ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ແມນ​ຢູ ຕັ້ງ​ເປົ້າ​ຄວ້າ “ຄູ​ໂບະ” ເສີມ​ແຄມ​ເສັ້ນ​ແທນ “ອັນໂຕ​ນີ”
ເວລາອອກຂ່າວ: 2023-12-26 09:05:55 | ຜູ້ຂຽນ : admin3 | ຈຳນວນຄົນເຂົ້າຊົມ: 89 | ຄວາມນິຍົມ:



ແມນ​ເຊ​​ສ​ເຕີ ຢູ​ໄນ​ເຕັດ ສະໂມສອນ​ຍິ່ງ​ໃຫຍ່​ຂອງ ພຣີ​ເມຍ​ລີກ ອັງກິດ ອາດ​ໝົດ​ຄວາມ​ອົດທົນ​ກັບ​ຜົນງານ​ທີ່​ໜ້າ​ຜິດ​ຫວັງ​ຂອງ ອັນໂຕ​ນີ ປີກ​ຊາວ​ບຣາ​ຊິນ ໂດຍ​ຕັ້ງ​ເປົ້າ​ໝາຍ​ທີ່​ຈະ​ຄວ້າ ທາ​ເຄ​ຟູ​ສະ ຄູ​ໂບະ ປີກ​ທີມ​ຊາດ​ຍີ່ປຸ່ນ ຂອງ ຣິວ ໂຊ​ເຊຍ​ດັດ ມາ​ປັ້ນ​ເກມ​ຂອບ​ເສັ້ນ​ແທນ​ແລ້ວ. ອັນໂຕ​ນີ ຍ້າຍ​ຈາກ ອາ​ແຈັກ ອຳ​ສະ​ເຕີ​ດຳ ມາ​ຢູ່ ແມນ​ເຊ​​ັສ​ເຕີ ຢູ​ໄນ​ເຕັດ ດ້ວຍ​ຄ່າ​ຕົວ​ມະຫາສານ​ເຖິງ 85,5 ລ້ານ​ປອນ ເມື່ອ​ໄລຍະ​ລະດູ​ຮ້ອນ​ປີ 2022 ແຕ່​ຍັງ​ສ້າງ​ຜົນງານ​ໄດ້​ບໍ່​ກຸ້ມ​ຄ່າ​ຕົວ ໂດຍ​ຍິງ​ໄປ​ພຽງ​ແຕ່ 8 ປະຕູ ກັບ​ສົ່ງ​ໃຫ້​ໝູ່​ຍິງ​ອີກ 3 ຄັ້ງ ຈາກ​ການ​ລົງ​ຫຼິ້ນ​ໄປ​ແລ້ວ 62 ນັດ​ເທົ່າ​ນັ້ນ. ດ້ວຍ​ເຫດຜົນ​ນີ້ ເອ​ຣິກ ເທນ ຮາກ ຜູ້​ຈັດການ​ທີມ​ແມນ​ຢູ ຈຶ່ງ​ຢາກ​ໄດ້​ຕົວ​ປີກ​ຂວາ​ຄົນ​ໃໝ່​ເຂົ້າ​ມາ​ແທນ​ສິດ​ຮັກ​ຂອງ​ຕົວ​ເອງ ຂະ ນະ​ທີ່ ເດິ​​ະ ຊັນ ສື່​ຂອງ​ອັງກິດລາຍ​ ງານ​ວ່າ ປີກ​ຕົວ​ເກັ່ງ​ທີ່ ເທນ ຮາກ ແນ​ເປົ້າ​ໝາຍ​ເອົາ​ໄວ້ ແລະ ສົ່ງ​ແມວ​ມອງ​ໄປ​ຊຸ່ມ​ເບິ່ງ​ຮູບ​ແບບ​ມາ​ ແລ້ວ​ຢ່າງ​ໜ້ອຍ 7 ຄັ້ງ ກໍ​ຄື ຄູ​ໂບະທີ່​ ກຳລັງສ້າງຜົນງານ​ໃຫ້​ກັບໂຊເຊຍ ດັດ ໄດ້​ຢ່າງ​ຮ້ອນ​ແຮງ​ນັ້ນ​ເອງ. ທັງ​ນີ້ ຄາດ​ກັນ​ວ່າ ໂຊ​ເຊຍ​ດັດ ໜ້າ​ຈະ​ພ້ອມ​ເປີດ​ໂຕະ​ເຈລະຈາ​ກັບ ແມນ​ເຊ​​ັສ​ເຕີ ຢູ​ໄນ​ເຕັດ ແນ່​​ນອນ ຫາກ​ໄດ້​ຮັບ​ຂໍ້​ສະເໜີ​ບໍ່​ຕ່ຳກວ່າ 43 ລ້ານ​ປອນ ສຳລັບຄູ​ໂບະ ທີ່​ຍັງ​ເຫຼືອ​ສັນຍາ​ເຖິງ​ປີ 2027. ນອກ​ນັ້ນ, ຍັງ​ມີ​ລາຍ​ງານ​ວ່າ ແມນ​ເຊ​​ັສ​ເຕີ ຢູ​ໄນ​ເຕັດ ພ້ອມ​ທີ່​ຈະ​ປ່ອຍ ອັນໂຕ​ນີ ໄປ​ໃຫ້ ໂຊ​ເຊຍ​ດັດ ຢືນ​ໃຊ້​ວຽກ​ເພື່ອ​ເຮັດ​ໃຫ້ການ​ເຈລະຈາ​ຂໍ​ຊື້ ຄູ​ໂບະ ທີ່​ສາມາດ​ຫຼິ້ນ​ໄດ້​ທັງ​ສອງ​ຕຳແໜ່ງ​ປີກ​ຂວາ ແລະ ໜ້າ​ຕ່ຳ​ນັ້ນ ມາ​ຫຼິ້ນ​ຍັງ​ຖິ່ນ ໂອ​​ລ ແທຣບ​ຟອດ ລາບ​ລື່ນ​ຫຼາຍ​ຂຶ້ນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ