ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

​ລມຕ ກະສິກຳ ແລະ ປ່າໄມ້ ຢ້ຽມຢາມ​ພື້ນ​ທີ່​ໂຄງການ​ກໍ່ສ້າງ ແລະ ສ້ອມແປງ​ລະບົບ​ຄອງເໝືອງ​ນ້ຳ​ແສງ
ເວລາອອກຂ່າວ: 2023-12-26 08:58:10 | ຜູ້ຂຽນ : admin3 | ຈຳນວນຄົນເຂົ້າຊົມ: 97 | ຄວາມນິຍົມ:



ໃນ​ວັນ​ທີ 20 ທັນວາ 2023, ທ່ານ​ລັດຖະມົນຕີ​ກະຊວງ​ກະ ສິກຳ ແລະ ປ່າໄມ້ ພ້ອມ​ຫົວໜ້າ, ກົມ, ຮອງຫົວໜ້າ​ກົມ,ຫົວໜ້າ ​ພະ​ແນກ​ກະສິກຳ ແລະ ປ່າໄມ້ ແຂວງ​ຫຼວງ​ພະ​ບາງພ້ອມຂະ ແໜງການ​ທີ່​ກ່ຽວຂ້ອງໄດ້​ໄປ ​ຢ້ຽມຢາມ​ພື້ນ​ທີ່​ຂອງ​ໂຄງການ​ກໍ່ສ້າງ ແລະ ສ້ອມແປງ​ລະບົບ​ຄອງ ເໝືອງ​ຊົນລະປະທານ​ນ້ຳ​ແສງ ເມືອງ​ນານ ແຂວງ​ຫຼວງ​ພະ​ບາງ ເຊິ່ງ​ຫ່າງ​ຈາກ​ແຂວງ​ຫຼວງ​ພະ​ ບາງ 80 ​ກິໂລແມັດ ໄປພາກ​ຕາ ເວັນຕົກ, ໂຄງການ​ຊົນລະປະທານ​ ນ້ຳ​ແສງ ມີ​ຫົວ​ງານ 2 ແຫ່ງ ຕັ້ງ​ຢູ່ ນ້ຳ​ແສງ ແລະ ຫ້ວຍ​ຫຼາ ​ເມືອງ​ນານ ແຂວງ​ຫຼວງ​ພະ​ບາງ. ​ຂອບ​ເຂດ​ເນື້ອທີ່​ຫົດ ແມ່ນ​ກວມ​ເອົາ​ຂອບ​ເຂດ​ເນື້ອທີ່​ຂອງ 13 ບ້ານ, ບໍລິສັດ​ຜູ້​ຮັບ​ເໝົາ​ໂດຍ ບໍລິສັດ ວີ​ເອ​​ັສ​ພີ ກໍ່ສ້າງຈຳກັດ​ ຜູ້​ດຽວ, ເປັນ​ເງິນ​ກູ້​ຢືມ ຈາກທະ ນາຄານ​ພັດທະນາ​ອາຊີ ມູນຄ່າ 2.202.223 ໂດ​ລາ. ມີ​ກິດ ຈະກຳ 1. ສ້ອມແປງ​ທາງ 8 ກິ ໂລແມັດ 2. ສ້ອມແປງ​ຄອງເໝືອງ ບໍ່​ມີ​ຝາ​ບົກ 10 ຈຸດ, ຄວາມ​ຍາວ 865 ແມັດ 3. ສ້ອມແປງ​ຄອງ ເໝືອງ ມີ​ຝາ​ບົກ 15 ຈຸດ, ຄວາມ ຍາວ2.340 ແມັດ 4. ສ້ອມແປງ ​ອາຄານ​ລະບາຍ​ນ້ຳ​ປ່າ+ທໍ່​ລອດ ຄອງເໝືອງ12 ຈຸດ5. ອະນາ ໄມ​ລວງຄອງເໝືອງ15.609 ແມັດ.ບໍລິສັດ​ຜູ້​ຮັບເໝົາໄດ້ເລີ່ມ ລົງມື​ກໍ່ສ້າງ​ຕັ້ງແຕ່​ວັນທີ່ 15 ສິງຫາ 2022 ມາ​ຮອດ​ວັນ​ທີ 15 ທັນວາ 2023 ເປັນ​ໄລຍະ​ ເວລາ 16 ເດືອນ​ກວ່າ ສາມາດ ສະຫຼຸບ​ຄວາມຄືບ​ໜ້າ​ຂອງ​ການ ຈັດຕັ້ງ​ປະຕິບັດ​ຕົວ​ຈິງ​ມາ​ຮອດ ​ປັດຈຸບັນ 89,92%. ໂອກາດ​ດັ່ງກ່າວ, ທ່ານ​ລັດຖະມົນຕີ​ກະຊວງ​ກະສິກຳ ແລະ ປ່າໄມ້ ໄດ້​ເນັ້ນ​ໃຫ້​ຜູ້​ຮັບ​ເໝົາ ຈົ່ງ​ເອົາໃຈໃສ່​ໃນ​ການ​ກໍ່ສ້າງໂດຍ​ ປະສານ​ກັບ​ກົມ​ຊົນລະປະທານ ແລະ ພະ​ແນກ​ກະສິກຳ ແລະ ປ່າ ໄມ້ ແຂວງ​ຫຼວງ​ພະ​ບາງ ລາຍງານ ​ມາ​ໃຫ້​ກະຊວງ​ກະສິກຳ ແລະ ປ່າ ໄມ້ ຮັບ​ຊາບ​ເປັນ​ແຕ່​ລະ​ໄລຍະເພື່ອ ​ຈະ​ໄດ້​ພ້ອມ​ກັນ​ຈັດ​ຕັ້ງ​ປະຕິບັດ ​ໃຫ້​ເປັນ​ໄປ​ຕາມ​ແຜນທີ່​ວາງ​ໄວ້.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ