POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ເມືອງຫີນບູນ ເລັ່ງໃສ່ການທ່ອງທ່ຽວດ້ານທຳມະຊາດ ເພື່ອຮອງຮັບປີທ່ອງທ່ຽວລາວ 2024
ເວລາອອກຂ່າວ: 2023-12-25 09:00:36 | ຜູ້ຂຽນ : admin3 | ຈຳນວນຄົນເຂົ້າຊົມ: 635 | ຄວາມນິຍົມ:

ແຫຼ່ງຂ່າວຈາກ ແຂວງຄຳມ່ວນ ໃຫ້ຮູ້ວ່າ: ເມືອງຫີນບູນ ແຂວງຄຳມ່ວນ ເລັ່ງໃສ່ການທ່ອງ ທ່ຽວທາງດ້ານທຳມະຊາດເປັນຫຼັກ ເພື່ອຮອງຮັບໃຫ້ການເປີດປີທ່ອງທ່ຽວລາວ 2024 ເນື່ອງຈາກວ່າແຫຼ່ງທ່ອງທ່ຽວຫຼາຍແຫ່ງພາຍໃນເມືອງ ຍັງຄົງຄວາມ ອຸດົມສົມບູນ ທາງດ້ານທຳມະ ຊາດ ແລະ ຊີວະນານາພັນ,ອີກ ດ້ານໜຶ່ງເຫັນວ່ານັກທ່ອງທ່ຽວ ທັງພາຍໃນ ແລະ ຕ່າງປະເທດ ຫັນມານິຍົມຊົມຊອບການທ່ອງ ທ່ຽວແບບອະນຸລັກທຳມະຊາດ ເປັນສ່ວນຫຼາຍໃນປັດຈຸບັນ. ທ່ານ ຄຳສິງ ອໍລະວັນ ເຈົ້າເມືອງ ເມືອງຫີນບູນ ແຂວງຄຳມ່ວນ ໃຫ້ຮູ້ວ່າ: ປີທ່ອງທ່ຽວລາວ 2024 ເມືອງຫີນບູນ ຈະເລັ່ງໃສ່ການທ່ອງທ່ຽວທາງທຳມະຊາດເປັນຫຼັກ ເປັນຕົ້ນ ແຫຼ່ງທ່ອງທ່ຽວຂຸນກອງແລງ ບ້ານນາ ຄື, ວັງນ້ຳຕົກ ສາຍນ້ຳປະກັນ ບ້ານນາທານ, ຖ້ຳກວນໄນ ບ້ານອິນ ແປງ ແລະ ນໍ້າຕົກຕາດຄອນແກ້ວ ບ້ານນາໂພ ເຊິ່ງໃນ 4 ຈຸດນີ້ ແມ່ນ ແຫຼ່ງທ່ອງທ່ຽວທາງທຳມະຊາດ ທີ່ມີຄວາມອຸດົມສົມບູນ ແລະ ມີ ຄວາມສວຍງາມ ທີ່ດຶງດູດນັກ ທ່ອງທ່ຽວທີ່ເຂົ້າມາທ່ຽວຊົມ. ທ່ານ ຄຳສິງ ອໍລະວັນ ໃຫ້ຮູ້ອີກວ່າ: ປັດຈຸບັນໃນທົ່ວເມືອງຫີນບູນ ມີສະຖານທີ່ທ່ອງທ່ຽວທັງໝົດ 13 ແຫ່ງ ໃນນີ້, ແຫຼ່ງທ່ອງ ທ່ຽວວັດທະນະທຳ 3 ແຫ່ງ,ທຳ ມະຊາດ 8 ແຫ່ງ ແລະ ປະຫວັດ ສາດ 2 ແຫ່ງ. ໃນໄລຍະຜ່ານມາ ໄດ້ມອບໃຫ້ຜູ້ຊີ້ນຳວຽກງານວັດ ທະນະທຳ-ສັງຄົມຂອງເມືອງເອົາ ໃຈໃສ່ຊຸກຍູ້ຂະແໜງການທີ່ກ່ຽວ ຂ້ອງຂັ້ນເມືອງ, ການຈັດຕັ້ງ ບ້ານ ແລະ ຜູ້ປະກອບການດ້ານ ການບໍລິການທ່ອງທ່ຽວ, ໂຮງ ແຮມ, ເຮືອນພັກ, ຮ້ານອາຫານ ໄດ້ມີການກະກຽມຄວາມພ້ອມ ເປັນຕົ້ນ ການປັບປຸງສະຖານທີ່ ບໍລິການຕ່າງໆ ໃຫ້ມີຄວາມສະ ອາດ, ສວຍງາມ ເພື່ອຮອງຮັບ ແລະ ດຶງດູດນັກທ່ອງທ່ຽວທີ່ເຂົ້າ ມາທ່ຽວຊົມຢູ່ພາຍໃນເມືອງ ໂດຍ ອີງໃສ່ເງື່ອນໄຂ ແລະ ສິ່ງທີ່ເອື້ອຍ ອຳນວຍຄວາມສະດວກ ນອກ ຈາກໄດ້ສຳຜັດກັບບັນຍາກາດ ທີ່ມີຄວາມສົດຊື່ນແລ້ວ ຍັງມີຫຼາຍກິດຈະກຳໄວ້ໃຫ້ບໍລິການ ໂດຍສະ ເພາະ ກິດຈະກຳອາບນ້ຳ-ລອຍນ້ຳ ທີ່ໃສເຢັນ, ລ່ອງກົງເບັງຕາມສາຍ ນ້ຳກອງແລງ, ນ້ຳປະກັນ,ຍ່າງ ທ່ຽວຊົມທຳມະຊາດພາຍໃນຖ້ຳ, ຂີ່ເຮືອລອດຖ້ຳ, ຕັ້ງແຄ້ມ-ກິນເຂົ້າປ່າຕາມທຳມະຊາດ ແລະ ອື່ນໆ. ໃນປີ 2023 ມີນັກທ່ອງ ທ່ຽວ ທັງພາຍໃນ ແລະ ຕ່າງປະ ເທດ ເຂົ້າມາທ່ຽວຊົມເມືອງຫີນ ບູນ ທັງໝົດ 7.500 ເທື່ອຄົນ ແລະ ໃນປີ 2024 ຄາດຄະເນ ວ່າຈະມີນັກທ່ອງທ່ຽວບໍ່ຕ່ຳກວ່າ 9.600 ເທື່ອຄົນ. ສະນັ້ນ, ຈຶ່ງ ຮຽກຮ້ອງມາຍັງການຈັດຕັ້ງແຕ່ ລະຂັ້ນ, ພະນັກງານ-ລັດຖະກອນ ຕະຫຼອດຮອດປະຊາຊົນທຸກຊັ້ນ ຄົນ ຈົ່ງໄດ້ພ້ອມກັນຮ່ວມເປັນເຈົ້າພາບທີ່ດີ ເພື່ອຕ້ອນຮັບນັກທ່ອງທ່ຽວທີ່ເຂົ້າມາພັກຜ່ອນ ແລະ ທ່ຽວຊົມເມືອງຫີນບູນ, ຮຽກ ຮ້ອງມາຍັງຜູ້ປະກອບການດ້ານການທ່ອງທ່ຽວ ຈົ່ງໄດ້ຫ້າງຫາ ກະກຽມຄວາມພ້ອມຮອບດ້ານ, ປັບປຸງສະຖານທີ່ທ່ອງທ່ຽວໃຫ້ ມີຄວາມສະອາດ, ສວຍງາມ, ເປັນ ລະບຽບຮຽບຮ້ອຍ, ການນຸ່ງຖື ຂອງພະນັກງານຕ້ອນຮັບໃຫ້ຖືກ ຕ້ອງຕາມຮີດຄອງປະເພນີ ແລະ ເປັນເອກະລັກຂອງແຕ່ລະທ້ອງ ຖິ່ນ, ປັບປຸງຂອດການບໍລິການ ໃຫ້ມີຄວາມປະທັບໃຈ ເພື່ອສ້າງແຮງບັນດານໃຈ ແລະ ດຶງດູດນັກທ່ອງທ່ຽວ ເຂົ້າມາທ່ຽວຊົມເມືອງຫີນບູນໃຫ້ບັນລຸ ແລະ ລື່ນຄາດໝາຍທີ່ວາງໄວ້.

news to day and hot news