ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ແພດ​ຢືນຢັນ ເນ​ມາ ສົມບູນ​ບໍ່​ທັນ​ຊ່ວຍ ບຣາ​ຊິນ ໃນ​ການ​ແຂ່ງຂັນ​ໃຫຍ່​ປີ 2024
ເວລາອອກຂ່າວ: 2023-12-25 09:07:48 | ຜູ້ຂຽນ : admin3 | ຈຳນວນຄົນເຂົ້າຊົມ: 74 | ຄວາມນິຍົມ:



ແພດ​ປະຈຳ​ທີມ​ຊາດ​ບຣາ​ຊິນ ຢືນຢັນ​ວ່າ ເນ​ມາ ກອງ​ໜ້າ​ດາວ​ດັງ​ຂອງ ​ອັລ-ຮິ​ລັນ ຈະ​ສົມບູນ​ບໍ່​ທັນ​ຊ່ວຍ​ທີມ​ຊາດ ບຣາ​ຊິນ ໃນ​ການ​ແຂ່ງຂັນ ໂຄ​ປາ ອາ​ເມ​ຣິ​ກາ 2024 ຫຼັງ​ຈາກ​ທີ່​ຜູ້ກ່ຽວ​ໄດ້​ຮັບ​ບາດເຈັບ​ສາຫັດ​ເມື່ອ​ກາງ​ເດືອນ​ຕຸລາ​ທີ່​ຜ່ານ​ມາ. ມີ​ລາຍ​ງານ​ເບື້ອງ​ຕົ້ນ​ວ່ານັກ​ເຕະ​ອາຍຸ 31 ປີ​ຄົນ​ນີ້ ອາດ​ຈະ​ມີ​ຄວາມ​ຫວັງ​ໃນ​ການ​ກັບ​ມາ​ຫຼິ້ນ​ໃນ Copa America 2024 ລະຫວ່າງ​ວັນ​ທີ 20 ມິຖຸນາ ຫາ 14 ກໍລະກົດ ປີໜ້າ. ຫຼ້າ​ສຸດ ໂຣດ​ຣິ​ໂກ ລາ​​ສ​ມາ ແພດ​ປະຈຳ​ທີມ​ຊາດ​ບຣາ​ຊິນ ເປີດ ເຜີຍ​ວ່າ ເນ​ມາ ຈະ​ບໍ່​ສາມາດ​ສົມ ບູນ​ທັນ​ຊ່ວຍ​ທີມ​ບຣາ​ຊິນ ໃນ​ບານ ເຕະ ໂຄ​ປາ ອາ​ເມ​ຣິ​ກາ 2024 ເນື່ອງ​ຈາກ​ໄລຍະ​ເວລາ​ສັ້ນ​ເກີນ​ໄປ “ບໍ່​ມີ​ເວລາ​ແລ້ວມັນ​ໄວ​ເກີນ​ ໄປມັນ​ບໍ່​ມີ​ປະໂຫຍດ​ທີ່​ຈະ​ຂ້າມ​ຂັ້ນ​ຕອນ​ເພື່ອ​ຟື້ນ​ຕົວຄວາມ​ຄາດ​ຫວັງ​ຂອງ​ເຮົາ​ຄື ເຂົາ​ຈະ​ກຽມພ້ອມ​ທີ່​ຈະ​ກັບ​ຄືນ​ມາ​ໃນ​ຕອນ​ເລີ່ມ​ຕົ້ນ​ຂອງ​ລະດູ​ການ​ໃໝ່​ຂອງ​ບານເຕະ​ເອີ​ຣົບ 2024 ເຊິ່ງ​ນັ້ນ​ກໍ​ຄື​ເດືອນ​ສິງຫາ ” ທັງ​ນີ້, ເນ​ມາ ຍັງ​ບໍ່​ເຄີຍ​ຄວ້າ​ແຊັມ Copa America ມາ​ຄອງ​ໄດ້​ເລີຍ ເຊິ່ງ​ໃກ້​ຄຽງ​ທີ່​ສຸດ​ຄື​ການ​ຜ່ານ​ເຂົ້າ​ຮອບ​ຊີງ​ຊະນະ​ເລີດ​ເມື່ອ ປີ 2021 ແຕ່​ວ່າ​ໄປ​ເສຍ​ໃຫ້ອາກ​ຊັງ​ຕິນ 0-1.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ