ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

​ປກສ ແຂວງ​ເຊ​ກອງ ຢຶດ​ໝັ້ນ 3 ຫຼັກການ​ແກ້​ໄຂ​ຢາ​ເສບ​ຕິດ ສາມາດ​ມ້າງ​ຄະດີ​ໄດ້ 150 ກວ່າ​ເລື່ອງ
ເວລາອອກຂ່າວ: 2023-12-25 09:01:09 | ຜູ້ຂຽນ : admin3 | ຈຳນວນຄົນເຂົ້າຊົມ: 255 | ຄວາມນິຍົມ:



ກອງ​ບັນຊາ​ການ​ປ້ອງ​ກັນ​ຄວ າມ​ສະຫງົບ (​ປກສ) ແຂວງ​ເຊ​ກອງ ໄດ້​ຍົກ​ສູງ​ປະສິດທິພາບ​ດ້ານ​ການ​ຄຸ້ມ​ຄອງ​ນຳພາ-ບັນຊາ​ການຈັດຕັ້ງ​ປະຕິບັດ​ຮອບດ້ານ​ໃນ​ການ​ແກ້​ໄຂ​ບັນຫາ​ຢາ​ເສບ​ຕິດ ໂດຍ​ຢຶດ​ໝັ້ນ 3 ຫຼັກການ​ຄື: ຄວາມ​ເດັດຂາດ, ໂປ່ງ​ໃສ ແລະ ເປັນ​ມື​ອາຊີບ; ນັບ​ແຕ່​ປີ 2021-2023 ສາມາດ​ເລີກ​ຮື້-ແກ້​ໄຂ​ມ້າງ​ລາຍ ​ຄະດີ​ຢາ​ເສບ​ຕິດ​ໄດ້ 153 ເລື່ອງ, ຈັບ​ຜູ້​ຖືກ​ຫາ​ໄດ້ 154 ຄົນ, ຍິງ 10 ຄົນ, ຍຶດ​ຂອງ​ກາງປະເພດ​ຢາ​ ເສບ​ຕິດ (ຢາ​ບ້າ) ໄດ້ 70.733 ເມັດ. ສະຫາຍ ພັນເອກ ທະວີ​ສັກ ເພັດ​ພູ​ຫຼວງ ຮອງ​ຫົວໜ້າ​ກອງ ບັນຊາ​ການ ​ປກສ ແຂວງ ໄດ້​ ລາຍ​ງານຕໍ່​ກອງ​ປະຊຸມຄົບຄະນະ​ ບໍລິຫານ​ງານ​ພັກແຂວງເປີດ​ ກວ້າງ​ ຄັ້ງ​ທີ IX ສະໄໝ​ທີ X ເປີດ​ຂຶ້ນ​ໃນ​​ບໍ່​ດົນຜ່ານ​ມາ​ນີ້​ວ່າ: ໃນການ​ຈັດ​ຈັດ​ຕັ້ງ​ປະຕິບັດ​ວາ ລະ​ແຫ່ງ​ຊາດ ນັບ​ແຕ່​ປີ 2021 -2023 ສາມາດ​ແກ້​ໄຂ​ໄດ້ຫຼາຍ ​ຄະດີ ເຊິ່ງ​ເປັນ​ການ​ປະກອບສ່ວນ​ ສຳຄັນ​ໃນ​ການ​ແກ້​ໄຂ​ສະພາບ​ ຄວາມ​ບໍ່​ສະຫງົບ, ຄວາມບໍ່​ເປັນ​ ລະບຽບ​ຮຽບ​ຮ້ອຍ​ໃນ​ສັງຄົມ​ໃຫ້​ ຫຼຸດ​ໜ້ອຍ​ຖອຍ​ລົງ ເພື່ອ​ສ້າງ​ສະພາບ​ແວດ​ລ້ອມ ແລະ ເງື່ອນ ໄຂ​ເອື້ອ​ອຳນວຍ​ໃຫ້​ແກ່​ການ​ພັດ ທະນາ​ເສດຖະກິດ-ສັງຄົມກໍ​ຄື ການ​ແກ້​ໄຂ​ຄວາມທຸກ​ຍາກ​ຂອງ​ ປະຊາຊົນ​ບັນດາເຜົ່າ​ໃຫ້​ດີ​ຂຶ້ນ ພ້ອມ​ນັ້ນ ​ໄດ້​ເກັບ​ກຳ​ຂຶ້ນ​ບັນຊີ​ເປົ້າ​ ໝາຍ​ຄ້າ-ຂາຍ​ຢາ​ເສບ​ຕິດ​ລາຍ ​ຍ່ອຍ, ລາຍ​ກາງ ແລະ ລາຍ​ໃຫຍ່​ ໄດ້ 222 ຄົນ, ຍິງ 11 ຄົນ; ເກັບ​ ກຳ​ຂຶ້ນ​ບັນຊີ​ເປົ້າ​ໝາຍ​ມົ້ວ​ສຸມ​ເສບ​ຢາ​ເສບ​ຕິດ​ໄດ້ 2.210 ຄົນ, ຍິງ 66 ຄົນ; ນຳ​ສົ່ງ​ຜູ້​ເສບ ແລະ ມົ້ວ​ສຸມ​ຢາ​ເສບ​ຕິດ​ໄປ​ປິ່ນປົວ​ບຳ ບັດ​ຕາມ​ສູນ​ຕ່າງໆ 36 ຄົນ, ຍິງ 1 ຄົນ; ເຄື່ອນ​ໄຫວ​ເຜີຍແຜ່​ກົດໝາຍ​ນິຕິ​ກຳ​ໃຕ້​ກົດໝາຍ ແລະ ຜົນ​ຮ້າຍ​ຢາ​ເສບ​ຕິດຕາມ​ສະຖານທີ່​ຕ່າງໆ​ໃນ​ທົ່ວ​ແຂວງ​ໄດ້ 79 ຄັ້ງ, ມີ​ຜູ້​ເຂົ້າ​ຮ່ວມ 7.390 ເທື່ອ​ຄົນ, ຍິງ 2.187 ເທື່ອ​ຄົນ; ສ້າງ​ບ້ານ​ປອດ​ຢາ​ເສບ​ຕິດ​ໄດ້ 41 ບ້ານ ແລະ ພົວພັນ​ຮ່ວມ​ມື​ກັບ​ປະເທດ​ເພື່ອນ​ມິດ​ຍຸດ​ທະ​ສາດ ​ສສ ຫວຽດນາມ ໂດຍ​ສະເພາະ​ບັນດາ​ແຂວງ​ທີ່​ມີ​ຊາຍ​ແດນ​ຕິດ​ຈອດ ເພື່ອ​ນຳ​ເອົາ​ກຳລັງ ​ປກສ ແຂວງ, ​ປກສ ເມືອງ​ໄປ​ປະຈຳ​ຢູ່​ຈຸດ​ລໍ່ແຫຼມ​ຕ່າງໆ​ ຂອງ​ແຂວງ. ສະຫາຍ ພັນເອກ ທະວີ​ສັກ ເພັດ​ພູ​ຫຼວງ ​ໃຫ້​ຮູ້​ອີ​ກວ່າ: ເພື່ອ​ເຮັດ​ໃຫ້ການ​ປະຕິບັດ​ວາລະ​ແຫ່ງ​ ຊາດ ວ່າ​ດ້ວຍ​ການ​ແກ້​ໄຂ​ບັນຫາ ​ຢາ​ເສບ​ຕິດ​ໃນຕໍ່ໜ້າ​ມີ​ປະສິດທິ ພາບ ແລະ ປະ​ສິດທິ​ຜົນ​ນັ້ນ ກ່ອນ ​ອື່ນ​ຕ້ອງ​ເອົາໃຈໃສ່​ປັບປຸງ​ກົງ ຈັກ​ການຈັດຕັ້ງ, ແບບແຜນ​ວິທີ ​ເຮັດ​ວຽກ​ຂອງ​ອົງການ​ສືບສວນ -ສອບ​ສວນ​ຢາ​ເສບ​ຕິດ ໂດຍ​ສະ ເພາະ​ແມ່ນ​ກຳລັງ ​ປກສ ແຕ່​ລະ​ຂັ້ນ​ໃຫ້​ມີ​ຄວາມ​ເຂັ້ມແຂງ ຕິດ​ພັນ ​ກັບ​ການ​ສຶກ​ສາ​ອົບຮົມ​ການເມືອງ -ແນວ​ຄິດ​ໃຫ້​ມີ​ແນວ​ຄິດ​ຫຼັກ​ໝັ້ນ, ສັດຊື່​ບໍລິສຸດ, ມີ​ຈັນ​ຍາ​ບັນ-ຈັນຍາ ທຳ ເຮັດ​ໜ້າທີ່​ດ້ວຍຄວາມເສຍ ສະຫຼະ; ສືບຕໍ່​ໂຄສະນາ​ເຜີຍແຜ່​ ກົດໝາຍ, ຜົນ​ຮ້າຍ ແລະ ໄພ​ອັນ ຕະລາຍ​ຂອງ​ຢາ​ເສບຕິດ​ໃຫ້ທົ່ວ​ ສັງຄົມ​ໄດ້​ຮັບ​ຮູ້, ເຂົ້າໃຈ ແລະ ເຫັນ​ໄດ້​ຄວາມ​ເປັນ​ອັນຕະລາຍ ​ຮ້າຍ​ແຮງ​ຂອງ​ຢາ​ເສບ​ຕິດ; ປຸກ ລະດົມ​ອົງການ​ປົກຄອງ​ທ້ອງຖິ່ນ ກໍ​ຄື​ປະຊາຊົນ​ບັນດາເຜົ່າ ໂດຍ​ສະ ເພາະ​ແມ່ນ​ສະ​ຖາ​ບັນ​ຄອບຄົວ ຕ້ອງ​ເປັນ​ເຈົ້າ​ການ​ເຂົ້າຮ່ວມ​ຢ່າງ ​ຈິງ​ຈັງ​ໃນ​ການ​ແກ້​ໄຂ​ບັນຫາ​ຢາ​ ເສບ​ຕິດ; ບັນຈຸ​ບຸກ​ຄະລາ​ກອນ​ ທີ່​ຈຳເປັນ​ຮັບ​ໃຊ້​ໃຫ້​ແກ່​ການ​ບຳ ບັດ​ປິ່ນປົວ ແລະ ເຝິກ​ວິຊາ​ຊີບ​ ຜູ້​ຕິດ​ຢາ​ເສບ​ຕິດ​ຢູ່​ສູນ​ບຳບັດ​ຜູ້​ ຕິດ​ຢາ​ເສບ​ຕິດ​ຂອງ​ແຂວງ; ສ້າງ ຄອບຄົວ-ບ້ານປອດ​ຢາເສບ​ຕິດ ​ໃຫ້​ໄດ້​ຕາມ​ມາດຖານເງື່ອນໄຂ ແລະ ເປົ້າ​ໝາຍ​ແຜນການ​ທີ່​ວາງ ​ໄວ້.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ