ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ປິດ​ຊຸດ​ອົບຮົມ​ວຽກ​ງານ​ຄຸ້ມ​ຄອງ ອາວຸດ-ກະສຸນ ໄລຍະ​ສັ້ນ ຊຸດ​ທີ I ປະຈຳ​ປີ 2023
ເວລາອອກຂ່າວ: 2023-12-26 09:09:25 | ຜູ້ຂຽນ : admin1 | ຈຳນວນຄົນເຂົ້າຊົມ: 117 | ຄວາມນິຍົມ:



ກາງເດືອນທັນວາ 2023 ນີ້, ກອງ​ບັນຊາ​ການ​ທະຫານ​ແຂວງ​ສາລະ​ວັນ ໄດ້​ປິດ​ຊຸດ​ອົບຮົມ​ວຽກ​ງານ​ຄຸ້ມ​ຄອງ ອາວຸດ-ກະສຸນ ໄລຍະ​ສັ້ນ ຊຸດ​ທີ I ປະຈຳ​ປີ 2023, ໂດຍ​ການ​ເປັນ​ປະທານ​ຂອງ ສະຫາຍ ພັນ​ເອກ ສຳລີ ແກ້ວ​ວົງ​ສອງ ຮອງ​ເລຂາ​ຄະນະ​ພັກ, ຫົວໜ້າ​ການ​ທະຫານ ກອງ​ບັນຊາ​ການ​ທະຫານ​ແຂວງ​ສາລະ​ວັນ, ມີ​ສະຫາຍ ພັນ​ເອກ ຄຳ​ພະ​ໄມ ໄຊ​ພູບານ ກໍາມະການຄະນະພັກ​ກອງ​ບັນຊາ​ການ, ຫົວໜ້າ​ຫ້ອງ​ເຕັກນິກ, ຄະນະ​ພັກ-ຄະນະ​ບັນຊາ ອົງການ 5 ຫ້ອງ​, ຄະນະ​ອຳນວຍ​ການ​ໂຮງຮຽນ, ຄູ-ອາຈານ ແລະ ນັກ​ເຝິກອົບຮົມ ເຂົ້າ​ຮ່ວມ. ສະຫາຍ ພັນ​ໂທ ວັນນະ​ກອນ ພັນ​ທອງ​ວົງສາ ຮອງຫົວໜ້າ​ພະ​ແນກ​ແຜນການ​ເຕັກນິກ ໄດ້​ຜ່ານ​ບົດ​ສະຫຼຸບ​ໃນ​ການຈັດຕັ້ງ​ປະຕິບັດ​ຂອງ​ການ​ອົບຮົມ​ຫັດ​ແອບ​ວຽກ​ງານ​ຄຸ້ມ​ຄອງ ອາວຸດ-ກະສຸນ ໄລຍະ​ສັ້ນ ຊຸດ​ທີ I ປະຈຳ​ປີ 2023 ໄດ້​ຍົກ​ໃຫ້​ເຫັນ​ໃນ​ການຈັດຕັ້ງ​ປະຕິບັດ​ໜ້າທີ່​ວຽກ​ງານ​ໃນ​ການ​ປະຕິບັດ​ຕົວ​ຈິງ​ທີ່​ຄະນະ​ພັກ, ຄູ-ອາຈານ​ໄດ້​ເອົາໃຈໃສ່​ຢ່າງ​ໃກ້ຊິດຕິດແທດ​ເຂົ້າ​ໃນ​ວຽກ​ງານ​ການ​ຮຽນ-ການ​ສອນ ມີ​ການ​ຕິດຕາມ​ກວດກາ, ມີ​ຄວາມ​ເປັນ​ເອກະ​ພາບ​ໃນ​ໜູ່​ຄະນະ ໂດຍ​ຖື​ເອົາ​ວຽກ​ງານ​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ​ເປັນ​ຫຼັກ, ນັກຮຽນ​ແຕ່​ລະ​ສະຫາຍ​ມີ​ແນວ​ຄິດ​ໜັກ​ແໜ້ນ​ພ້ອມ​ກັນ​ເອົາໃຈໃສ່​ໃນ​ການ​ຄົ້ນ​ຄວ້​​າ​ຮ່ຳຮຽນ. ການ​ເຝິກອົບຮົມ-ຫັດ​ແອບ​ໃນ​ຄັ້ງ​ນີ້​ໄດ້​ຮັບ​ຜົນ 100% ເຊິ່ງ​ໃຊ້​ເວລາ​ອົບຮົມ 10 ວັນ ສະຫຼຸບ​ໄດ້​ດັ່ງນີ້: ວິຊາ​ປືນ​ທະຫານ​ຮາບ ຂັ້ນ​ເກັ່ງ 23 ສະຫາຍ ເທົ່າ​ກັບ 59%, ຂັ້ນ​ດີ 11 ສະຫາຍ ເທົ່າ​ກັບ 32%, ຄາດໝາຍ 3 ສະຫາຍ ເທົ່າ​ກັບ 9%; ວິຊາ​ເຕັກນິກ​ລູກ​ກະສຸນ ຂັ້ນ​ເກັ່ງ 20 ສະຫາຍ ເທົ່າ 58%, ຂັ້ນ​ດີ 12 ສະ ຫາຍ ເທົ່າ​ກັບ 33%, ຄາດໝາຍ 3 ສະຫາຍ ເທົ່າ​ກັບ 9%; ວິຊາ​ຄຸ້ມ​ຄອງ​ອາວຸດ-ກະສຸນ ຂັ້ນ​ເກັ່ງ 19 ສະຫາຍ ເທົ່າ​ກັບ 51%, ຂັ້ນ​ດີ 13 ສະຫາຍ ເທົ່າ​ກັບ 40%, ຄາດໝາຍ 3 ສະຫາຍ ເທົ່າ​ກັບ 9%; ພາກ​ປະຕິບັດ​ຕົວ​ຈິງ ຂັ້ນ​ເກັ່ງ 19 ສະຫາຍ ເທົ່າ​ກັບ 51%, ຂັ້ນ​ດີ 13 ສະຫາຍ ເທົ່າ​ກັບ 40%, ຄາດ ໝາຍ 3 ສະຫາຍ ເທົ່າ​ກັບ 9%. ໃນ​ພິທີ​ຍັງ​ໄດ້​ມອບ​ໃບຢັ້ງຢືນ​ໃຫ້​ນັກ​ເຝິກອົບຮົມ​ຢ່າງ​ສົມ​ກຽດ. ໂດຍ: ບຸນ​ກອງ ຄຳ​ປະສົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ