ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ຫ້ອງການ​ຫຼັງ​ໃໝ່ ກອງພັນ 227 ກອງ​ພົນ​ທີ 4 ກໍ່ສ້າງສຳເລັດ​ 90%
ເວລາອອກຂ່າວ: 2023-12-27 09:17:28 | ຜູ້ຂຽນ : admin3 | ຈຳນວນຄົນເຂົ້າຊົມ: 251 | ຄວາມນິຍົມ:



ໃນ​ວັນ​ທີ 22 ທັນວາ 2023, ຄະນະ​ພັກ-ຄະນະ​ບັນຊາ ​ກອງພັນ 227 ກອງ​ພົນ​ທີ 4 ໄດ້​ນຳພາ-ຊີ້​ນຳພະນັກງານ-ນັກຮົບພາຍ​ໃນ​ ກົມ​ກອງ ສຸມ​ໃສ່​ການ​ກໍ່ສ້າງ​ຫ້ອງ ການ​ຫຼັງ​ໃໝ່ ດ້ວຍ​ການ​ເທ​ພື້ນ​​ໃຫ້​ໄດ້​ຮັບ​ມາດຕະຖານ ຕາມ​ຂໍ້​ກຳນົດ 5 ມາດຖານ​ໃນ​ການ​ປັບປຸງ​ກໍ່ສ້າງ​ກົມ​ກອງ​ໃຫ້​ແໜ້ນ ໜາ​ຖາວອນ ຕາມ​ທິດ​ກົມ​ໃຫຍ່​ເສນາ​ທິ​ການ​ກອງທັບ​ວາງ​ອອກ. ສະຫາຍ ພັນ​ຕີ ບຸນ​ທະວີ ພິມ​ມະ​ສອນ ຮອງ​ຫົວໜ້າ​ການ ເມືອງ ​ກອງພັນ 227 ໃຫ້​ຮູ້​ວ່າ: ການ​ເທ​ພື້ນ​ຫ້ອງການ​ໃນ​ຄັ້ງ​ນີ້​​ໄດ້​ໃຊ້​ກຳລັງ​ແຮງ​ງານ​ຂອງ​ພະນັກງານ-ນັກຮົບໃນ​ກົມ​ກອງ ຈຳນວນ 87 ສະຫາຍ, ຍິງ 13 ສະຫາຍ ສາມາດ​ເທ​ພື້ນ​ສຳ ເລັດ​ຕາມ​ຄາດໝາຍ. ສຳລັບ​ຫ້ອງ ການ​ຫຼັງ​ໃໝ່​ ກອງພັນ 227 ໄດ້​ເລີ່ມ​ລົງມື​ກໍ່ສ້າງ​ນັບ​ຕັ້ງແຕ່​ຕົ້ນ​ເດືອນ​ທັນວາ 2022 ມາ​ຮອດ​ປັດຈຸບັນ​ ສຳເລັດ​ 90%, ມີ​ຂະໜາດ 12X40 ແມັດ, ກໍ່​ດ້ວຍ​ດິນ​ບ໋ອກ, ໂຄງ​ຫຼັງຄາ​ເຮັດ​ ດ້ວຍ​ໄມ້, ມຸງ​ດ້ວຍ​ກະເບື້ອງ; ສ່ວນ​ທຶນຮອນ​ໃນ​ການ​ກໍ່ສ້າງ​ ​ໄດ້​ມາ​ຈາກ​ການ​ປະກອບສ່ວນ​ ຂອງບັນດາ​ບໍລິສັດ, ນັກທຸ ລະກິດ, ບຸກຄົນ ແລະ ການ​ປະ ກອບສ່ວນ​ຈາກ​ພະນັກງານ- ນັກຮົບພາຍ​ໃນ​ກົມ​ກອງ; ກະ ເບື້ອງ​ມຸງ​ຫຼັງຄາ ​ແມ່ນ​ກອງ​ພົນ​ທີ 4 ປະກອບສ່ວນ ຈຳນວນ 940 ແຜ່ນ ລວມ​ມູນ​ຄ່າ​ການ​ກໍ່ສ້າງ​ທັງ​ໝົດ 196 ລ້ານ​ກີບ; ຄາດຄະເນ​ວ່າ​ຈະ​ໃຫ້​ສຳເລັດ 100% ໃນ​ກາງ​ປີ 2024. ໂດຍ: ພອນ​ເທບ ຈອມ​ມະນີ​ວັນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ