ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ການເຄື່ອນໄຫວ​ຂອງ​ກົມ​ກອງ​ຕ່າງໆ
ເວລາອອກຂ່າວ: 2023-12-25 09:00:13 | ຜູ້ຂຽນ : admin1 | ຈຳນວນຄົນເຂົ້າຊົມ: 209 | ຄວາມນິຍົມ:



ກອງ​ບັນຊາ​ການ​ທະຫານ​ເມືອງ​ປະທຸມ​ພອນ: ໄດ້​ເປີດ​ກອງ​ປະຊຸມ​ທາບ​ທາມ​ເອົາ​ບຸກ​ຄະ​ລະ​ກອນ​ຜູ້​ທີ່​ມາດຖານ, ເງື່ອນໄຂ​ເຂົ້າ​ໃນ​ໂຄງ​ປະກອບ​ການຈັດຕັ້ງ​ຄະ ນະ​ພັກ​ຮາກ​ຖານ ກອງ​ບັນຊາ​ການ​ທະຫານ​ເມືອງ​ປະທຸມ​ພອນ ຮອບ​ທີ II ເພື່ອ​ປະຕິບັດ​ໃຫ້​ຖືກຕ້ອງ​ຕາມ​ກົດ​ລະບຽບ​ຂອງ​ພັກ ໃນ​ການ​ໃຊ້​ສິດ​ລົງ​ຄະແນນ​ສຽງ​ທາບ​ທາມ ເລືອກ​ເອົາ​ຄົນ​ທີ່​ມີ​ຄວາມ​ຮູ້ ຄວາມ​ສາມາດ, ມີ​ຄວາມ​ເໝາະ​ສົມ ແລະ ມີ​ມາດຖານ​ເງື່ອນໄຂ​ອັນ​ຄົບ​ຖ້ວນ​ສົມບູນ​ເຂົ້າ​ເປັນ​ຄະນະ​ພັກ​ຮາກ​ຖານ​ຊຸດ​ໃໝ່. ຫ້ອງ​ເສນາ​ທິ​ການ ກອງ​ບັນຊາ​ການ​ທະຫານ​ແຂວງ​ອຸດົມ​ໄຊ: ໄດ້​ສະຫຼຸບ​ວຽກ​ງານ​ຮອບດ້ານປະຈຳ​ເດືອນຕຸລາ ແລະ ທິດ​ທາງ​ແຜນການ ປະຈຳ​ເດືອນພະ ຈິກ2023 ເຊິ່ງ​ໄດ້​ຍົກ​ໃຫ້​ເຫັນ​ຈຸດ​ດີ, ຈຸດ​ອອ່ນ, ຂໍ້ຄົງຄ້າງ ແລະ ບົດຮຽນ​ທີ່​ຖອດ​ຖອນ​ໄດ້ ຄະນະ​ພັກ-ຄະນະ​ບັນຊາ ຫ້ອງ​ເສນາ​ທິ​ການ ໄດ້​ສຸມ​ໃສ່​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ​ເປັນ​ບັນຫາ​ສຳຄັນ ຕິດ​ພັນ​ກັບ​ການ​ຫັນ​ເອົາ​ກຳລັງ​ລົງ​ກໍ່ສ້າງ​ຮາກ​ຖານ​ການເມືອງ​ພັດທະນາ​ຊົນນະບົດ, ແກ້​ໄຂ້​ປະກົດ​ການ​ຫຍໍ້ທໍ້​ຢູ່​ບັນດາ​ກຸ່ມ​ບ້ານ​ລຽບ​ຕາມ​ບໍລິເວນ​ຊາຍ​ແດນ ​ເຮັດ​ໃຫ້​ສະພາບ​ມີ​ຄວາມ​ສະຫງົບ​ປອດ​ໄພ​ໂດຍ​ພື້ນຖານ ເຊິ່ງ​ສະແດງ​ອອກ​ເຄື່ອນ​ໄຫວ​ລາດ​ຕາ​ເວນ​ປ້ອງ​ກັນ​ວັນ​ສຳຄັນ​ຕ່າງໆ​ຂອງ​ພັກ, ຂອງ​ຊາດ, ຂອງ​ກອງທັບ ແລະ ຂອງ​ສາກົນ​ມີ​ຄວາມ​ສະຫງົບ 100%, ເຄື່ອນ​ໄຫວ​ກວດກາ​ລາດ​ຕາ​ເວນ​ລຽບ​ຕາມ​ຊາຍ​ແດນ, ​ຊີ້​ນຳ​ກຳລັງ​ປ້ອງ​ກັນ​ເສັ້ນທາງ​ລົດໄຟ​ ລາວ-ຈີນ, ປິດ​ອົບຮົມ-ຫັດ​ແອບ​ປະຈຳ​ປີ 5 ກົມ​ກອງ, ປະກາດການເລື່ອນ​ຊັ້ນ​ໃຫ້​ນາຍ​ສິບ ຈຳນວນ 36 ສະຫາຍ, ແຕ່ງ ຕັ້ງ​ໜ້າທີ່​ໃຫ້​ນາຍ​ສິບ ຈຳນວນ 10 ສະຫາຍ, ໄດ້​ນຳພາ-ຊີ້ນໍາ​ພະນັກງານ-ນັກຮົບ​ ປູກ​ພືດ​ຕາມ​ລະດູ​ການ ​ເພື່ອ​ສ້າງ​ເປັນ​ພະລາທິການ​ກັບ​ທີ່​ຕາມ​ທ່າແຮງ​ຂອງ​ຄອບ ຄົວ ແລະ ກົມ​ກອງ. ກອງຮ້ອຍ​ທີ 2 ກອງພັນ​ນັກຮຽນ ມ.7 ໂຮງຮຽນ​ກໍ່ສ້າງ​ນາຍ​ສິບ ເລກ 2 ວຽງ​ໄຊ: ໄດ້​ສະຫຼຸບ​ວຽກ​ງານ​ຮອບດ້ານ ປະຈຳ​ປີ 2023 ແລະ ຜ່ານ​ທິດ​ທາງ​ແຜນ ການ ປະຈຳ​ປີ 2024 ເຊິ່ງ​ໄດ້​ຍົກ​ໃຫ້ເຫັນ​ຫຼາຍ​ດ້ານ​ທີ່​ພົ້ນ​ເດັ່ນ ​ເປັນຕົ້ນ​ແມ່ນ​ການ​ເຮັດ​ໜ້າທີ່​ໃນ​ການ​ຄຸ້ມ​ຄອງ ນຳພາ-ຊີ້ນໍາ, ສຶກ​ສາ​ອົບຮົມ ແລະ ນຳພາ ນັກຮຽນ​ປະຕິບັດ​ບັນດາ​ຂໍ້​ກຳນົດ, ກົດ​ລະບຽບ 7 ລະບອບ 18 ວຽກ​ຂອງ​ກອງທັບ ກໍ​ຄື​ໂຮງຮຽນ​ວາງ​ອອກ​ໄດ້​ຢ່າງ​ເຂັ້ມ​ງວດ, ເອົາໃຈໃສ່​ປ້ອງ​ກັນ​ເວນຍາມ​ຂອບ​ເຂດ​ຮັບຜິດຊອບ ມີ​ຄວາມ​ສະຫງົບ​ປອດ​ໄພ 100% ພ້ອມ​ທັງ​ປຸກລະດົມ​ໃຫ້​ພະນັກງານ-ນັກຮົບ​ເອົາໃຈໃສ່​ຢ່າງ​ຕັ້ງໜ້າ​ໃນ​ການ​ອອກແຮງ​ເພີ່ມ​ພູນ​ຜະລິດຜົນ​ຕາມ​ທິດ 4 ປູກ 4 ລ້ຽງ​ຂອງ​ກົມ​ໃຫຍ່​ພະລາທິການ​ວາງ​ອອກ ໃນ​ນີ້, ນັກຮຽນ ປູກ​ຜັກ​ຊະນິດ​ຕ່າງໆ​ໄດ້​ທັງ​ໝົດ 1.600 ກິ​ໂລກ​ຣາມ ເປັນ​ເງິນ 6.400.000 ກີບ. ພ້ອມ​ນັ້ນ, ຍັງ​ໄດ້​ມອບ​ຂອງຂວັນ​ໃຫ້​ບຸກຄົນ​ດີເດັ່ນ​ທາງ​ດ້ານ​ການ​ຮ່ຳຮຽນ​ຈຳນວນ 5 ສະຫາຍ, ເດັ່ນ​ທາງ​ດ້ານ​ການ​ເພີ່ມ​ພູມ​ຜະລິດຜົນ 2 ສະຫາຍ ແລະ ເດັ່ນ​ທາງ​ດ້ານ​ການ​ປະຕິບັດ​ລະບຽບ​ວິ​ໃນ​ເຂັ້ມ​ງວດ 3 ສະຫາຍ. ໜ່ວຍ​ພັກ​ ກອງຮ້ອຍ​ທະຫານ​ຊາຍ​ແດນ 522 ​ແຂວງ​ຈຳປາ​ສັກ: ສຳເລັດ​ກອງ​ປະຊຸມ​ໃຫຍ່ ຄັ້ງ​ທີ II, ກອງ​ປະຊຸມ​ຄັ້ງ​ປະຖົມ​ມະລຶກ​ໄດ້​ເຫັນ​ດີ​ເປັນ​ເອກ​ກະ​ພາບ​ເລືອກ​ເອົາ ສະຫາຍ ຮ້ອຍ​ເອກ ສາຍ​ທາລາ ສີ​ພົມມາ​ລັງ​ກຸນ ເປັນ​ເລຂາ​ໜ່ວຍ​ພັກ​, ສະຫາຍ ຮ້ອຍ​ເອກ ພູ​ວັນ ວົງ​ພົມ​ໄຊ ເປັນ​ຮອງ​ເລຂາ​ໜ່ວຍ ແລະ ສະຫາຍ ຮ້ອຍ​ໂທ ສາທິດ ສີ​ບຸນ​ທົງ ເປັນ​ກຳມະການ​ກວດກາ​ໜ່ວຍ​ພັກ​ ກອງຮ້ອຍ​ທະຫານ​ຊາຍ​ແດນ 522 ແຂວງ​ຈຳປາ​ສັກ. ຫ້ອງ​ເສນາ​ທິ​ການ ກອງ​ພົນ​ທີ 1: ໄດ້​ຈັດ​ຕັ້ງ​ເຊື່ອມ​ຊຶມ​ບັນດາ​ເອກະສານ ສຳຄັນ​ຕ່າງໆ ຂອງ​ພັກ, ຂອງ​ຊາດ, ຂອງ​ກອງທັບ ປະກອບ​ມີ: ເອກະສານ ຄຳ​ສັ່ງ​ແນະນຳ​ວ່າ​ດ້ວຍ ການ​ຜັນ​ຂະຫຍາຍ​ຜົນສຳເລັດ​ຂອງ​ກອງ​ປະຊຸມ​ຄົບ​ຄະນະ​ກາງ​ສະໄໝ ຂອງ​ຄະນະ​ບໍລິຫານ​ງານ ສູນ​ກາງ​ພັກ ສະໄໝ​ທີ XI, ມະຕິ​ກອງ​ປະຊຸມ​ຄົບ​ຄະນະ​ກາງ​ສະໄໝ ​ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI, ມະຕິ ​ວ່າ​ດ້ວຍ​ຍູ້​ແຮງ​ການ​ຜັນຂະຫຍາຍ​ແນວທາງ​ປ່ຽນແປງ​ໃໝ່ ສູ່​ລວງ​ເລິກ​ສ້າງ​ການ​ຫັນປ່ຽນ​ທີ່​ແຂງແຮງ ເລິກເຊິ່ງ ແລະ ຮອບດ້ານ ໃນ​ການ​ນຳພາ​ຂອງ​ພັກ, ຄຳ​ສັ່ງ​ວ່າ​ດ້ວຍ​ການ​ເພີ່ມ​ທະວີ​ແກ້​ໄຂ​ບັນຫາ​ເຄັ່ງຮ້ອນ​ຂອງ​ເສດຖະກິດ​ການ​ເງິນ, ບັນຫາ​ເງິນ​ເຟີ້, ອັດຕາ​ແລກປ່ຽນ, ລາຄາ​ສິນຄ້າ ແລະ ໜີ້​ສິນ​ຕ່າງປະເທດ, ກຳລັງ​ອາສາ​ສະໝັກ ແລະ ຊ່ຽວຊານ​ຫວຽດນາມ​ໃນ​ພາລະກິດ​ປະຕິວັດ​ຂອງ​ປະຊາຊົນ ແລະ ເອກະສານ​ວ່າ​ດ້ວຍ​ການ​ກຽມພ້ອມ​ສູ້​ຮົບ​ຂອງ​ກອງທັບ​ປະຊາຊົນ​ລາວ. ສູນ​ເຝິກອົບຮົມ ​ກອງ​ພົນ​ທີ 4: ໄດ້​ຈັດ​ຕັ້ງ​ເຊື່ອມ​ຊຶມ​ຜົນສຳເລັດ​ຂອງ​ກອງ​ປະຊຸມ​ຄົບ​ຄະນະ​ກາງ​ສະໄໝ​ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI ເພື່ອ​ເຮັດ​ໃຫ້ຄະນະ​ພັກ-ຄະນະ​ບັນຊາ​ຕະຫຼອດພະນັກງານ-ສະມາຊິກ​ພັກ ​ໄດ້​ຮັບ​ຮູ້​ເຂົ້າໃຈ, ກຳ​ແໜ້ນ​ຢ່າງ​ເລິກເຊິ່ງ​ທົ່ວ​ເຖິງ ແລະ ມີ​ຄວາມ​ເອກະ​ພາບ​ສູງ​ຕໍ່​ເນື້ອ​ໃນ​ຂອງ​ກອງ​ປະຊຸມ​ກາງ​ສະໄໝ ຂອງ​ຄະນະ​ບໍລິຫານ​ງານ​ສູນ​ກາງ​ພັກ ສະໄໝ​ທີ XI. ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ: ໄດ້​ຈັດ​ກອງປະຊຸມ​ສະຫຼຸບ​ຖອດ​ຖອນ​ບົດຮຽນ​ການ​ເຂົ້າ​ຮ່ວມປະ​ກວດ​ນັກ​ຮ້ອງ-ຂັບ​ລຳ​ສຽງ​ດີ​ທົ່ວ​ກອງທັບ ​ເຂດແຂ່ງຂັນທີ I ທີ່​ແຂວງ​ອຸດົມ​ໄຊ​ໄດ້​ຮັບ​ກຽດ​ເປັນ​ເຈົ້າພາບ ເຊິ່ງ​ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ໄດ້​ນຳ​ເອົາ​ບົດ​ເພງແລະ ຂັບ​ລຳ 4 ບົດ​ເຂົ້າ​ປະ​ກວດ ໃນ​ນີ້, ມີ​ບົດ​ເພງ​ທີ່​ມີ​ຊື່ວ່າ (20 ມັງກອນ ໝັ້ນຍືນ) ໃນ​ຈັງຫວະສະ​ໂລ​ລ໋ອກ, ຂັບ​ເຈີມ​ກຶມ​ມຸ ລາ​ນ້ອງ​ໄປ​ຊາຍ​ແດນ ຈັງຫວະ​ລຳວົງ​ມາດຕະຖານ, ຂັບ​ສາມ​ສ້າວ- ນາກສະດຸ້ງ ລຳວົງ​ພື້ນເມືອງລາວ ແລະ ບົດ​ເພງ ເຫັນໃຈ​ທະຫານ ຊັ້ນ II ຈັງຫວະ​ໂບ​ລີ​ໂລ. ຜ່ານການ​ແຂ່ງຂັນ​ໜ່ວຍ​ສິລະ​ປະ​-ວັນນະຄະດີ​ສະໝັກ​ຫຼິ້ນ ກອງ​ບັນຊາ​ການ​ທະຫານ​ແຂວງ​ຫຼວງ​ພະ​ບາງ ສາມາດ​ຍາດ​ໄດ້​ລາງວັນ​ຮອງ​ຊະນະ​ເລີດ​ອັນ​ດັບ II ໃນ​ບົດ​ຂັບ​ສະຫຼາງ​ສາມ​ສ້າວ-ນາກ​ສະດຸ້ງ ລຳວົງ​ພື້ນເມືອງ​ລາວ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ