ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

6 ເປົ້າ​ໝາຍ, 31 ຄາດໝາຍ ແລະ 49 ວຽກ​ຈຸດ​ສຸມ ທີ່​ກຳນົດ​ອອກ​ຢູ່​ໃນ​ແຜນ​ຍຸດ​ທະ​ສາດ​ ການ​ພັດທະນາ​ແຮ່​ທາດ ຮອດ​ປີ 2030 ໄດ້​ຮັບ​ການຈັດຕັ້ງ​ປະຕິບັດ​ຢ່າງ​ເປັນ​ຮູບ​ປະ​ທຳ
ເວລາອອກຂ່າວ: 2023-12-26 08:57:17 | ຜູ້ຂຽນ : admin3 | ຈຳນວນຄົນເຂົ້າຊົມ: 435 | ຄວາມນິຍົມ:



ໃນ​ໂອກາດ​ປະກອບ​ຄຳ​ເຫັນ​ຕໍ່​ກອງ​ປະຊຸມ​ສະຫຼຸບ​ການຈັດຕັ້ງ​ປະຕິບັດ​ແຜນ​ພັດທະນາ​ວຽກ​ງານ ​ພະລັງງານ ແລະ ບໍ່​ແຮ່ ປະຈຳ​ປີ 2023 ໃນ​ວັນ​ທີ 21 ທັນວາ 2023, ທ່ານ ສຸ​ຂັນ​ສັກ ສີ​ສຸກ ຫົວໜ້າ​ກົມ​ທໍລະນີ​ສາດ ແລະ ແຮ່​ທາດ ໄດ້​ລາຍ​ງານ​ກ່ຽວ​ກັບ ​ການຈັດຕັ້ງ​ປະຕິບັດ​ແຜນ​ຍຸດ​ທະ​ສາດ​ການ​ພັດທະນາ​ແຮ່​ທາດ ຮອດ​ປີ 2030 ວ່າ: ອີງໃສ່​ກອງ ​ປະຊຸມ​ສະໄໝ​ສາມັນ ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ IX ຄັ້ງ​ວັນ​ທີ 30 ມິຖຸນາ 2023 ໄດ້​ມີ​ມະຕິ​ກອງ​ປະຊຸມ​ສະພາແຫ່ງ​ ຊາດ ວ່າ​ດ້ວຍ​ການ​ຮັບຮອງ​ເອົາ ວິໄສ​ທັດ ຮອດ​ປີ 2040 ແລະ ແຜນ ​ຍຸດ​ທະ​ສາດ​ການ​ພັດທະນາ​ແຮ່​ທາດ ຮອດ​ປີ 2030 ປະກອບ​ມີ 6 ເປົ້າ​ໝາຍ, 31 ຄາດໝາຍ ແລະ 49 ວຽກ​ຈຸດ​ສຸມ ເຊິ່ງ​ໄດ້​ກຳນົດ​ ເອົາ 2 ຍຸດ​ທະ​ສາດ ເປັນ​ບູ​ລິ​ມະ​ ສິດ​ຂອງ​ວຽກ​ທໍລະນີ​ສາດ ແລະ ແຮ່​ທາດ ຄື: ຍຸດ​ທະ​ສາດ​ທີ 1: ການ​ ຊອກ​ຮູ້-ຊອກ​ຄົ້ນ, ສຳ​ຫຼວດ ແລະ ປະ​ເມີນ​ທ່າແຮງ​ຊັບ​ພະ​ກອນ​ແຮ່​ ທາດ ທົ່ວ​ປະເທດ ປະກອບ​ມີ 1 ເປົ້າ​ໝາຍ, 2 ຄາດໝາຍ ແລະ 9 ວຽກ​ງານ​ຈຸດ​ສຸມ ແລະ ຍຸດ​ທະ​ ສາດ​ທີ 2: ການ​ນຳ​ໃຊ້​ຊັບພະ ຍາກອນ​ແຮ່​ທາດ​ໃຫ້​ມີ​ປະສິດທິ ພາບ, ປະ​ສິດທິ​ຜົນ, ສີຂຽວ ແລະ ຍືນ​ຍົງ ປະກອບ​ມີ 5 ເປົ້າ​ໝາຍ, 29 ຄາດໝາຍ ແລະ 40 ວຽກ​ງານ ​ຈຸດ​ສຸມ. ທ່ານ ຫົວໜ້າ​ກົມ​ທໍລະນີ​ສາດ ແລະ ແຮ່​ທາດ ໄດ້​ລາຍ​ງານ ​​ຕື່ມ​ວ່າ: ວຽກ​ງານ​ທໍລະນີ​ສາດ ແລະ ແຮ່​ທາດ ສຸມ​ໃສ່​ຈັດ​ຕັ້ງ​ປະ ຕິບັດ​ບັນດາ​ວຽກ​ຈຸດ​ສຸມ ທີ່​ນອນ​ຢູ່​ໃນ 6 ເປົ້າ​ໝາຍ ຂອງ​ແຜນ​ຍຸດ​ ທະ​ສາດ​ການ​ພັດທະນາ​ແຮ່​ທາດ ຮອດ​ປີ 2030 ໃນ​ນີ້​ລວມ​ມີ 1 ເປົ້າ​ໝາຍ​ຄື: ການ​ສຳ​ຫຼວດ​ສ້າງ ​ຂໍ້​ມູນ​ພື້ນຖານ​ດ້ານທໍລະນີ​ສາດ ແລະ ແຮ່​ທາດ ແລະ ປະ​ເມີນ​ຊັບ ພະຍາກອນ​ແຮ່​ທາດ ທົ່ວປະເທດ. ຜ່ານ​ການຈັດຕັ້ງ​ປະຕິບັດ ວຽກ​ ງານ​ສືບຕໍ່​ສຳ​ຫຼວດ​ສ້າງ​ແຜນ ທີ່​ທໍລະນີ​ສາດ-ແຮ່​ທາດ​ພື້ນຖານ ມາດຕາ​ສ່ວນ 1 : 200.000 ໃນ​ເຂດ​ທີ່​ບໍ່​ໄດ້​ປະຕິບັດມີ​ເນື້ອທີ່ 74.696 ​ກິໂລຕາແມັດ (31,5% ຂອງ​ເນື້ອທີ່​ທົ່ວ​ປະເທດ) ໃຫ້​ສຳເລັດ 100%. ປັດຈຸບັນ​ໂດຍ​ອີງ​ຕາມ​ມະຕິ​ຂອງ​ສະພາ​ແຫ່ງ​ຊາດ ກົມທໍລະນີສາດ ແລະ ບໍ່ແຮ່ ໄດ້​ສຳເລັດ​ການ​ຄົ້ນ​ຄ້ວ​​າ​ແຜນ​ການຈັດຕັ້ງ​ປະຕິບັດ​ນຳ​ສະເໜີ​ຫາ​ກະຊວງ​ແຜນການ ແລະ ການ​ລົງທຶນ ເພື່ອ​ພິຈາລະນາ​ເອົາ​ເຂົ້າ​ແຜນ​ງົບປະມານ​ລາຍ​ຈ່າຍ​ຂອງ​ລັດຖະບານ. ສຳລັບ​ວຽກ​ງານ​ປັບປຸງ​ຖານ​ຂໍ້​ມູນ​ທໍລະນີ​ສາດ-ແຮ່​ທາດ, ທໍລະນີ​ໄພພິບັດ-ດິນ​ເຈ​​ື່ຶອນ ແລະ ສຶກ​ສາ​ແລກ ປ່ຽນ​ຂໍ້​ມູນ​ກັບ​ບັນ ດາ​ປະເທດ​ທີ່​ມີ​ຊາຍ​ແດນ​ຕິດ​ຈອດ ​ກັບ ​ສປປ ລາວ, ສະເພາະ ກົມທໍ ລະນີສາດ ແລະ ບໍ່ແຮ່ ໄດ້​ສຳເລັດ​ ການ​ແຕ່ງຕັ້ງ​ຄະນະ​ຮັບ​ຜິດ ຊອບ​ຕາມ​ຂໍ້​ຕົກລົງ ວ່າ​ດ້ວຍ​ການ​ແຕ່ງ ຕັ້ງ​ຄະນະ​ຮັບຜິດຊອບ​ວຽກ​ງານ ​ແຫຼ່ງ​ທ່ອງ​ທ່ຽວ​ທາງ​ດ້ານ​ທໍລະ ນີ​ສາດ; ຜ່ານ​ມາ ກົມທໍລະນີສາດ ແລະ ບໍ່ແຮ່ ໄດ້​ດຳເນີນ​ສຶກ​ສາ​ ຮອຍ​ເລື່ອນ​ທີ່​ມີ​ພະລັງຢູ່​ເຂດ​ນະ ຄອນ ຫຼວງ​ພະ​ບາງ ແລະ ເມືອງ ປາກອູ່ ແຂວງຫຼວງພະ​ບາງ.ຈາກ ຜົນ​ການ​ສຳ​ຫຼວດທໍລະນີສາດ ແລະ ແຮ່​ທາດ ມາດຕາ​ສ່ວນ 1:200.000, ສາມາດ​ຄົ້ນພົບ​ ຈຸດ​ປະກົດ​ແຮ່​ທາດໃໝ່ ຈຳນວນ 202 ຈຸດ ຈາກ ຈຳນວນ 570 ຈຸດມາ​ເປັນ ຈຳນວນ 772 ຈຸດ, ເຊິ່ງ​ຂໍ້​ມູນ​ດັ່ງກ່າວ​ຍັງບໍ່​ສາມາດ​ ປະ​ເມີນປະລິມານ​ຊັບພະຍາກອນ ແຮ່​ທາດໄດ້​ເທື່ອເຊິ່ງ​ຍັງ​ຈະ​ໄດ້​ ສືບຕໍ່​ເຮັດ​ການ​ສຳ​ຫຼວດ​ຕື່ມ. ສຳລັບ​ວຽກ​ງານ​ຄຸ້ມ​ຄອງ​ໂຄງການ​ລົງທຶນ​ດ້ານ​ແຮ່​ທາດ: ມາ​ຮອດ​ວັນ​ທີ 20 ທັນ​​ວັາ 2023 ມີ​ບໍລິສັດ​ທີ່​ໄດ້​ຮັບ​ອະນຸຍາດ​ລົງ ທຶນ​ດ້ານ​ແຮ່​ທາດ (ຂັ້ນ​ສູນ​ກາງ​ ອະນຸມັດ) ຢູ່​ໃນ​ໄລຍະ​ຊອກ​ຄົ້ນ ແລະ ສຳ​ຫຼວດ​ແຮ່​ທາດ ລວມ​ທັງ ​ໝົດ 151 ບໍລິສັດ 166 ກິດຈະ ການ, ກວມ​ເນື້ອທີ່ 6.942.526 ເຮັກຕາ ຫຼື ເທົ່າ 69.425,26 ​ກິໂລຕາແມັດ ເມື່ອ​ທຽບໃສ່​ເນື້ອ ທີ່​ຂອງ ​ສປປ ລາວ 29,32 ​ກິໂລ ຕາແມັດ ໃນ​ນັ້ນ: ໄລຍະ​ການ​ຊອກ​ຄົ້ນ ມີ 21 ບໍລິສັດ 21 ກິດຈະການ ແລະ ໄລຍະ​ການ​ສຳ​ຫຼວດ ມີ 130 ບໍລິສັດ 145 ກິດຈະການ. ເພື່ອ​ເປັນ​ບ່ອນ​ອີງ​ໃນ​ການ​ຕິດຕາມ, ກວດກາ ແລະ ຄຸ້ມ​ຄອງ​ໂຄງການ​ລົງທຶນ​ດ້ານ​ແຮ່​ທາດ, ກະຊວງ​ພະລັງງານ ແລະ ບໍ່​ແຮ່ ໄດ້​ອອກ​ຄຳ​ແນະນຳ​ກ່ຽວ​ກັບ​ຂັ້ນ​ຕອນ​ການ​ຂໍອະນຸຍາດ​ລົງທຶນ​ຊອກ​ຄົ້ນ ແລະ ສຳ​ຫຼວດ​ແຮ່​ທາດ ຈຳນວນ 13 ສະບັບ​ຄື: 1. ຄຳ​ແນະນຳ​ກ່ຽວ ​ກັບ​ມາດຕະຖານ​ການ​ລົງທຶນ​ໃນ ​ກິດຈະການ​ຊອກ​ຄົ້ນ ແລະ ສຳ​ ຫຼວດ​ແຮ່​ທາດ; 2. ຄຳ​ແນະນຳ​ ກ່ຽວ​ກັບ​ການຈັດຕັ້ງ​ປະຕິບັດ7 ຫຼັກການ​ປະ​ເມີນ​ຜົນ​ໂຄງການ​ຊອກ​ຄົ້ນ ແລະ ສຳ​ຫຼວດ​ແຮ່​ທາດ; 3. ຂໍ້​ກຳນົດ​ຊົ່ວຄາວ​ກ່ຽວ​ກັບ​ເຕັກ ນິກ​ການ​ສຳ​ຫຼວດ​ຄຳ​ຕົກ​ຂ້ອນ; 4. ບົດ​ແນະນຳ​ຫຼັກການ​ຂຽນ​ແຜນ ການ​ຊອກ​ຄົ້ນ​ແຮ່​ທາດ ແລະ ບົດ​ລາຍ​ງານ​ຜົນ​ການ​ຊອກ​ຄົ້ນ​ແຮ່​ທາດ; 5. ບົດ​ແນະນຳ​ຫຼັກການ​ຂຽນ​ແຜນການ​ສຳ​ຫຼວດ​ແຮ່​ທາດ ແລະ ບົດ​ລາຍ​ງານ​ຜົນ​ການ​ສຳ​ຫຼວດ​ແຮ່​ທາດ; 6. ລາຍການ​ກວດ ກາ​ໂຄງ​ປະກອບ​ເນື້ອ​ໃນ​ແຜນ ການ​ຊອກ​ຄົ້ນ​ແຮ່​ທາດ; 7. ລາຍ ການ​ກວດກາ​ໂຄງ​ປະກອບ​ເນື້ອ​ໃນ​ແຜນການ​ສຳ​ຫຼວດ​ແຮ່​ທາດ; 8. ລາຍການ​ກວດກາ​ໂຄງ​ປະ ກອບ​ເນື້ອ​ໃນ​ບົດ​ລາຍ​ງານ​ຜົນ​ການ​ຊອກ​ຄົ້ນ​ແຮ່​ທາດ; 9. ລາຍ ການ​ກວດກາ​ໂຄງ​ປະກອບ​ເນື້ອ​ໃນ​ບົດ​ລາຍ​ງານ​ຜົນ​ການ​ສຳ​ຫຼວດ​ແຮ່​ທາດ; 10. ຂໍ້​ຕົກລົງ​ ວ່າ​ດ້ວຍ​ການ​ເກັບ​ກຳ​ຂໍ້​ມູນ​ພາກ​ສະໜາມ​ເບື້ອງ​ຕົ້ນ; 11. ຂໍ້​ຕົກລົງ ວ່າ​ດ້ວຍ​ການ​ເກັບ​ກຳ​ຂໍ້​ມູນ​ພາກ​ສະໜາມ; 12. ສຳເລັດ​ການ, ຄົ້ນຄວ້າ, ປຶກສາ​ຫາລື ແລະ ສະ ເໜີ​ຂໍ​ອະນຸມັດ​ຂໍ້​ຕົກລົງ​ແບ່ງ​ຂັ້ນ​ຄຸ້ມ​ຄອງ​ວຽກ​ງານ​ທໍລະນີ​ສາດ ແລະ ແຮ່​ທາດ ລະຫວ່າງ ກົມ​ທໍ ລະນີ​ສາດ ແລະ ແຮ່​ທາດ ກັບ​ ພະ​ ແນກ​ພະລັງງານ ແລະ ບໍ່​ແຮ່ ແຂວງ ຈຳນວນ 17 ແຂວງ ແລະ ນະຄອນ ຫຼວງ ແລະ 13. ຄຳ​ແນະນຳ​ ວ່າ​ດ້ວຍ​ເຕັກນິກ​ການ​ເກັບ​ກຳ​ຂໍ້​ມູນ​ພາກ​ສະໜາມ​ເບື້ອງ​ຕົ້ນ. ຮຽບ​ຮຽງ​ໂດຍ: ຄຳ​ແສງ ແກ້ວ​ປະເສີດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ