ວັນຈັນ, ວັນທີ 14 ຕຸລາ 2024
ກອງຮ້ອຍ 2 ກອງພັນ 791 ສະຫຼຸບວຽກງານຮອບດ້ານ
ເວລາອອກຂ່າວ: 2023-12-26 08:57:16 | ຜູ້ຂຽນ : admin1 | ຈຳນວນຄົນເຂົ້າຊົມ: 739 | ຄວາມນິຍົມ: 
ໃນວັນ 20 ທັນວາ 2023, ກອງຮ້ອຍ 2 ກອງພັນ 791 ກອງ
ພັນໃຫຍ່ 279 ໄດ້ສະຫຼຸບວຽກງານຮອບດ້ານ ປະຈຳປີ 2023, ໂດຍການເປັນປະທານຂອງສະຫາຍ ພັນໂທ ພົງສະຫວັນ ສິມພິມມະລາ ຫົວໜ້າການເມືອງ ກອງພັນ 791, ມີຄະນະພັກ-ຄະນະບັນຊາ ພ້ອມດ້ວຍພະນັກງານ-ນັກຮົບ ເຂົ້າຮ່ວມ.
ສະຫາຍ ພັນຕີ ສູນທອນ ວົງສະຫວັດດີ ຮອງຫົວໜ້າການເມືອງ ກອງຮ້ອຍ 2 ກອງພັນ 791 ໄດ້ຜ່ານສະຫຼຸບຕີລາຄາວຽກງານຮອບດ້ານ, ຜ່ານການຈັດຕັ້ງປະຕິບັດໃນໜຶ່ງປີຜ່ານມາ ໃນດ້ານວຽກງານການເມືອງ-ນຳພາແນວຄິດ ໄດ້ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ມີຄວາມອຸ່ນອຽນທຸ່ນທ່ຽງຕໍ່ໜ້າທີ່ວຽກງານວິຊາສະເພາະ ສາມາດຮັບປະກັນດ້ານວຽກງານປ້ອງກັນເວັນຍາມ ເປັນຕົ້ນ ປ້ອງກັນອົງການນຳກະຊວງປ້ອງກັນປະ
ເທດ, ປ້ອງກັນແຂກພາຍໃນ ແລະ ຕ່າງປະເທດ, ກອງປະຊຸມສຳຄັນຕ່າງໆ, ປ້ອງກັນທີ່ຕັ້ງ, ປ້ອງກັນບໍລິສັດເບດເທເລຄອມ, ສະກາຍໂທລະຄົມ, ສາລະເວວົງນອກ, ງານສົບ ແລະ ງານສຳຄັນອື່ນໆ ລວມທັງໝົດ 190 ຄັ້ງ, ສາມາດເຮັດໃຫ້ຂອບເຂດຮັບຜິດຊອບຂອງກົມກອງມີຄວາມສະຫງົບປອດໄພ; ດ້ານວຽກງານກໍ່ສ້າງພັກ ແລະ ຂະຫຍາຍພັກ ມີສະມາຊິກພັກທັງໝົດ 24 ສະຫາຍ ໃນນັ້ນ, ເພດຍິງ 1 ສະຫາຍ, ສະມາຊິກພັກສົມບູນ 22 ສະຫາຍ, ສຳຮອງ 2 ສະຫາຍ, ສະມາຊິກພັກແຂງ 19 ສະຫາຍ, ກາງ 2 ສະຫາຍ, ສະເໜີຮຽນສະໜັບສະໜູນເອກະສານພັກ 3 ສະຫາຍ ແລະ ຢູ່ໃນເປົ້າ ໝາຍ 2 ສະຫາຍ, ຍິງ 1 ສະຫາຍ. ໃນໜຶ່ງປີຜ່ານມາກົມກອງຍັງເລືອກໄດ້ບຸກຄົນດີເດັ່ນ ປະເພດ I ມີ 4 ສະຫາຍ, ປະເພດ II ມີ 4 ສະຫາຍ, ໄດ້ເອົາໃຈໃສ່ຕໍ່ວຽກງານເພີ່ມພູນຜະລິດຜົນແກ້ໄຂຊີວິດການເປັນຢູ່ ສາມາດປູກພືດລົ້ມລຸກຕາມລະດູການ, ມີແບ້ລ້ຽງ 3 ໂຕ, ເປັດ 150 ໂຕ, ໄກ່ 100 ໂຕ, ກົບ 5.000 ໂຕ; ສາມາດສ້າງລາຍຮັບເຂົ້າຄັງລວມໄດ້ທັງໝົດ 26.340.000 ກີບ.
ໂດຍ: ກົງທອງ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
