ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ຮອງ​ຫົວໜ້າ​ ສະ​ຖາ​ບັນ​ການ​ຢາ-ການ​ແພດ​ພື້ນເມືອງ​ກອງທັບ ເຄື່ອນ​ໄຫວ​ເຮັດ​ວຽກ​ຢູ່​ໂຮງໝໍ​ທະຫານ​ແຂວງ​ຈຳປາ​ສັກ
ເວລາອອກຂ່າວ: 2023-12-26 09:07:49 | ຜູ້ຂຽນ : admin1 | ຈຳນວນຄົນເຂົ້າຊົມ: 228 | ຄວາມນິຍົມ:



ວັນ​ທີ 21 ທັນວາ 2023 ນີ້, ສະຫາຍ ພັນ​ໂທ ອ່ອນ​ເຄນ ລຸນ​ສີ​ລິ ຮອງ​ຫົວໜ້າ​ສະ​ຖາ​ບັນ​ການ​ຢາ-ການ​ແພດ ພື້ນເມືອງ​ກອງທັບ ພ້ອມ​ຄະນະ ໄດ້​ເຄື່ອນ​ໄຫວ​ເຮັດ​ວຽກ​ຢູ່​ໂຮງໝໍ​ທະຫານ​ແຂວງ​ຈຳປາ​ສັກ, ໂດຍ​ການ​ຕ້ອນຮັບ​ຂອງ ສະຫາຍ ພັນ​ໂທ ສົມ​ເພັງ ອ້ວນ​ວິໄລ ຮອງ​ຫົວໜ້າ​ຫ້ອງ​ພະລາທິການ ກອງ​ບັນຊາ​ການ​ທະຫານ​ແຂວງ​ຈຳປາ​ສັກ ພ້ອມ​ດ້ວຍ​ຄະນະ, ມີ​ພະນັກງານ-ວິຊາ​ການ​ ແພດ​ໝໍ ໂຮງໝໍ​ທະຫານ​ແຂວງ​ຈຳປາ​ສັກ ເຂົ້າຮ່ວມ. ໂອກາດ​ນີ້, ສະຫາຍ ພັນ​ໂທ ອ່ອນ​ເຄນ ລຸນ​ສີ​ລິ ໄດ້​ກ່າວ​ຈຸດປະສົງ​ການເຄື່ອນໄຫວ​ເຮັດ​ວຽກ​ຢູ່​ໂຮງໝໍ​ທະຫານ​ແຂວງ​ຈຳປາ​ສັກ​ໃນ​ຄັ້ງ​ນີ້ ເພື່ອ​ນຳ​ສະເໜີ​ກ່ຽວ​ກັບ​ຜະລິດ​ຕະ​ພັນ​ຢາພື້ນເມືອງ​ຂອງ​ສະຖາ​ບັນ​ການ​ຢາ-ການແພດ​ພື້ນເມືອງ​ກອງທັບ ເພື່ອ​ຂະຫຍາຍ​ຕາ​ນ່າງ​ການ​ໂຄສະນາ, ຈໍ​ລະ​ຈອນ, ຈຳໜ່າຍ​ຜະລິດ​ຕະ​ ພັນ​ຢາ ແລະ ຜະລິດ​ຕະ​ພັນ​ການ​ແພດ​ຂອງ​ສະຖາ​ບັນ. ພ້ອມ​ນັ້ນ, ຍັງ​ໄດ້​ແລກປ່ຽນ​ຂໍ້​ມູນ​ດ້ານ​ນິຕິ​ກຳ​ທີ່​ກ່ຽວຂ້ອງ​ຂອງ​ສະ​ຖາ​ບັນ, ດ້ານ​ການ​ສຳ​ຫຼວດ​ເກັບ​ກຳ​ຂໍ້​ມູນ​ພືດ​ທີ່​ເປັນ​ຢາ ແລະ ເກັບ​ກຳ​ຂໍ້​ມູນ​ດ້ານ​ພູມ​ປັນຍາ-ປະສົບ​ການ ຊາວ ບ້ານ ແລະ ການ​ຮ່ວມ​ມື​ໃນ​ການ​ປູກ​ພືດ-ເກັບ​ຊື້​ພືດ​ທີ່​ເປັນ​ຢາ ​ເພື່ອສະໜອງ​ເຂົ້າ​ໃນ​ການ​ຜະລິດ​ຢາພື້ນເມືອງ​ໃນ​ໂຮງງານ​ຜະລິດ​ຢາ 104 ກອງທັບ​ອອກ​ຂາຍ​ເປັນ​ສິນຄ້າ. ໂດຍ: ດາ​ວົງ ບຸດ​ຕະ​ວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ