ກອງທັບປະຊາຊົນລາວ
 
ວັນຈັນ, ວັນທີ 26 ກຸມພາ 2024

  

ກອງພົນທີ 4 ອວຍພອນກອງຂຸດຄົ້ນອັດຖິ 584
ເວລາອອກຂ່າວ: 2023-12-26 14:03:04 | ຜູ້ຂຽນ : admin2 | ຈຳນວນຄົນເຂົ້າຊົມ: 582 | ຄວາມນິຍົມ:



ໃນວັນທີ 22 ທັນວາ 20223 ນີ້, ການນຳກອງພົນທີ 4 ເຂົ້າອວຍພອນ ກອງຂຸດຄົ້ນອັດຖິ 584 ກອງບັນຊາການທະຫານເຂດ 4 ສສ ຫວຽດນາມ ເນື່ອງໃນໂອກາດວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 79 ປີ (22/12/1944 – 22/12/2023), ນຳພາໂດຍ: ສະຫາຍ ພົນຈັດຕະວາ ສົມຈິດກິດຕິຍະລາດ ເລຂາຄະນະພັກກອງພົນ ຫົວໜ້າການເມືອງກອງພົນທີ 4 ພ້ອມຄະນະ, ເປັນກຽດຕ້ອນຮັບຂອງ ສະຫາຍ ພັນໂທ ເຈິ່ນ ຫຶ໋ວຮຸ່ງ ຫົວໜ້າການທະຫານກອງຂຸດຄົ້ນອັດຖິ 584 ພ້ອມດ້ວຍຄະນະ, ພະນັກງານນັກຮົບພາຍໃນກົມກອງ ໃຫ້ການຕ້ອນຮັບຢ່າງອົບອຸ່ນ. ໂອກາດນີ້, ສະຫາຍ ພົນຈັດຕະວາ ສົມຈິດ ກິດຕິຍະລາດ ເລຂາຄະນະພັກກອງພົນ ຫົວໜ້າການເມືອງກອງພົນທີ 4 ຂຶ້ນກ່າວຈຸດປະສົງ, ພ້ອມທັງອວຍພອນໄຊອັນປະເສີດມາຍັງກອງຂຸດຄົ້ນອັດຖິ 584 ກອງບັນຊາການທະຫານເຂດ 4 ສສ ຫວຽດນາມ ເນື່ອງໃນໂອກາດວັນສ້າງຕັ້ງກອງທັບປະຊາຊົນຫວຽດນາມ ຄົບຮອບ 79ປີ, ທັງນີ້ກໍ່ເພື່ອເສີມຂະຫຍາຍສາຍພົວພັນມິດຕະພາບ ແລະ ຄວາມສາມັກຄີພິເສດລະຫວ່າງ ສອງຊາດ, ສອງກອງທັບ ລາວ-ຫວຽດນາມ, ຫວຽດນາມ-ລາວ ເວົ້າລວມເວົ້າສະເພາະກໍ່ຄື ກອງພົນທີ 4 ກັບ ກອງຂຸດຄົ້ນອັດຖິ 584 ກອງບັນຊາການທະຫານເຂດ 4 ສສ ຫວຽດນາມ ໃຫ້ໝັ້ນຄົງທະນົງແກ່ນຕະຫຼອດໄປ. ໂອກາດດັ່ງກ່າວ ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງກອງພົນທີ 4 ຕ່າງໜ້າໃຫ້ຄະນະມອບກະຕ່າຂອງຂວັນ ໃຫ້ການນໍາກອງຂຸດຄົ້ນອັດຖິ 584 ຢ່າງສົມກຽດ. ຕອນທ້າຍ ສະຫາຍ ພັນໂທ ເຈິ່ນ ຫຶ໋ວຮຸ່ງ ຫົວໜ້າການທະຫານກອງຂຸດຄົ້ນອັດຖິ 584 ກ່າວສະແດງຄວາມຂອບໃຈ ທີ່ຍາມໃດເວລາໃດກອງພົນທີ 4 ກອງທັບປະຊາຊົນລາວ ແມ່ນເຫັນໄດ້ຄວາມໝາຍຄວາມສໍາຄັນຂອງວຽກງານດັ່ງກ່າວ ພ້ອມທັງອວຍພອນໄຊມາຍັງ ສະຫາຍ ພົນຈັດຕະວາ ສົມຈິດ ກິດຕິຍະລາດ ຫົວໜ້າການເມືອງກອງພົນທີ 4 ພ້ອມດ້ວຍຄະນະ ຈົ່ງມີສຸຂະພາບແຂງແຮງ ມີຜົນສໍາເລັດໃນໜ້າທີ່ການງານ, ມີຄວາມສຸກທັງຊີວິດສ່ວນຕົວ ແລະ ຄອບຄົວ ພ້ອມກັນສືບຕໍ່ຮັດແໜ້ນສາຍພົວພັນແບບພິເສດແບບນີ້ຕະຫຼອດໄປຊົ່ວກາລະນານ. ຂ່າວ-ພາບໂດຍ: ຮທ ໂພຄຳ ພອນປະເສີດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ