ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ສະຫະພັນ​ແມ່ຍິງ​ ກອງພັນ​ໃຫຍ່ 703 ສະຫຼຸບ​ວຽກ​ງານ​ກອງ​ທຶນ
ເວລາອອກຂ່າວ: 2023-12-27 09:18:30 | ຜູ້ຂຽນ : admin3 | ຈຳນວນຄົນເຂົ້າຊົມ: 393 | ຄວາມນິຍົມ:



ໃນ​ວັນ​ທີ 21 ທັນວາ 2023, ສະຫະພັນ​ແມ່ຍິງ​ ກອງພັນ​ໃຫຍ່ 703 ໄດ້​ສະຫຼຸບ​ວຽກ​ງານ​ກອງ​ທຶນ​ເງິນ​ຝາກ​ຊ່ວຍເຫຼືອ​ເຊິ່ງ​ກັນ ແລະ ກັນ ປະຈຳ​ປີ 2023, ໂດຍ​ການ​ເປັນ​ປະທານ​ຂອງ​ ສະຫາຍ ພັນ​ເອກ ສູນ​ທອນ ພົມ​ມະ​ແສນ ຫົວໜ້າ​ການເມືອງ​ ກອງພັນ​ໃຫຍ່ 703, ມີ​ຄະນະ​ພັກ-ຄະນະ​ບັນຊາ ຕະ​ຫຼະ​ຮອດສະມາຊິກ​ກອງ​ທຶນ​ເງິນ​ຝາກ​ເຂົ້າ​ຮ່ວມ. ສະຫາຍ ພັນ​ໂທ ນາງ ສົນ​ດາ​ວັນ ທິບ​ພະ​ວົງ ຫົວໜ້າ​ຂະແໜງ​ສະ ຫະພັນ​ແມ່ຍິງ​ ກອງພັນ​ໃຫຍ່ 703 ໄດ້​ຜ່ານ​ບົດ​ສະ​ຫຼຸ​ບວຽ​​ກ​ງານ​ກອງ​ທຶນ​ເງິນ​ຝາກ​ຊ່ວຍເຫຼືອ​ເຊິ່ງ​ກັນ ແລະ ກັນ ປະຈຳ​ປີ 2023, ​ໄດ້​ເອົາໃຈໃສ່​ສຶກ​ສາ​ອົບຮົມ​ການເມືອງ-ນຳພາ​ແນວ​ຄິດ​ໃຫ້​ສະມາຊິກ​ກອງ​ທຶນ​ເງິນ​ຝາກ​ຢ່າງ​ເປັນ​ປົກກະຕິ ເຮັດ​ໃຫ້​ສະມາຊິກ​ຮັບ​ຮູ້ ແລະ ເຂົ້າໃຈ​ເຖິງກອງ​ທຶນ​ເງິນ​ຝາກ ເຊິ່ງ​ເປັນ​ກອງ​ທຶນ​ເພື່ອ​ຊ່ວຍເຫຼືອ​ເຊິ່ງ​ກັນ ແລະ ກັນ, ຄະນະ​ສະຫະພັນ​ແມ່ຍິງ​ ຍາມ​ໃດ​ກໍ​ໄດ້​ຍົກ​ສູງ​ຄວາມ​ຮັບຜິດຊອບ​ຕໍ່ໜ້າ​ທີ່ ທີ່​ໄດ້​ຮັບ​ການ​ມອບ​ໝາຍ ດ້ວຍ​ຄວາມ​ເອົາໃຈໃສ່ ແລະ ໄດ້​ ເກັບ​ທ້ອນ​ເງິນ​ດອກ​ເບ້ຍ​ຢ່າງ​ ຄົບ​ຖ້ວນ; ໃນ​ປີ 2023 ນີ້, ມີ​ສະ ມາຊິກ​ກອງ​ທຶນ​ທັງ​ໝົດ 653 ສະຫາຍ, ຍິງ125 ສະຫາຍ, ເພີ່ມ ຂຶ້ນ 15%, ມີ​ເງິນ​ຝາກ​ປີ 2023 ທັງ​ໝົດ2.729.072.203 ກີບ;​ ເງິນ​ປ່ອຍ​ໃຫ້​ກູ້-ຢືມ 1.941.917.000 ກີບ ແລະ ໄດ້​ດອກ​ເບ້ຍ 432.167.000 ກີບ. ໂດຍ: ກອງ​ສີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ