ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ຍີ່ປຸ່ນ​ຈະ​ພັດທະນາ​ລູກ​ສອນ​ໄຟ​ໄລຍະ​ໄກ
ເວລາອອກຂ່າວ: 2023-12-26 09:03:35 | ຜູ້ຂຽນ : admin3 | ຈຳນວນຄົນເຂົ້າຊົມ: 140 | ຄວາມນິຍົມ:



ຕາມ​ຂ່າວສານ Reuters ໃຫ້​ຮູ້​ວ່າ: ແຜນການ​ຈັດ​ຊື້​ອາວຸດ​ແມ່ນ​ສ່ວນ​ໜຶ່ງ​ຂອງ​ຂໍ້​ກຳນົດ​ດ້ານ​ງົບປະມານ​ປ້ອງ​ກັນ​ຊາດ​ປະຈຳ​ປີ​ຂອງ​ກະຊວງ​ປ້ອງ​ກັນ​ປະເທດ​ຍີ່ປຸ່ນ. ໃນ​ຄຳ​ຮ້ອງ​ຂໍ​ງົບປະມານ​ຂອງ​ກະຊວງ​ປ້ອງ​ກັນ​ປະເທດ​ລະບຸ​ວ່າ: ເນື່ອງ​ຈາກ​ສະພາບ​ໃນ​ປັດຈຸບັນ, ຍີ່ປຸ່ນ​ໄດ້​ຮັບ​ອິດ​ທິ​ພົນ​ຈາກ​ພາຍ​ນອກ​ຫຼາຍ​ຢ່າງ ແລະ ກອງທັບ​ຍີ່ປຸ່ນ​ຄວນ​ມີ​ການ​ຍົກ​ລະດັບ​ດ້ານ​ອາວຸດ​ທາງ​ການ​ທະຫານ ເພື່ອ​ຮັບ​ມື​ກັບ​ສະຖານະ​ການ​ຢູ່​ພາຍ​ໃນ​ພາກ​ພື້ນ. ການ​ຮ້ອງ​ຂໍ​ງົບປະມານ​ປະຈຳ​ປີ​ຂອງ​ກະຊວງ​ປ້ອງ​ກັນ​ປະເທດ​ຍີ່ປຸ່ນ​ລວມ​ມີ: ການ​ສະໜອງ​ທຶນ​ໃນ​ການ​ຜະລິດ​ລູກ​ສອນ​ໄຟ​ນຳ​ວິຖີ​ທາງບົກ, ປັບປຸງ​ລູກ​ສອນ​ໄຟນຳ​ ວິຖີ Type 12 ທີ່​ພັດທະນາ​ໂດຍ Mitsubishi Heavy Industries, ແລະ ​ເພີ່ມ​ໄລຍະ​ ຍິງຂອງ​ລູກ​ສອນ​ໄຟ. ກະຊວງ​ປ້ອງ​ກັນ​ປະເທດ​ຍັງ​ຊອກ​ຫາ​ທຶນ​ ເພື່ອ​ພັດທະນາ​ລູກ​ສອນໄຟ​ ປະເພດ​ອື່ນໆ ລວມ​ທັງ​ລູກສອນ​ ໄຟ​ທີ່​ມີ​ຄວາມ​ໄວ​ເໜືອ​ສຽງ. ຢ່າງໃດ​ກໍ​ຕາມ, ຈຳນວນ​ອຸປະ ກອນ ແລະ ລາຍ​ລະອຽດ​ຕ່າງໆ​ຂອງ​ອາວຸດ​ບໍ່​ມີ​ການ​ລະບຸ​ທີ່​ແນ່ ນອນ. ຍີ່ປຸ່ນ​ໄດ້​ສັ່ງ​ຊື້​ລູກ​ສອນ​ໄຟ​ນຳ​ວິຖີ​ພື້ນ​ສູ່​ອາກາດ ລວມ​ທັງ​ລູກ​ສອນ​ໄຟ JSM ທີ່​ຜະລິດ ​ໂດຍ​ບໍລິສັດ Kongsberg ຂອງ​ນອກ​ແວ ແລະ ລູກ​ສອນ​ໄຟ JASSM ທີ່​ຜະລິດ​ໂດຍ​ບໍລິສັດ Lockheed Martin Corp ທີ່​ມີ​ໄລຍະ​ຍິງ​ໄກ​ເຖິງ 1.000 ກິໂລແມັດ. ນອກຈາກ​ການ​ເພີ່ມ​ທະວີ​ສາງ​ເກັບ​ລູກ​ສອນ​ໄຟ ແລະ ອາວຸດ​ອື່ນໆ​ແລ້ວ, ກອງທັບ​ຍີ່ປຸ່ນ​ຍັງ​ຕ້ອງການ​ພັດທະນາ​ການ​ປ້ອງ​ກັນ​ທາງ​ອິນ​ເຕີ​ເນັດ, ຄວາມ​ສາມາດ​ຕໍ່ຕ້ານ​ດ້ານ​ສົງຄາມ​ເອ​ເລັກ​ໂຕຣ​ນິກ ແລະ ການ​ປະ ຈຳການ​ເທິງ​ອາ​ວະ​ກາດ. ລັດຖະບານ​ຂອງ​ນາຍົກລັດ ຖະມົນຕີ Fumio Kishida ຄາດ​ວ່າ​ຈະ​ອະນຸມັດ​ຄຳ​ຮ້ອງ​ຂໍ​ເພີ່ມ​ງົບປະມານ​ດ້ານ​ການ​ປ້ອງ​ກັນ​ປະເທດ​ໃນ​ຕົ້ນ​ປີ​ນີ້ ແລະ ໃຫ້​ຄຳ​ໝັ້ນ​ສັນຍາ​ວ່າ​ຈະ​ໃຊ້​ຈ່າຍ​ງົບປະມານ​ເຂົ້າ​ໃນ​ວຽກ​ງານ​ການ​ປ້ອງ​ກັນ​ປະເທດ 2% ຂອງ​ລວມ​ຍອດ​ຜະລິດ​ຕະ​ພັນ​ພາຍ​ໃນ​ປະເທດ​ພາຍ​ໃນ 5 ປີ​ຕໍ່ໜ້າ, ເຊິ່ງ​ຈະ​ເຮັດ​ໃຫ້​ຍີ່ປຸ່ນ​ກາຍເປັນ​ຜູ້​ໃຊ້​ຈ່າຍ​ງົບປະມານ​ດ້ານ​ການ​ທະຫານ​ທີ່​ໃຫຍ່​ອັນ​ດັບ 3 ຂອງ​ໂລກ, ຖັດ​ຈາກ ອາເມຣິກາ ແລະ ຈີນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ