ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ວິທະຍາຄານການແພດກອງທັບ ເປີດກອງປະຊຸມສະຫຼຸບການຈັດຕັ້ງຄຸ້ມຄອງຄູ-ອາຈານ ແລະ ການຮຽນການສອນຂອງຄະນະວິຊາຄູ
ເວລາອອກຂ່າວ: 2023-12-26 13:55:49 | ຜູ້ຂຽນ : admin2 | ຈຳນວນຄົນເຂົ້າຊົມ: 494 | ຄວາມນິຍົມ:



ໃນວັນທີ 22 ທັນວາ 2023ນີ້, ວິທະຍາຄານການແພດກອງທັບ ເປີດກອງປະຊຸມສະຫຼຸບການການຈັດຕັ້ງຄຸ້ມຄອງຄູ-ອາຈານ ແລະ ການຮຽນການສອນຂອງຄະນະວິຊາຄູ ພາຍໃຕ້ການເປັນປະທານຂອງ ສະຫາຍ ພົນຈັດຕະວາ ຈັນສະໝອນ ມະຫາວົງ ກໍາມະການ ຄະນະພັກອົງການກົມໃຫຍ່ພະລາທິການກອງທັບ ຫົວໜ້າການທະຫານວິທະຍາຄານການແພດກອງທັບ, ເຂົ້າຮ່ວມມີ ສະຫາຍ ພັນເອກ ກິ່ງແກ້ວ ແສງຄໍາຢອງ ຄະນະປະຈໍາພັກ ຫົວໜ້າຫ້ອງການອົບຮົມວິທະຍາຄານການແພດກອງທັບ ແລະ ຄູ-ອາຈານເຂົ້າຮ່ວມ. ສະຫາຍ ພັນໂທ ບຸນຍໍ ສີສຸກັນ ຮອງຫົວໜ້າຄະນະວິຊາຄູ ວິທະຍາຄານການແພດກອງທັບ ໄດ້ຜ່ານບົດສະຫຼຸບ ການຈັດຕັ້ງຄຸ້ມຄອງຂອງຄະນະວິຊາຄູໄລຍະຜ່ານມາ ຄະນະວິຊາຄູ ຖືກແຕ່ງຕັ້ງຂື້ນໃນຊວງເດືອນ 9 ປີ 2023 ທຽບເທົ່າກັບຫ້ອງການ ພາຍໃຕ້ການຊີ້ນຳຈາກຄະນະພັກ-ຄະນະບັນຊາ ວິທະຍາຄານການແພດກອງທັບ ແລະ ປະຕິບັດໜ້າທີ່ວິຊາສະເພາະພາຍໃຕ້ການຊີ້ນໍາ-ນໍາພາຂອງຫ້ອງການອົບຮົມ ໜ້າທີ່ຕົ້ນຕໍ່ແມ່ນສິດສອນໃນລະດັບຕ່າງໆຂອງ ວິທະຍາຄານການແພດກອງທັບ ມີ 11 ພະແນກການຫຼືພາກວິຊາທີ່ຂື້ນກັບ. ພະແນກຮູບຮ່າງ, ພະແນກໜ້າທີ່ການ, ພະແນກພະຍາບານສາດ-ເຕັກນິກການແພດ, ພະແນກການຢາ, ພະແນກການແພດທະຫານ, ພະແນກຈຸລະວິທະຍາ, ພະແນກທໍາມະຊາດ-ສັງຄົມ, ພະແນກຄູຄິນິກພາຍນອກ, ພະແນກຄູຄິນິກພາຍໃນ, ພະແນກການເມືອງການທະຫານ ແລະ ພະແນກປຣາລາຄິນິກ. ມີຈໍານວນ 34 ສະຫາຍ ຊັ້ນ ພັນໂທ 4 ສະຫາຍ, ພັນຕີ 5 ສະຫາຍ, ຮ້ອຍເອກ 9 ສະຫາຍ, ຮ້ອຍໂທ 13 ສະຫາຍ, ຮ້ອຍຕີ 3 ສະຫາຍ, ສິບຕີ 3 ສະຫາຍ ແລະ ຊັ້ນI 1 ສະຫາຍ ວຸດທີ: ປະລິນຍາໂທມີ 2 ສະຫາຍ, ຊ່ຽວຊານຂັ້ນ I ມີ 1 ສະຫາຍ, ປະລິນຍາຕີມີ 24 ສະຫາຍ, ຄູສອນດີ-ສອນເກັ່ງ ແລະ ມີປະສົບການ ຈໍານວນ 11 ອາຈານ ເທົ່າກັບ 28,5 %, ຄູສອນລະດັບກາງມີ 4 ອາຈານ ເທົ່າກັບ 11,8 % ແລະ ບັນດາຄູ-ອາຈານທີ່ຍັງບໍ່ທັນເຄີຍສິດສອນຍັງອ່ອນ, ຊັ້ນສູງ ແລະ ຊັ້ນກາງ ຈໍານວນ 20 ສະຫາຍ ເທົ່າກັບ 60,1 % ເປົ້າໝາຍສິດສອນແມ່ນປະລິນຍາໂທ ສາຍໜ້າທີ່ການ, ຊ່ຽວຊານສາຍພາຍໃນ-ພາຍນອກ, ປະລິນຍາຕີ, ພະຍາບານຊັ້ນສູງ ແລະ ວິເຄາະຊັ້ນກາງ ວຽກທີີ່ຈະເຮັດໃນຕໍ່ໜ້າ ສຶບຕໍ່ປະຕິບັດຕາມຕາຕະລາງທີ່ຮົບຮົມອອກໃຫ້, ສ້າງຕາຕະລາງຜ່ານບົດສອນໃຫ້ບັນດາຄູ-ອາຈານໃໝ່, ຈັດຕັ້ງໂຮມໂມງສອນໃຫ້ເປັນປົກກະຕິ, ພົວພັນຮ່ວມໂມງສອນເປັນປົກກະຕິ, ພົວພັນຮ່ວມໂມງສອນກັບ ມະຫາວິທະຍາໄລວິທະຍາສາດສຸຂະພາບ ແລະ ບໍາລຸງຄູກັບທີ່. ໂດຍ: ຊຽ້ມ ສີລິທໍາໂມ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ