ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ກອງ​ພົນ​ທີ 5 ສ້າງ​ໄດ້ຜົນ​ງານ​ຫຼາຍ​ດ້ານ ​ຂ່ຳນັບ​ຮັບ​ຕ້ອນ​ວັນ​ສ້າງຕັ້ງ​ກອງທັບ ຄົບຮອບ 75 ປີ
ເວລາອອກຂ່າວ: 2023-12-25 09:07:47 | ຜູ້ຂຽນ : admin1 | ຈຳນວນຄົນເຂົ້າຊົມ: 57 | ຄວາມນິຍົມ:



ສະຫາຍ ພົນ​ຈັດຕະວາ ສີ​ປະເສີດ ເຜີຍ​ຄຳ​ສີງ ຫົວໜ້າ​ການເມືອງ ກອງ​ພົນ​ທີ 5 ໃຫ້​ຮູ້​ວ່າ: ພາຍຫຼັງ​ໄດ້​ຮັບ​ຄຳ​ສັ່ງ​ແນະນຳ​ຂອງ​ກົມ​ໃຫຍ່​ການເມືອງ​ກອງທັບ ກ່ຽວ​ກັບ​ການ​ກະກຽມ​ສະເຫຼີມສະຫຼອງ​ວັນ​ສ້າງຕັ້ງ​ກອງ ທັບ​ປະຊາຊົນ​ລາວ ຄົບຮອບ 75 ປີ, ຄະນະ​ພັກ-ຄະນະ​ບັນຊາ​ກອງ​ພົນໄດ້​ພ້ອມ​ກັນ​ຈັດ​ຕັ້ງ​ເຊື່ອມ​ຊຶມ ແລະ ປະຕິບັດ​ຢ່າງ​ຮີບ​ດ່ວນ, ຊີ້​ນຳ​ໃຫ້​ບັນດາ​ກົມ​ກອງ​ຮາກ​ຖານ ສ້າງ​ຂະ​ບວນ​ການ​ດ້ານ​ຕ່າງໆ ເພື່ອ​ເອກອ້າງ​​ເປັນ​ຜົນງານ​ຂ່ຳນັບ​ຮັບ​ຕ້ອນ​ວັນ​ດັ່ງກ່າວໃຫ້​ມີ​ເນື້ອ​ໃນ​ຄວາມ​ໝາຍ​ເລິກເຊິ່ງ, ບົນ​ພື້ນຖານ​ຟົດຟື້ນ​ປະຕິວັດ ໃນ​ນີ້, ໄດ້​ຖື​ສຳຄັນ​ວຽກ​ງານ​ເຮັດໃຫ້​ ສະພາບ​ມີ​ຄວາມ​ສະຫງົບ ໂດຍ​ ໄດ້​ຫັນ​ລົງ​ກໍ່ສ້າງ​ຮາກ​ຖານການ ເມືອງຕາມ 4 ເນື້ອ​ໃນ 4 ຄາດ ໝາຍ, ສ້າງ​ບ້ານ​ປ້ອມໝັ້ນປ້ອງ​ກັນ​ຊາດ, ສົມທົບ​ກັບ​ອຳນາດ​ການ​ປົກຄອງ​ທ້ອງຖິ່ນ ​ຕິດ ຕາມ, ເກັບ​ກຳ​ສະພາບ​ການ​ຂອງ​ກຸ່ມ​ຄົນ​ບໍ່​ຫວັງ​ດີຕາມ​ຂອບ​ເຂດ​ກົມ​ກອງ​ຮັບຜິດຊອບ ເຮັດ​ໃຫ້​ສະພາບ​ມີ​ຄວາມ​ສະຫງົບ​ປອດ​ໄພ​ໂດຍ​ພື້ນຖານ, ເອົາໃຈໃສ່​ຊີ້​ນຳ​ວຽກ​ງານ​ອົບຮົມ-ຫັດ​ແອບ ການເມືອງ, ການ​ທະຫານ ແລະ ພະລາທິການ-ເຕັກນິກ ເພື່ອ​ຍົກ​ລະດັບ​ຄວາມ​ຮູ້ ​ຄວາມ​ສາມາດໃຫ້​ພະນັກງານ-ນັກຮົບມີ​ຄວາມ​ຊຳນິ​ຊຳນານ, ຮັບປະກັນ​ເຮັດ​ ສຳເລັດ​ໜ້າທີ່​ຕາມ​ການຈັດຕັ້ງ​ຂັ້ນ​ເທິງ​ມອບ​ໝາຍ​ໃຫ້. ປັດຈຸບັນພວມ​ສຸມ​ໃສ່​ເຝິກແອບ​ເດີນ​ຂະ​ບວນ​ສວນສະໜາມ ເພື່ອ​ຮັບ​ໃຊ້​ງານ​ສະເຫຼີມສະຫຼອງວັນ​ສ້າງຕັ້ງກອງທັບປະຊາຊົນລາວ​ ຄົບຮອບ 75 ປີ ລວມ​ທັງໝົດ​ມີ 13 ກ້ອນ. ນອກຈາກ​ວຽກ​ງານ​ດັ່ງກ່າວ, ຍັງ​ໄດ້​ເອົາໃຈໃສ່​ປັບປຸງ​ກໍ່ສ້າງ​ພື້ນຖານ​ໂຄງ​ລ່າງ ໃນ​ນີ້, ໄດ້​ຮັບ​ທຶນ​ຈາກ​ກະຊວງ​ປ້ອງ​ກັນເທດ ກໍ່ສ້າງ​ອາຄານ 2 ຊັ້ນ 1 ຫຼັງ, ໄດ້​ນຳ​ໃຊ້​ທຶນ​ຂອງ​ກົມ​ກອງ ປັບປຸງ​ກໍ່ສ້າງ​ທາງ​ເຂົ້າ​ປະຕູໂຂງ​ນ້ອຍ, ຜາມໄຊ, ຕິດ​ປ້າຍ​ຄຳ​ຂວັນ, ຕິດ​ປ້າຍ​ປາ​ໂນ​ຮູບ​ພາບ​ດ້ານ​ໜ້າ​ປະ ຕູໂຂງ​ໃຫຍ່, ປັບປຸງ​ຫ້ອງຮັບ ແຂກ ແລະ ສະໂມສອນ. ນອກ ​ນັ້ນ, ຍັງ​ໄດ້​ຮັບ​ທຶນ​ກໍ່ສ້າງ​ກອງ ຮ້ອຍ​ປ້ອງ​ກັນ​ສາງ ແລະ ທຶນ​ປັບປຸງ​ກະລາ​ລົດກອງຮ້ອຍສ້ອມ ແປງ ຈາກ​ກອງ​ບັນຊາ​ການ​ທະຫານ​ເຂດ 5 ກອງທັບ​ປະຊາຊົນ​ຫວຽດນາມ, ດ້ານ​ວຽກ​ງານຂະ​ບວນ​ການ​ກິລາ ໄດ້​ຈັດ​ສົ່ງ​ນັກ​ ກິລາ​ເຂົ້າ​ຮ່ວມ​ງານ​ແຂ່ງຂັນກິລາ​ ທົ່ວ​ກອງທັບ ຄັ້ງ​ທີ III ເຂດແຂ່ງຂັນທີ 5 ທີ່​ແຂວງເຊ​ກອງ​ເປັນ​ເຈົ້າພາບ, ມີ​ນັກກິລາ​ເຂົ້າ​ຮ່ວມ​ທຸກ​ປະເພດ​ກິລາ, ສ່ວນ​ບັນ ດາ​ອົງການ, ກົມກອງ ກໍ​ໄດ້​ສ້າງ​ຂະ​ບວນ​ການ​ກິລາ, ຂະ​ບວນ​ການ​ແຂ່ງຂັນ​ສິລະ​ປະ-ວັນນະຄະດີ ຢູ່​ພາຍ​ໃນ​ກົມ​ກອງ​ຂອງ​ຕົນ ເພື່ອ​ສ້າງ​ບັນຍາກາດພາຍ​ໃນ​ກົມ​ກອງ​ໃຫ້​ມີ​ຄວາມ​ຟົດຟື້ນ, ເບີກບານ​ມ່ວນຊື່ນ ພ້ອມກັນ​ນັ້ນ, ກໍ​ໄດ້​ເຮັດອະນາໄມ​ສະຖານທີ່​ຄ້າຍ​ຄູ, ປະດັບ​ປະດາ, ທາສີ, ຕິດ​ທຸງ​ພັກ, ທຸງຊາດ, ທຸງ​ທິວ, ຕິດ​ປ້າຍ​ປາ​ໂນ​ຄຳ​ຂວັນ ຕາມ​ຂອບ​ເຂດ​ກົມ​ກອງ​ຂອງ​ຕົນ. ທັງ​ນີ້, ​ເພື່ອ​ສ້າງ​ຂະ​ບວນ​ການ, ສ້າງ​ຜົນງານ​ໄວ້​ຂໍ່ານັບ​ຮັບ​ຕ້ອນ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ​ຄົບຮອບ 75 ປີ ໃຫ້​ມີ​ບັນຍາກາດ​ເບີກບານ​ມ່ວນຊື່ນ, ຄຶກຄື້ນ ແລະ ເຕັມ​ໄປ​ດ້ວຍ​ໝາກຜົນ​ອັນ​ຈົບງາມ. ໂດຍ: ແສງ​ອາທິດ ສີດາ​ໄລ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ