ວັນຈັນ, ວັນທີ 14 ຕຸລາ 2024
ກອງພັນ 1.60 ເປີດບັ້ນດຳເນີນຊີວິດການເມືອງ
ເວລາອອກຂ່າວ: 2023-12-25 09:01:30 | ຜູ້ຂຽນ : admin1 | ຈຳນວນຄົນເຂົ້າຊົມ: 1133 | ຄວາມນິຍົມ: 
ວັນທີ 21 ທັນວາ 2023 ນີ້, ກອງພັນ 1.60 ໄດ້ເປີດບັ້ນດຳເນີນຊີວິດການເມືອງທົ່ວກອງພັນ ເນື່ອງໃນໂອກາດຂ່ຳນັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ໂດຍການເປັນປະທານຂອງ ສະຫາຍ ພັນໂທ
ບຸນຈັນ ດວງພູມີ ເລຂາຄະນະພັກ, ຫົວໜ້າການເມືອງ ກອງພັນ 1.60, ມີບັນດາຄະນະພັກ-ຄະນະບັນຊາ, ສະມາຊິກພັກ, ພະນັກງານ-ນັກຮົມ ພາຍໃນກົມກອງເຂົ້າຮ່ວມ.
ບັ້ນດຳເນີນຊີວິດການເມືອງຄັ້ງນີ້, ໄດ້ພ້ອມກັນຄົ້ນຄວ້າເຊື່ອມຊຶມ ເນື້ອໃນເອກະສານ ເສີມຂະຫຍາຍທາດແທ້ມູນເຊື້ອປະຕິວັດອັນສະຫງ່າງາມຂອງກອງທັບປະຊາຊົນລາວ ແລະ ເອກະສານ ຕັ້ງໜ້າເຝິກຝົນຫຼໍ່ຫຼອມຄຸນສົມບັດສິນທຳປະຕິບັດ ແລະ ປັບປຸງແບບແຜນວິທີເຮັດວຽກຂອງພະນັກງານ-ນັກຮົບ ໃນໄລຍະໃໝ່. ທັງນີ້, ເພື່ອແນໃສ່ສຶກສາອົບຮົມການເມືອງ-ແນວຄິດ ເຮັດໃຫ້ສະມາ
ຊິກພັກ, ພະນັກງານ-ນັກຮົບ ເຊື່ອມຊຶມກຳແໜ້ນທາດແທ້ມູນເຊື້ອອັນສະຫງ່າງາມຂອງກອງທັບປະຊາຊົນລາວ ເພື່ອພ້ອມກັນປົກປັກຮັກສາ ແລະ ເສີມຂະຫຍາຍທາດແທ້ມູນເຊື້ອດັ່ງກ່າວໃຫ້ນັບມື້ອຸດົມສົມບູນ, ທັງເປັນການສຳຫຼວດກວດກາຄືນສະຕິຄວາມຮັບຜິດຊອບຕໍ່ໜ້າທີ່ການເມືອງຂອງແຕ່ລະສະຫາຍ, ເພື່ອເຝິກຝົນຫຼໍ່ຫຼອມຄຸນສົມບັດສິນທຳປະຕິວັດ, ປັບປຸງແບບແຜນດຳລົງຊີວິດ ແລະ ແບບແຜນວິທີການເຮັດວຽກ ໃຫ້ມີການຫັນປ່ຽນຢ່າງຕັ້ງໜ້າ, ມີຄຸນນະພາບອັນໃໝ່ ເພື່ອສ້າງຜົນງານໄວ້ຂ່ຳນັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້ໃຫ້ມີເນື້ອໃນຄວາມໝາຍເລິກເຊິ່ງ.
ໂດຍ: ບົວລອຍ ໄຊຍະວົງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
