ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ກອງປະຊຸມສະຫຼຸບວຽກງານຮອບດ້ານປະຈໍາໄຕມາດ IV ປີ 2023 ແລະ ທິດທາງໄຕມາດ I ປີ 2024
ເວລາອອກຂ່າວ: 2023-12-26 14:07:10 | ຜູ້ຂຽນ : admin2 | ຈຳນວນຄົນເຂົ້າຊົມ: 319 | ຄວາມນິຍົມ:



ໃນວັນທີ 22 ທັນວາ 2023 ນີ້, ກອງບັນຊາການທະຫານແຂວງເຊກອງ ໄດ້ຮັບກຽດເປັນເຈົ້າພາບຈັດກອງປະຊຸມສ່ອງແສງວຽກງານຮອບດ້ານປະຈໍາໄຕມາດ IV ປີ 2023 ແລະ ທິດທາງໄຕມາດ I ປີ 2024 ຢູ່ພາກໄຕ້, ໂດຍການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ຄະນະປະຈໍາພັກ ກະຊວງປ້ອງກັນປະເທດ ຫົວໜ້າກົມໃຫຍ່ເຕັກນິກກອງທັບ, ມີບັນດາສະຫາຍຄະນະພັກ-ຄະນະບັນຊາ ກອງບັນຊາການທະຫານ 4 ແຂວງພາກໃຕ້ ເຊກອງ,ສາລະວັນ,ຈໍາປາສັກ,ອັດຕະປື,ກອງພົນທະຫານຮາບທີ 5,ກອງພັນໃຫຍ່ 645,ໂຮງຮຽນນາຍສິບເລກ 2 ວຽງໄຊ,ໂຮງໝໍບໍລິເວນ 106,ໂຮງງານປະສານເຫຼົ່າພາກໃຕ້,ສານທະຫານພາກໃຕ້,ໄອຍະການພາກໃຕ້ ພ້ອມດ້ວຍບັນດາບໍລິສັດກໍ່ສ້າງຂົວທາງຄົບວົງຈອນເຂດພາກໃຕ້ກໍ່ໃຫ້ກຽດ ເຂົ້າຮ່ວມ. ໃນໂອກາດກອງປະຊຸມດັ່ງກ່າວ ບັນດາສະຫາຍຄະນະພັກ-ຄະນະບັນຊາ ແຕ່ລະກົມກອງ ກໍ່ໄດ້ຜ່ານລາຍງານວຽກງານການຈັດຕັ້ງປະຕິບັດ ໂດຍສະເພາະ ວຽກງານເຮັດໃຫ້ທົ່ວພັກ,ລັດ ແລະ ທົ່ວປວງຊົນລາວທັງຊາດມີຄວາມສະຫງົບໂດຍພື້ນຖານ ໂດຍແຕ່ລະກົມກອງໄດ້ຖືສຳຄັນວຽກງານສຶກສາອົບຮົມການເມືອງ- ນຳພາແນວຄິດເປັນກົກ ສອດຫ້ອຍເຂົ້າໃນທຸກຂົງເຂດວຽກງານລວມຕິດພັນກັບວຽກງານຂະບວນການດ້ານຕ່າງໆ ປິ່ນອ້ອມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ເຊື່ອມຊຶມກຳແໜ້ນແນວທາງແຜນນະໂຍບາຍຂອງພັກ-ລັດ, ປະຕິບັດບັນດາຂໍ້ກຳນົດ - ກົດລະບຽບຂອງຂັ້ນເທິງວາງອອກຢ່າງເຂັ້ມງວດ, ເຮັດວຽກເປັນໝູ່ຄະນະ, ແບ່ງວຽກໃຫ້ບຸກຄົນຮັບຜິດຊອບ, ດຳເນີນຊີວິດການເມືອງເປັນປົກກະຕິ, ສະຫຼຸບສັງລວມແລ້ວສະພາບການແຕ່ລະກົມກອງຮັບຜິດຊອບ ແມ່ນມີຄວາມສະຫງົບໂດຍພື້ນຖານ. ໂອກາດນີ້ ສະຫາຍ ພົນຕີ ປະສິດ ທ່ຽງທໍາ ຄະນະປະຈໍາພັກ ກະຊວງປ້ອງກັນປະເທດ ຫົວໜ້າກົມໃຫຍ່ເຕັກນິກກອງທັບໄດ້ຊີ້ນໍາ ແລະ ເໜັ້ນຕື່ມໃຫ້ຄະນະພັກ - ຄະນະບັນຊາແຕ່ລະກົມກອງ ຈົ່ງພ້ອມກັນສືບຕໍ່ຍົກສູງຄວາມຮູ້ - ຄວາມສາມາດໃຫ້ສູງຂຶ້ນ, ຍົກສູງຄວາມສາມັກຄີພາຍໃນໝູ່ຄະນະໃຫ້ເປັນປຶກແຜ່ນ, ເພີ່ມທະວີວຽກງານສຶກສາອົບຮົມການເມືອງແນວຄິດເປັນກົກ ໂດຍຕິດພັນກັບ 4 ໜ້າທີ່ໃຫຍ່ 26 ແຜນງານ ຂອງກະຊວງປ້ອງກັນປະເທດວາງອອກ, ຍົກສູງນ້ຳໃຈເພິ່ງຕົນເອງ ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ກາຍເປັນກົມກອງທີ່ມີລະບຽບ ແບບແຜນທີ່ທັນສະໄໝ. ຊຸກຍູ້ສົ່ງເສີມ ແລະ ຫັນກໍາລັງລົງກໍ່ສ້າງຮາກຖານການເມືອງຢູ່ບັນດາກຸ່ມບ້ານ ໂດຍປະສານສົບທົບແໜ້ນກັບກຳລັງ ປກສ,ກອງຫຼອນ ພ້ອມກັນຕິດຕາມກວດກາປະກົດການຫຍໍ້ທໍ້ທີ່ອາດເກີດຂຶ້ນໃນສັງຄົມທົ່ວປະເທດ ໄປຕາມທິດ 3 ສ້າງຂອງພັກ ແລະລັດວາງອອກ. ຊຸກຍູ້ສົ່ງເສີມ ວຽກງານກໍ່ສ້າງກໍາລັງກໍ່ຄືກໍ່ສ້າງພະນັກງານ-ນັກຮົບຢູ່ໃນຖັນແຖວກໍາລັງປະກອບອາວຸດ ໃຫ້ມີແນວຄິດການເມືອງໜັກແໜ້ນ,ສ້າງໄດ້ໜ່ວຍພັກປອດໃສ,ເຂັ້ມແຂງ ແລະ ໜັກແໜ້ນ ຕິດພັນກັບການສ້າງສ້າງພະນັກງານ 3ລຸ້ນ,ສົ່ງເສີມບັນດາອົງການຈັດຕັ້ງມະຫາຊົນ ຊາວໜຸ່ມ-ແມ່ຍິງ ພ້ອມກັນສ້າງຂະບວນການຕ່າງໆ ເພື່ອຂໍານັບຮັບຮັບຕ້ອນວັນສໍາຄັນຂອງຊາດ-ຂອງພັກ ກໍ່ຄື ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ທີ່ຈະມາເຖິງນີ້ໃຫ້ມີບັນຍາກາດຟົດພື້ນ ແລະ ມີຄວາມສະຫງົບໂດຍພື້ນຖານ. ໂດຍ: ກອງຄໍາ ຈິ່ງດ້າຍອດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ