ​ຂອງ​ປະເທດ ເຊິ່ງ​ຈະ​ໃຊ້​ພະລັງງານ​ຄວາມ​ຮ້ອນ​ຈາກພູ​ໄຟ ດ້ວຍ​ມູນ​ຄ່າ​ລວມປະມານ 1.000 ລ້ານ​ໂດ​ລາ ແລະ ອື່ນໆ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ