ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ຫວຽດນາມ ແລະ ສະຫະພາບ ອາ​ຟຣິ​ກາ ສ້າງຕັ້ງ​ສາຍ​ພົວພັນ​ທາງ​ການ​ທູດ​ຢ່າງ​ເປັນ​ທາງ​ການ
ເວລາອອກຂ່າວ: 2023-12-25 09:04:49 | ຜູ້ຂຽນ : admin3 | ຈຳນວນຄົນເຂົ້າຊົມ: 151 | ຄວາມນິຍົມ:



ຕາມ​ຂ່າວສານ​ຊິນ​ຮວາ​ລາຍ​ງານ​ວັນ​ທີ 21 ທັນວາ ນີ້​ວ່າ: ເມື່ອ​ວັນ​ທີ 15 ທັນວາ, ທ່ານ ຫງວ​​ຽນ​ນາມ​ຕຽນ ເອກ​ອັກ​ຄະ​ລັດ​ຖ​​ະ​ທູດ ຫວຽດນາມ ປະຈຳ ເອ​ທີ​ໂອ​ປີ ໄດ້​ເຂົ້າ​ຍື່ນ​ສານ​ຕາ​ຕັ້ງຂອງ ​ທ່ານ ​ຫວໍ​ວັນ​ເຖືອງ ປະທານ​ປະເທດ ຫວຽດນາມ ວ່າ​ດ້ວຍ​ການ​ບົ່ງ​ຕົວ​ໃຫ້​ເປັນ​ຜູ້ ຕາງໜ້າຫວຽດນາມ ປະຈຳ ສະຫະພາບ ອາ​ຟຣິ​ກາ (AU) ໃຫ້​ແກ່​ທ່ານ ມຸ​​ສ​ຊາ ຟາ​ກິ ມາ​ຮາ​ມັດ ປະທານ​ຄະນະ​ກຳມະການ AU. ເຫດການ​ດັ່ງກ່າວ​ໄດ້​ສ້າງ​ຂີດ​ໝາຍ ຫວຽດນາມ ແລະ AU ສ້າງຕັ້ງ​ສາຍ​ພົວພັນ​ທາງ​ການ​ທູດ ຢ່າງ​ເປັນ​ທາງ​ການ.    ທ່ານ ທູດ ຫວຽດນາມ ຢັ້ງຢືນ​ວ່າ: ຫວຽດນາມ ປາດ​ຖະ​ໜາ​ຢາກ​ເພີ່ມ​ທະວີ​ການ​ຮ່ວມ​ມື​ກັບ AU ໃນ​ຫຼາຍ​ຂົງເຂດ. ຫວຽດນາມ ພ້ອມ​ແລ້ວ​ທີ່​ຈະ​ປະກອບສ່ວນ​ໂດຍ​ກົງ ແລະ ເປັນ​ເຈົ້າ​ການ​ ສຳລັບ​ບັນດາ​ຄວາມ​ມານະ​ພະຍາຍາມ​ລວມ​ຂອງ AU ເພື່ອ “ພາກ​ພື້ນ ອາ​ຟຣິ​ກາ ເຊື່ອມ​ໂຍງ, ວັດທະນາ​ຖາວອນ ແລະ ສັນຕິພາບ, ມີແຮງ​ກະ​ຕຸ້ນ​ມາ​ຈາກ​ປະຊາຊົນ ອາ​ຟຣິ​ກາ ແລະ ຕາງໜ້າ​ໃຫ້​ກຳລັງ​ທີ່​ຂະຫຍັນ​ຂັບ​ເຄື່ອນ​ໃນ​ທົ່ວ​ໂລກ”.      ທ່ານ ປະທານ​ຄະນະ​ກຳມະການ AU ເຊື່ອ​ໝັ້ນ​ວ່າ: ໃນ​ໄລຍະ​ຈະ​ມາ​ເຖິງ, ຫວຽດນາມ ຈະ​ປະກອບສ່ວນ​ອັນໃຫຍ່​ຫຼວງ​ກວ່າ​ອີກ​ໃຫ້​ແກ່​ໂຄງການ​ດຳ ເນີນ​ງານ​ຮອດ​ປີ 2063 ເພື່ອ​ສັນຕິພາບ ແລະ ຄວາມ​ໝັ້ນຄົງ​ຂອງ ອາ​ຟຣິ​ກາ, ປະກອບສ່ວນ​ເພີ່ມ​ທະວີ​ການ​ຮ່ວມ​ມື​ລະຫວ່າງ ຫວຽດນາມ ກັບ ອາ​ຟຣິ​ກາ ໃນ​ທຸກ​ຂົງເຂດ. ໃນ​ໂອກາດ​ນີ້, ທ່ານ​ເອກ​ອັກ​ຄະ​ລັດ​ຖະ​ທູດຫວຽດນາມ ຍັງໄດ້ ຝາກ​ຄຳ​ເຊີນ​ຂອງ​ທ່ານ​ປະທານ​ປະເທດ​ຫວຽດນາມເຊື້ອ​ເຊີນ​ທ່ານ​ປະທານ​ຄະນະ​ກຳມະການ AU  ໄປ​ຢ້ຽມຢາມ ຫວຽດນາມ ໃນ​ໄວໆ​ນີ້.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ