ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ການ​ສົ່ງ​ອອກ​ນ້ຳມັນ​ດິບ​ຂອງ​ຣັດ​ເຊຍ ​ ສ້າງ​ສະຖິຕິ​ສູງ​ສຸດ​ໃນ​ປະຫວັດສາດ
ເວລາອອກຂ່າວ: 2023-12-26 09:00:07 | ຜູ້ຂຽນ : admin3 | ຈຳນວນຄົນເຂົ້າຊົມ: 356 | ຄວາມນິຍົມ:



ຕາມ​ຂ່າວສານ​ຊິນ​ຮວາ​ລາຍ​ງານ​ວັນ​ທີ 24 ທັນວາ ນີ້​ວ່າ:ເມື່ອ​ບໍ່​ດົນ​ມາ​ນີ້, ສຳນັກ​ຂ່າວ​ຣອຍ​ເຕີ​ລາຍ​ງານ​ວ່າ: ພາຍຫຼັງ​ຫຼາຍ​ປະເທດ​ເອີ​ຣົບ​ໄດ້​ຍຸດຕິ​ການ​ນຳ​ເຂົ້າ​ນ້ຳມັນ ແລະ ແກ​​ັສ​ທຳ​ມະ​ຊາດ​ສ່ວນ​ໃຫຍ່​ຈາກ​ຣັດ​ເຊຍ​ແລ້ວ, ຕວກກີ​ໄດ້​ກາຍເປັນ​ປະເທດ​ນຳ​ເຂົ້າ​ພະລັງງານ​ຈາກ​ຣັດ​ເຊຍ​ໃຫຍ່​ທີ່​ສຸດ​ຢູ່​ຊີກ​ໂລກ​ຕາເວັນຕົກ. ຕວກກີ​ທີ່​ເປັນ​ປະເທດ​ສະມາຊິກ​ນາ​ໂຕ​ບໍ່​ໄດ້​ເລືອກ​ເປັນ​ປໍ​ລະ​ປັກ​ກັບ​ຣັດ​ເຊຍ​ຍ້ອນ​ການ​ປະ​ທະ​ກັນ​ລະຫວ່າງ​ຣັດ​ເຊຍ-ອູ​ແກຣນ, ຫາກ​ແມ່ນ​ເພີ່ມ​ທະວີ​ການ​ຮ່ວມ​ມື​ດ້ານ​ເສດຖະກິດ​ການ​ຄ້າ​ກັບ​ຣັດ​ເຊຍ. ອີງ​ຕາມ​ສະຖິຕິ​ຈາກ​ຕະຫຼາດ​ຫຼັກ​ຊັບ​ລອນ​ດອນ​ສະແດງ​ໃຫ້​ເຫັນ​ວ່າ: ໃນ​ປີ 2023, ຕວກກີ​ສາມາດ​ປະຢັດ​ງົບປະມານ​ດ້ານ​ພະລັງງານ​ໄດ້​ປະມານ 2 ຕື້​ໂດ​ລາ ໂດຍ​ຜ່ານ​ການ​ນຳ​ເຂົ້າ​ນ້ຳມັນ​ເຊື້ອ​ໄຟ ແລະ ຜະລິດ​ຕະ​ພັນ​ນ້ຳມັນ​ຈາກ​ຣັດ​ເຊຍ​ທີ່​ມີ​ລາຄາ​ຕ່ຳ​ໂດຍ​ທຽບ​ຖານ. ໃນ​ເດືອນ​ພະຈິກ​ປີ​ນີ້, ປະລິມານ​ການ​ສົ່ງ​ອອກ​ນ້ຳມັນ​ດິບ​ອູ​ຣານ​ຂອງ​ຣັດ​ເຊຍ​ຕໍ່​ເອີ​ຣົບ ແລະ​ອື່ນໆ​ໄດ້​ເພີ່ມ​ຂຶ້ນ​ເປັນ 4 ແສນ​ບາ​ເຣວ​ຕໍ່​ມື້ ເຊິ່ງ​ເປັນ​ສະຖິຕິ​ສູງ​ສຸດ​ໃນ​ປະຫວັດສາດ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ