POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນເສົາ, ວັນທີ 12 ຕຸລາ 2024

ຈີນສະແດງຄວາມຈິງໃຈຕໍ່ທົ່ວໂລກໃນການພົວພັນ ແບບຮັກແພງ, ຕ່າງຝ່າຍຕ່າງມີຜົນປະໂຫຍດ
ເວລາອອກຂ່າວ: 2023-12-22 08:59:20 | ຜູ້ຂຽນ : admin3 | ຈຳນວນຄົນເຂົ້າຊົມ: 1808 | ຄວາມນິຍົມ:

ສຳນັກຂ່າວຊິນຮວາ ເຜີຍແຜ່ບົດຄວາມ ໃນອາທິດຜ່ານມານີ້ວ່າ: ເນື່ອງຈາກທ່ານ ສີ ຈິ້ນຜິງ ເລຂາ ທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດ ແຫ່ງ ສປ ຈີນ ໄດ້ເດີນທາງໄປຢ້ຽມ ຢາມຫວຽດນາມທາງລັດຖະກິດ. ໃນໄລຍະຢ້ຽມຢາມດັ່ງກ່າວ, ສອງຝ່າຍໄດ້ປະກາດສ້າງຄູ່ຮ່ວມຊະຕາກຳຈີນ- ຫວຽດນາມ ທີ່ມີຄວາມໝາຍທາງຍຸດທະສາດ ບົນພື້ນຖານລົງເລິກການພົວພັນ ຄູ່ຮ່ວມມືຍຸດທະສາດຮອບດ້ານຈີນ-ຫວຽດນາມ. ນີ້ແມ່ນການຢ້ຽມຢາມຫວຽດນາມອີກຄັ້ງໃໝ່ຂອງທ່ານເລຂາທິການໃຫຍ່ ສີ ຈິ້ນຜິງ ໃນຮອບ 6 ປີ ແລະ ກໍເປັນການເດີນທາງໄປຢ້ຽມຢາມຕ່າງປະເທດຄັ້ງຫຼັງສຸດຂອງປະມຸກລັດຈີນໃນປີນີ້, ເຊິ່ງໄດ້ຮັບຄວາມສົນໃຈໃນລະດັບສູງຈາກປະຊາຄົມໂລກ ໂດຍເຫັນວ່າ: ການຢ້ຽມຢາມຄັ້ງນີ້ມີບົດບາດອັນສຳຄັນ ແລະ ຍາວໄກຕໍ່ການພົວພັນສອງພັກ ສອງລັດຈີນ-ຫວຽດນາມ, ຕໍ່ສະຖານະການພາກພື້ນ ກໍຄືໂລກ. ການຢ້ຽມຢາມດັ່ງກ່າວ, ໄດ້ປະສົບຜົນສຳເລັດຢ່າງຈົບງາມ ເປັນການສະແດງໃຫ້ເຫັນເຖິງແນວຄິດການພົວພັນຕ່າງປະເທດແບບຮັກແພງ, ຈິງໃຈ, ຕ່າງຝ່າຍຕ່າງມີຜົນປະໂຫຍດ ແລະ ໂອບອ້ອມອາລີກັບປະເທດໃກ້ຄຽງຂອງຈີນຢ່າງມີຊີວິດຊີວາ ແລະ ກໍເປັນພຶດຕິກຳທີ່ປະສົບຜົນສຳເລັດອີກເທື່ອໜຶ່ງຂອງແນວຄິດການຕ່າງປະເທດຂອງທ່ານ ສີ ຈິ້ນຜິງ. ການຢ້ຽມຢາມຫວຽດນາມຂອງທ່ານ ສີ ຈິ້ນຜິງ ທີ່ໄດ້ຮັບການຕີລາຄາສູງຢ່າງຫຼວງຫຼາຍ ແລະ ເປັນການສ່ອງແສງໃຫ້ເຫັນເຖິງວຽກງານການຕ່າງປະເທດຂອງຈີນ ທີ່ປະສົບຜົນສຳເລັດຢ່າງຫຼວງຫຼາຍໃນປີ 2023 ນີ້: ຢູ່ປັກກິ່ງ, ມົດສະກູ, ກວາງໂຈ່ວ, ຊີອ່ານ, ໂຈຫັນເນັສເບີກ, ຊານຟຣານຊິສໂກ, ຮ່າໂນ້ຍ; ການເດີນທາງຢ້ຽມຢາມທີ່ຂ້າມຜ່ານທະວີບ, ການສົນທະນາຂ້າມຜ່ານການເວລາທີ່ຫຼຸດລື່ນກັນ, ການແລກປ່ຽນດ້ານຍຸດທະສາດຢ່າງຈິງໃຈຕໍ່ກັນທັງໝົດເຫຼົ່ານີ້ໄດ້ເຮັດໃຫ້ພາບພົດຂອງຈີນທີ່ໜ້າເຊື່ອຖື, ໜ້າຮັກ ແລະ ໜ້າເຄົາລົບນັ້ນຫຼາຍຂຶ້ນກວ່າເກົ່າ ແລະ ເຮັດໃຫ້ແນວຄິດຂອງຈີນໃນການສະແຫວງຫາສັນຕິພາບ, ການຮ່ວມມື ແລະ ສົ່ງເສີມການພັດທະນານັ້ນ ເຂົ້າເຖິງຈິດໃຈຂອງປະຊາຊົນຫຼາຍຂຶ້ນ. ກົນໄກການຮ່ວມມືໃນກຸ່ມປະເທດບຣິກສ, ບໍ່ສ້າງພັນທະມິດທາງດ້ານພູມສາດການເມືອງ, ແຕ່ໄດ້ເນັ້ນ ໃສ່ການຮ່ວມມືດ້ານເສດຖະກິດທີ່ຕິດແທດກັບຕົວຈິງ, ວຽກງານທີ່ປຶກສາຫາລືກັນ ລ້ວນແຕ່ແມ່ນບັນຫາດ້ານເສດຖະກິດ, ການເງິນ ແລະ ການພັດທະນາທີ່ບັນດາປະເທດມີຄວາມສົນໃຈຮ່ວມກັນ; ງານຕະຫຼາດນັດສິນຄ້າ ນຳເຂົ້າ-ສົ່ງອອກຈີນ, ງານຕະຫຼາດນັດການຄ້າ-ການບໍລິການສາກົນຈີນ, ງານວາງສະແດງສິນຄ້ານຳເຂົ້າສາກົນຈີນ, ງານວາງສະແດງອາຊຽນ ແລະ ອື່ນໆໄດ້ຈັດຂຶ້ນທຸກໆປີ ທີ່ຈີນເປີດປະຕູສູ່ພາຍນອກນັ້ນ, ໄດ້ເຮັດໃຫ້ປະຊາຄົມໂລກ ໄດ້ຮັບໝາກຜົນການຮ່ວມມືຢ່າງຫຼວງຫຼາຍ; ກົນໄກຈີນ-ອາຊີກາງໄດ້ຮັບການສ້າງຕັ້ງຂຶ້ນ ເພື່ອແບ່ງປັນປະສົບການດ້ານການພັດທະນາກັບບັນດາປະເທດໃນອາຊີກາງດ້ວຍຄວາມຈິງໃຈຫຼາຍທີ່ສຸດ. ປີ 2023 ນີ້, ການຮ່ວມກັນສ້າງ “ໜຶ່ງແລວໜຶ່ງເສັ້ນທາງ” ໄດ້ຄົບຮອບ 10 ປີແລ້ວ, ເຊິ່ງໄດ້ດຶງດູດປະເທດຕ່າງໆໃນໂລກເຂົ້າຮ່ວມຫຼາຍກວ່າ 3 ສ່ວນ 4 ແລະ ໄດ້ດຶງດູດການລົງທຶນເກືອບ 1.000 ຕື້ໂດລາ; ການນຳຂັ້ນສູງຕ່າງປະເທດ ແລະ ຜູ້ບໍລິຫານຂັ້ນສູງວິສາຫະກິດຕ່າງປະເທດໄດ້ເດີນທາງມາຢ້ຽມຢາມຈີນເປັນຈຳນວນຫຼວງຫຼາຍ, “ການໄປສູ່ປະເທດຈີນ” ໄດ້ກາຍເປັນກະແສໃໝ່; ການພົວພັນຄູ່ຮ່ວມມືຍຸດທະສາດຮອບດ້ານຈີນ-ອາຊຽນ ນັບມື້ນັບແໜ້ນແຟ້ນກວ່າເກົ່າ ແລະ ເດີນຢູ່ຕາມແຖວໜ້າຂອງໂລກ. ຈີນສະແດງຄວາມຈິງໃຈຕໍ່ທົ່ວໂລກກ່ຽວກັບການປະຕິບັດແນວຄິດການພົວພັນຕ່າງປະເທດແບບຮັກ ແພງ, ຈິງໃຈ, ຕ່າງຝ່າຍຕ່າງມີຜົນປະໂຫຍດ ແລະ ໂອບເອື້ອອາລີ ກັບປະເທດໃກ້ຄຽງ ໂດຍຜ່ານພຶດຕິກຳສຳຄັນທາງການທູດຂອງປະມຸກລັດອີກເທື່ອໜຶ່ງ. ການຢ້ຽມຢາມຫວຽດນາມໃນຄັ້ງນີ້, ຖືເປັນຜົນສຳເລັດໃນການຢ້ຽມຢາມຕ່າງປະເທດຂອງປະມຸກລັດຈີນຢ່າງຈົບງາມ ແລະ ເຮັດໃຫ້ ສປ ຈີນມີຄວາມກ້າວໜ້າຫຼາຍກວ່າເກົ່າຕໍ່ວຽກງານການຕ່າງປະເທດຂອງຈີນໃນອະນາຄົດ.

news to day and hot news