ວັນພະຫັດ, ວັນທີ 12 ກັນຍາ 2024
ຄະນະບໍລິຫານງານຊາວໜຸ່ມ ກອງພັນ 15 ດຳເນີນກອງປະຊຸມໃຫຍ່ ຄັ້ງທີ VI
ເວລາອອກຂ່າວ: 2023-12-26 09:04:25 | ຜູ້ຂຽນ : admin1 | ຈຳນວນຄົນເຂົ້າຊົມ: 569 | ຄວາມນິຍົມ: 
ໃນກາງເດືອນທັນວາ 2023 ນີ້, ຄະນະບໍລິຫານງານຊາວໜຸ່ມ ກອງພັນ 15 ກອງພັນໃຫຍ່ 102 ກອງພົນທີ 1 ໄດ້ດຳເນີນກອງປະຊຸມໃຫຍ່ ຄັ້ງທີ VI, ໂດຍການເປັນປະທານຂອງ ສະຫາຍ ພັນໂທ ຄຳໄພວັນ ພະຈັນທອງ ກໍາມະການຄະນະພັກກອງພັນໃຫຍ່, ຫົວໜ້າພະແນກການເມືອງ ກອງພັນໃຫຍ່
102, ມີສະຫາຍ ພັນໂທ ຫົງທອງ ວິໄລຟອງ ຫົວໜ້າຂະແໜງຊາວໜຸ່ມ ກອງພັນໃຫຍ່ 102, ມີຄະນະພັກ-ຄະນະບັນຊາການກົມກອງ, ຂະແໜງການທີ່ກ່ຽວຂ້ອງ, ກົມກອງອ້ອມຂ້າງ ຕະຫຼອດຮອດສະມາຊິກຊາວໜຸ່ມ ກອງພັນ 15 ເຂົ້າຮ່ວມ.
ສະຫາຍ ພັນໂທ ຊຽງລອນທອງ ພົມມະຈັນ ຄະນະບໍລິຫານງານຊາວໜຸ່ມ ກອງພັນ 15 ໄດ້ຜ່ານບົດສະຫຼຸບການເຄື່ອນໄຫວວຽກງານຊາວໜຸ່ມ ໃນໄລຍະ 5 ປີຜ່ານມາ ຄະນະພັກ-ຄະນະບັນຊາ, ການຈັດຕັ້ງຊາວໝຸ່ມແຕ່ລະຂັ້ນໄດ້ຖືເອົາວຽກງານສຶກສາອົບຮົມການເມືອງ-ນຳພາແນວຄິດເປັນວຽກງານທີ່ສຳຄັນສອດຫ້ອຍໄປນຳທຸກຂົງເຂດວຽກງານຂອງກົມກອງ, ຈັດຕັ້ງສະມາຊິກຊາວໝຸ່ມ
ຮຽນຮູ້ ແລະ ເຊື່ອມຊຶມຕໍ່ແນວທາງນະໂຍບາຍຂອງພັກ, ບັນດາກົດໜາຍຂອງລັດ, ຂໍ້ກຳນົດ, ກົດລະບຽບຂອງກອງທັບ, ຂອງກົມກອງ ກໍຄືຂໍ້ກຳນົດ, ກົດລະບຽບຂອງຄະນະຊາວໝຸ່ມປະຊາຊົນປະຕິວັດລາວ. ການຈັດຕັ້ງຊາວ
ໝຸ່ມແຕ່ລະຂັ້ນໄດ້ຮັບການເອົາໃຈໃສ່ບູລະນະໃຫ້ມີຄວາມໝັກແໜ້ນ ເຂັ້ມແຂງຮອບດ້ານ ສາມາດເຄື່ອນໄຫວຖືກຕ້ອງຕາມພາລະບົດບາດ, ສິດ ແລະ ໜ້າທີ່ຂອງຕົນ. ພ້ອມກັນນັ້ນ, ໄດ້ສຸມໃສ່ການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ຢ່າງເປັນຂະບວນການຟົດຟື້ນແຂງແຮງ ໂດຍປິ່ນອ້ອມ 4 ໜ້າທີ່ໃຫຍ່ 26 ແຜນງານ ຄຽງຄູ່ກັນນັ້ນ, ຍັງໄດ້ເອົາໃຈໃສ່ປະຕິບັດລະບອບດຳເນີນຊີວິດການ
ເມືອງ, ເສຍເງິນສະຖິຕິຢ່າງເປັນປົກກະຕິ, ໃຫ້ຄຳຕຳນິຕິຊົມຊ່ວຍເຫຼືອເຊິ່ງກັນ ແລະ ກັນ ເພື່ອປັບປຸງກໍ່ສ້າງສະມາຊິກຊາວໜຸ່ມ ຢູ່ພາຍໃນກົມກອງຂອງຕົນໃຫ້ມີ
ຄວາມສາມັກຄີແໜ້ນແຟ້ນ ແລະ ມີຄວາມເຂັ້ມແຂງໃນທຸກດ້ານ, ເປັນກຳລັງແຮງທີ່ສຳຄັນຂອງກົມກອງ ສົມກັບເປັນແຂນຂວາຂອງພັກ, ເປັນກະດູກສັນຫຼັງຂອງ
ຊາດ ແລະ ເປັນຜູ້ສືບທອດທີ່ດີຂອງກົມກອງ.ໃນພິທີຍັງໄດ້ປ່ອນບັດຄັດເລືອກເອົາຄະນະບໍລິຫານງານຊາວໜຸ່ມຊຸດໃໝ່ໄດ້ຕາມຄາດໝາຍ.
ໂດຍ: ຊັນໂດ ລາດຊະພູມີ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
