ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ຄະນະ​ຈັດ​ຕັ້ງ​ສູນ​ກາງ​ພັກ ​ເກັບ​ກຳ​ຂໍ້​ມູນ​ການເຄື່ອນໄຫວ ຂອງ​ປະທານ ຄຳ​ໄຕ ສີ​ພັນ​ດອນ
ເວລາອອກຂ່າວ: 2023-12-26 08:57:47 | ຜູ້ຂຽນ : admin3 | ຈຳນວນຄົນເຂົ້າຊົມ: 145 | ຄວາມນິຍົມ:



ຄະນະ​ຈັດ​ຕັ້ງ​ສູນ​ກາງ​ພັກ ໄດ້​ເຄື່ອນ​ໄຫວ​ເກັບ​ກຳ​ຂໍ້​ມູນ, ປະຫວັດ​ການເຄື່ອນໄຫວ​ຂອງ ປະທານ ຄຳ​ໄຕ ສີ​ພັນ​ດອນ ໃນ ​ໄລຍະ​ເຮັດ​ການ​ປະຕິວັດ​ຢູ່​ແຂວງ​ ສາລະ​ວັນ ແລະ ການ​ນຳພາ​-ຊີ້ ນໍາວຽກ​ງານ​ຕ່າງໆພາຍຫຼັງປະ ເທດ​ຊາດ ໄດ້​ຮັບການສະຖາ ປະນາ ເປັນ​ສາທາລະນະລັດ ປະ ຊາທິປະໄຕ ປະຊາຊົນລາວໃນ​ ລະຫວ່າງ​ວັນ​ທີ 20-21 ທັນ ວາ 2023, ເຊິ່ງ​ນຳພາ​ໂດຍ​ທ່ານ ຈັນ​ສະໝອນ ພົມ​ມະ​ແສງ ກໍາມະ ການຄະນະ​ປະຈຳ​ພັກ​ແຂວງ, ຫົວ ໜ້າ​ຄະນະ​ໂຄສະນາ​ອົບຮົມ​ແຂວງ, ມີ ທ່ານ ວິ​ສຸກ ພົມ​ພິ​ທັກ ຮອງ​ຫົວໜ້າ​ຄະນະ​ຈັດ​ຕັ້ງ​ສູນ​ກາງ​ພັກ ພ້ອມ​ດ້ວຍ​ຄະນະ​ຮັບຜິດ ຊອບ ແລະ ປະຊາຊົນ ເຂົ້າ​ຮ່ວມ. ການ​ເຄື່ອນ​ໄຫວ​ຄັ້ງ​ນີ້ ເພື່ອ​ເລັ່ງ​ໃສ່​ເກັບ​ກຳ​ຂໍ້​ມູນ, ປະຫວັດ​ການ ເຄື່ອນໄຫວ​ຂອງ ປະທານ ຄຳ​ໄຕ ສີ​ພັນ​ດອນ ໄລຍະ​ເຮັດ​ການ​ປະຕິ ວັດ​ຢູ່​ແຂວງ​ສາລະ​ວັນ, ການ​ນຳພາ-ຊີ້ນໍາ​ວຽກ​ງານ​ຕ່າງໆ, ການ​ລົງ​ເລິກ​ວຽກ​ງານ​ໃນ​ແຕ່​ລະ ​ດ້ານ, ຜົນງານ​ການຈັດຕັ້ງ​ປະ ຕິບັດ ແລະ ການ​ຖອດ​ຖອນ​ບົດ ຮຽນ​ຂອງ​ເພິ່ນ​ໃນ​ແຕ່​ລະ​ໄລຍະ. ການ​​ເຄື່ອນ​ໄຫວ​ຄັ້ງ​ນີ້​ໂດຍ​ໄດ້​ມີ​ການ​ສຳພາດ​ອະດີດ​ເລຂາ​ຄະນະ​ບໍລິຫານ​ງານ​ພັກ​ແຂວງ​ສາລະ​ວັນ ສະໄໝ​ທີ VI ແລະ ສະໄໝ​ທີ VII ທີ່​ໄດ້​ເຄື່ອນ​ໄຫວ​ເຮັດ​ວຽກ​ຮ່ວມ, ການ​ໃຫ້​ທິດ​ຊີ້ນໍາວຽກ​ງານ​ໃນ​ໄລຍະ​ປົກ​ປັກ​ຮັກສາ ແລະ ສ້າງສາ​ພັດທະນາ​ປະເທດ​ຊາດ ກໍ​ຄື​ແຂວງ​ສາລະ​ວັນ ໄລຍະ​ທີ່​ດຳລົງ​ຕຳແໜ່ງ​ເປັນ​ປະທານ​ປະເທດ ແຫ່ງ ​ສປປ ລາວ, ສຳພາດ​ອະດີດ ​ຮອງ​ເລຂາ​ພັກ​ແຂວງ​ສາລະ​ວັນ ກ່ຽວ​ກັບ​ທິດ​ຊີ້​ນຳ ແລະ ບົດຮຽນ​ໃນ​ການ​ນຳພາ​ຂອງ​ເພິ່ນ. ນອກຈາກ​ນັ້ນ, ກໍ​ໄດ້​ເຄື່ອນ​ໄຫວ​​ເບິ່ງ​ສະຖານທີ່​ພົວພັນ​ກັບ​ການ​ເຮັດ​ການ​ປະຕິວັດ​ຢູ່​ເມືອງ​ເລົ່າ​ງາມ ເປັນຕົ້ນ ສະຖານທີ່ ທີ່​ເຄີຍ​ເປັນ​ບ່ອນ​ຕັ້ງ​ຄ້າຍ, ກະລາ​ລົດ, ສາງ​ເກັບ​ອາວຸດ, ສາງ​ນ້ຳມັນ ເຊື້ອໄຟສາງ​ເຄື່ອງ​ອຸປະໂພກ -ບໍລິໂພກ ແລະ ອື່ນໆ ຢູ່​ເຂດ ​ບ້ານ​ໜື່ນ​ປາກ​ດີ ແລະ ເຂດ​ບ້ານ ​ດົງ ທີ່​ເພິ່ນ​ເຄີຍ​ຊີ້​ນຳ, ຊຸກຍູ້​ການ​ປູກ​ກາເຟ ໃນ​ປີ 1994 ໂດຍ​ ໄດ້​ມີ​ການ​ຄົ້ນຄວ້າ​ຕາມ​ຂໍ້​ມູນ​ເກົ່າ, ຕາມ​ການ​ບອກເລົ່າ ແລະ ການ​ ສຳພາດ​ຜູ້​ທີ່​ໄດ້​ເຄື່ອນ​ໄຫວ​ເຮັດ​ການ​ປະຕິວັດ​ກັບ​ເພິ່ນ​ໃນ​ເຂດ​ດັ່ງກ່າວ ໃນ​ໄລຍະ​ນັ້ນ ທີ່​ເພິ່ນ​ໄດ້​ໃກ້ຊິດຕິດແທດ, ຊີ້​ນຳ​ເຮັດ​ການ​ປະຕິວັດ ແລະ ສະຖານ​ຕ່າງໆທີ່​ ພົວພັນ​ກັບ​ການເຄື່ອນໄຫວຂອງ​ ເພິ່ນ​ໃນ​ອະດີດ ແນໃສ່​ເພື່ອຄົ້ນ ຄວ້າ​ໃຫ້​ເລິກເຊິ່ງ ແລະ ລະອຽດ ​ຄົບ​ຖ້ວນ​ຕື່ມ. ເມືອງ​ເລົ່າ​ງາມ ເປັນ​ ເມືອງ​ໜຶ່ງ​ທີ່​ໄດ້​ຜ່ານ​ຜ່າ​ຂະ​ບວນ​ການ​ຕໍ່ສູ້​ຕ້ານ​ການ​ຮຸກ​ຮານຂອງ ​ພວກ​ລ່າ​ເມືອງ​ຂຶ້ນຢ່າງ​ລະ​ອິດ ​ລະ​ອ້ຽວ, ໄດ້​ຕໍ່ສູ້​ທາງດ້ານການ ເມືອງ, ການ​ທະຫານ, ມີ​ການຂົນ ຂວາຍ​ກໍ່ສ້າງ​ຮາກ​ຖານ​ປະຕິວັດ ສາມາດ​ສ້າງ​ເປັນ​ເຂດ​ທີ່​ໝັ້ນ​ການ​ປະຕິວັດ, ສ້າງ​ກຳລັງ​ປະຕິວັດ ແລະ ສ້າງ​ພະນັກງານ​ຫຼັກ​ແຫຼ່ງ​ແຫ່ງ​ການ​ປະຕິວັດ ດ້ວຍ​ການ​ເສຍສະຫຼະ​ເລືອດ​ເນື້ອ​ຊີວິດ​ເພື່ອ​ຊາດ​ ກໍ​ຄື​ເພື່ອ​ປະຊາຊົນ​ເມືອງ​ເລົ່າ​ງາມ. ໂດຍ: ວິໄລ​ວອນ ສິດທິໄຊ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ