ວັນເສົາ, ວັນທີ 12 ຕຸລາ 2024
AFC ຢືນຢັນວ່າ ເອຊຽນ ຄັບ ໃຊ້ VAR ກວດລ້ຳໜ້າ ເຄິ່ງອັດຕະໂນມັດ ແບບດຽວກັບເຕະບານໂລກ
ເວລາອອກຂ່າວ: 2023-12-25 09:08:22 | ຜູ້ຂຽນ : admin3 | ຈຳນວນຄົນເຂົ້າຊົມ: 493 | ຄວາມນິຍົມ: 
ເຕະບານເອຊຽນ ຄັບ 2023 ຮອບສຸດທ້າຍ ທີ່ປະເທດກາຕາ ແຂ່ງຂັນລະຫວ່າງວັນທີ 12 ມັງ
ກອນ 2024 - 10 ກຸມພາ 2024 ເຊິ່ງຢູ່ໃນກຸ່ມ F ປະກອບດ້ວຍ
ໂອມານ, ຊາອຸດິອາຣາເບຍ ໄທ ແລະ ກີກີສະຖານ.
ໂດຍສະຫະພັນບານເຕະອາຊີ (AFC) ໄດ້ຢືນຢັນຢ່າງເປັນທາງການວ່າການແຂ່ງຂັນຄັ້ງນີ້ ຈະນຳໃຊ້ລະບົບຈັບລໍ້າໜ້າເຄິ່ງອັດຕະໂນມັດ (Semi-Automated Offside Technology) ຢ່າງເປັນທາງການຄັ້ງທຳອິດ ເຊິ່ງນັບເປັນການແຂ່ງຂັນບານເຕະລະດັບທະວີບລາຍການທຳອິດຂອງໂລກ ທີ່ນຳໃຊ້ລະບົບນີ້ມາໃຊ້.
ທ່ານ ຊິກ ຊາວມານ ອິນ ອິບຣາຮິມ ອັດ ຄາລີຟາ ປະທານ AFC ກ່າວວ່າ ເຈົ້າໜ້າທີ່ຜູ້ຕັດ
ສິນຂອງ AFC ໄດ້ຮັບການຍອມ
ຮັບວ່າເປັນໜຶ່ງໃນເຈົ້າໜ້າທີ່ ທີ່ດີ
ທີ່ສຸດໃນໂລກ ແລະ ການນຳສະ
ເໜີລະບົບກວດຈັບລ້ຳໜ້າເຄິ່ງອັດ
ຕະໂນມັດໃນຄັ້ງນີ້ ຈະເປັນການຂັບເຄື່ອນໃຫ້ເຈົ້າໜ້າທີ່ສ້າງມາດ
ຕະຖານໃນການຕັດສິນທີ່ສູງຂຶ້ນໄປດ້ວຍ.
ສຳລັບລະບົບການຈັບລ້ຳໜ້າ
ເຄິ່ງອັດຕະໂນມັດ ໄດ້ຮັບການອະ
ນຸມັດຈາກສະຫະພັນບານເຕະນາໆຊາດ (FIFA) ແລະ ຄະນະກຳມະການສະມາຄົມບານເຕະລະຫວ່າງປະເທດ (IFAB) ກ່ອນ
ຈະເລີ່ມມີການໃຊ້ງານກັນຢ່າງກວ້າງຂວາງໃນການແຂ່ງຂັນເຕະບານໂລກ 2022 ທີ່ປະເທດກາຕາ ລວມເຖິງບານເຕະ UEFA ແຊັມປ້ຽນລີກໃນປັດຈຸບັນ
ໂດຍລະບົບດັ່ງກ່າວຈະໃຊ້ກ້ອງພິເສດ 12 ໜ່ວຍ ຈັບພາບຈາກທົ່ວສະໜາມ ເພື່ອຕິດຕາມການເຄື່ອນໄຫວຂອງຜູ້ຫຼິ້ນ ແລະ
ໃຊ້ປັນຍາປະດິດໃນການກວດສອບຕຳແໜ່ງຢ່າງໄວວາ ເພື່ອແຈ້ງເຕືອນໄປຍັງຜູ້ຕັດສິນ VAR
ເພື່ອກວດສອບຄວາມຖືກຕ້ອງອີກຄັ້ງກ່ອນ ແຈ້ງໄປຍັງຜູ້ຕັດ
ສິນໃນສະໜາມອີກເທື່ອໜຶ່ງ.
ນອກຈາກນັ້ນ, ຈະມີການນຳສະ
ແດງພາບດັ່ງກ່າວເທິງໜ້າຈໍໃນ
ສະໜາມ ເພື່ອໃຫ້ຜູ້ຊົມໄດ້ເຫັນ ການຕັດສິນໃຈທີ່ໂປ່ງໃສອີກ ດ້ວຍ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
