ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ໂຮງໝໍ​ສູນ​ກາງ 103 ກອງທັບ ຕ້ອນຮັບ​ຄະນະ​ຊ່ຽວຊານ ​ສປ ຈີນ ຊຸດ​ທີ X
ເວລາອອກຂ່າວ: 2023-12-25 09:04:08 | ຜູ້ຂຽນ : admin1 | ຈຳນວນຄົນເຂົ້າຊົມ: 187 | ຄວາມນິຍົມ:



ໃນ​ວັນ​ທີ 14 ທັນວາ 2023 ນີ້, ໂຮງໝໍ​ສູນ​ກາງ 103 ກອງທັບ ໄດ້​ຕ້ອນຮັບ​ຄະນະຊ່ຽວ ຊານ​ຈາກ​ໂຮງໝໍ​ຊີ​ຈິງມະຫາ ວິທະຍາໄລ​ການ​ແພດທະຫານ​ ອາກາດກອງທັບ​ປົດ​ປ່ອຍປະຊາ ຊົນ​ຈີນ ຊຸດ​ທີ X ທີ່​ມາ​ປະຕິບັດ​ໜ້າທີ່​ຢູ່ໂຮງໝໍ​ສູນ​ກາງ 103 ກອງທັບ, ໃຫ້ການ​ຕ້ອນຮັບ​ໂດຍ ສະຫາຍ ພັນ​ເອກ ສະແຫວງ​ໄຊ ດາລາສາດ ຫົວໜ້າ​ການ​ທະຫານ ໂຮງໝໍ​ສູນ​ກາງ 103 ກອງທັບ ພ້ອມ​ຄະນະ. ໂອກາດ​ນີ້, ສະຫາຍ ພັນ​ເອກ ​ດຣ ນາງ ມະ​ລີ​ວອນ ສຸລິຍະ​ແສງ ຫົວໜ້າ​ການເມືອງ ໂຮງໝໍ​ສູນ​ກາງ 103 ກອງທັບ ໄດ້​ຕາງໜ້າ​ຄະນະ​ພັກ-ຄະນະ​ອຳນວຍ​ການ​ກ່າວ​ຕ້ອນຮັບ ແລະ ສະແດງ​ຄວາມ​ຂອບໃຈ ສະຫາຍ ຫວັງ​ຝູ​ຫຼີນ ພ້ອມ​ດ້ວຍ​ຄະນະ ທີ່​ມີ​ນ້ຳໃຈ​ເສຍສະຫຼະ​ເພື່ອ​ມາ​ຊ່ວຍເຫຼືອ​ດ້ານ​ການ​ແພດ ໃນ​ທ່າມ​ກາງ​ຄວາມ​ຫຍຸ້ງຍາກ​ຫຼາຍ​ດ້ານ ໂດຍ​ສະເພາະ​ດ້ານ​ເຕັກນິກ​ວິຊາ​ການ, ຄວາມ​ສາມາດ​ຂອງ​ບຸກ​ຄະລາ​ກອນ​ທີ່​ຍັງ​ຕ້ອງ​ຍົກ​ລະດັບ ແລະ ເຄື່ອງມື​ອຸປະກອນ ​ຕ່າງໆ ​ທີ່​ຍັງ​ຂາດເຂີນ. ພ້ອມ​ທັງ, ກ່າວ​ຂອບໃຈ​ເປັນ​ຢ່າງ​ສູງ​ມາ​ຍັງ​ການ​ນຳ​ຂອງ​ສອງ​ກອງທັບ ລາວ-ຈີນ, ຈີນ​-ລາວ ທີ່​ໄດ້​ຮ່ວມ​ມື​ກັນ​ເພື່ອ​ເສີມ​ສ້າງ​ການ​ພັດທະນາ ໂຮງໝໍ​ສູນ​ກາງ 103 ກອງທັບ ໃຫ້​ມີ​ຄວາມ​ກ້າວໜ້າ ແລະ ທັນ​ສະໄໝ​ຂຶ້ນ​​ເລື້ອຍໆ. ການ​ມາ​ປະຕິບັດ​ໜ້າທີ່​ຢູ່ໂຮງ ໝໍ​ສູນ​ກາງ 103 ກອງທັບ ຂອງ​ ຄະນະ​ຊ່ຽວຊານ​ຈີນ ຊຸດ​ທີ X ໃນ​ໄລຍະ 6 ເດືອນ​ຄັ້ງ​ນີ້, ເພື່ອ​ເປັນ​ການ​ສືບຕໍ່​ການ​ຮ່ວມ​ມື​ຂອງ​ສອງ​ກອງທັບ ລາວ-ຈີນ ກໍ​ຄື​ກະຊວງ​ປ້ອງ​ກັນ​ປະເທດ ແຫ່ງ ​ສປປ ລາວ ແລະ ກະຊວງ​ປ້ອງ​ກັນ​ປະເທດ ແຫ່ງ ​ສປ ຈີນ ທີ່​ໃຫ້ການ​ຊ່ວຍເຫຼືອ ສົ່ງ​ບຸກ​ຄະລາ​ກອນ​ທາງ​ການ​ແພດ ກໍ​ຄື​ຊ່ຽວຊານ ເພື່ອ​ມາ​ສິດສອນ, ແນະນຳ​ເຕັກ ນິກ​ວິຊາ​ການ ທັງ​ດ້ານ​ທິດ​ສະດີ ແລະ ປະຕິບັດ​ຕົວ​ຈິງ. ຄະນະຊ່ຽວຊານ ຊຸດ​ທີ X ຈະ​ໄດ້​ແລກປ່ຽນ ​ຄວາມ​ຮູ້​ວິຊາ​ການສະເພາະດ້ານ​ ກັບ​ທ່ານໝໍ​ໃນ​ໂຮງໝໍ​ສູນກາງ 103 ກອງທັບ ເພື່ອຍົກລະດັບ​ ວິຊາ​ການ ແລະ ປັບປຸງ​ເຕັກນິກ​ການ​ແພດ​ໃຫ້​ມີ​ປະສິດທິພາບສູງ ​ຂຶ້ນ ສາມາດ​ໝູນ​ໃຊ້​ແກ້ໄຂກໍລະນີ​ຄົນ​ເຈັບ​ຕ່າງໆ​ ຢູ່ ​ສປປ ລາວທີ່​ຍັງ​ຕ້ອງ​ປັບປຸງ​ໃຫ້​ດີຂຶ້ນເລື້ອຍໆ. ພ້ອມນີ້, ຍັງຈະສືບຕໍ່ຊ່ວຍເຫຼືອ​ ວຽກງານອົບຮົມ​ການ​ແພດ, ສິດສອນ​ພື້ນຖານ​ພະຍາບານ​ໃຫ້​ສູງ​ຂຶ້ນ ແລະ ວາງ​ແຜນ​ສົມ ທົບ​ຊ່ວຍເຫຼືອ​ທາງ​ອຸປະກອນ​ ເຄື່ອງມື​ການ​ແພດ ໃຫ້​ມີຄວາມ​ ພ້ຽບ​ພ້ອມ​ໃນ​ການ​ບໍລິການ​ຮັກ ສາຄົນ​ເຈັບ​ໃນຕໍ່ໜ້າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ