ກອງທັບປະຊາຊົນລາວ
 
ວັນອັງຄານ, ວັນທີ 05 ມີນາ 2024

  

ກອງພັນ​ໃຫຍ່ 502 ປະກາດ​ການ​ເລື່ອນ​ຊັ້ນ​ນາຍ​ສິບ
ເວລາອອກຂ່າວ: 2023-12-27 09:23:29 | ຜູ້ຂຽນ : admin3 | ຈຳນວນຄົນເຂົ້າຊົມ: 148 | ຄວາມນິຍົມ:



ໃນ​ບໍ່​ດົນ​ຜ່ານ​ມາ​ນີ້, ກອງພັນ​ໃຫຍ່ 502 ກອງ​ພົນ​ທີ 5 ໄດ້​ປະ ກາດ​ການ​ເລື່ອນ​ຊັ້ນ​ໃຫ້​ນາຍ​ສິບ ແລະ ພົນທະຫານ, ໂດຍ​ການ​ເປັນ​ປະທານ​ຂອງ ສະຫາຍ ພັນ​ໂທ ຈິດຕະກອນ ພຸດ​ທະ​ວົງ ຫົວໜ້າ​ພະ​ແນກ​ເສນາ​ທິ​ການ ກອງພັນ​ໃຫຍ່ 502, ມີ​ຄະນະ​ພັກ-ຄະນະ​ບັນ ຊາ 5 ພະແນກການ, ກົມ​ກອງ ຂະ ແໜງການ​ທີ່​ກ່ຽວຂ້ອງ ພ້ອມ​ດ້ວຍ ​ນາຍສິບພົນທະຫານ ຜູ້​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່ ເຂົ້າ​ຮ່ວມ. ສະຫາຍ ຮ້ອຍ​ເອກ ວັນນະ​ເລດ ບຸດ​ຕະ​ວົງ ຮອງ​ຫົວໜ້າ​ພະ​ແນກ​ກຳລັງ​ພົນ ກອງ​ພົນ​ທີ 5 ໄດ້​ຜ່ານ​ຂໍ້​ ຕົກລົງ​ຂອງ​ກົມ​ໃຫຍ່​ເສນາ​ທິ​ການ​ ກອງທັບ ວ່າ​ດ້ວຍ​ການ​ອະນຸມັດ​ ເລື່ອນ​ຊັ້ນ​ນາຍ​ສິບ, ອີງ​ຕາມ​ຂໍ້​ກຳ ນົດ ​ວ່າ​ດ້ວຍ​ລະບຽບ​ການ​ຂອງ​ ນາຍ​ສິບ ແລະ ພົນທະຫານ ໃນ​ກອງທັບ​ປະຊາຊົນ​ລາວ (ສະບັບ​ປັບປຸງ) ວ່າ​ດ້ວຍ​ການ​ອະນຸມັດ​ຂໍ້​ຕົກລົງ​ເລື່ອນ​ຊັ້ນ​ໃຫ້​ນາຍ​ສິບ ໃນ​ນີ້, ກົມ​ໃຫຍ່​ເສນາ​ທິ​ການ​ກອງທັບ​ຕົກລົງ​ເລື່ອນ​ຊັ້ນ ສິບ​ເອກ ຂຶ້ນ ວາທີ ຈຳນວນ 67 ສະຫາຍ, ເລື່ອນ ​ຊັ້ນ ສິບ​ໂທ ຂຶ້ນ ສິບ​ເອກ ຈຳນວນ 925 ສະຫາຍ, ເລື່ອນ​ຊັ້ນ ສິບ​ຕີ ຂຶ້ນ ສິບ​ໂທ ຈຳນວນ 22 ສະ ຫາຍ. ໂອກາດ​ດຽວ​ກັນ​ນີ້, ສະຫາຍ ພັນ​ໂທ ຈິດຕະກອນ ພຸດ​ທະ​ວົງ ໄດ້​​ສະແດງ​ຄວາມຍ້ອງຍໍ​ຊົມເຊີຍ ​ຕໍ່​ບັນດາ​ສະຫາຍ​ຜູ້​ທີ່​ໄດ້​ຮັບ​ການ​ເລື່ອນ​ຊັ້ນ​ໃໝ່​ໃນ​ຄັ້ງ​ນີ້ ພ້ອມ ​ທັງ​ເນັ້ນ​ໜັກ​ໃຫ້​ແຕ່​ລະ​ສະຫາຍ ຈົ່ງ​ພ້ອມ​ກັນ​ສືບຕໍ່​ເຝິກຝົນ​ຫຼໍ່​ຫຼອມ ຕົນ​ເອງ​ໃນ​ຮອບດ້ານ​ທຸກ​ດ້ານ, ດຸໝັ່ນ​ຊອກ​ຮູ້​​ຮ່ຳຮຽນ, ປະຕິບັດ​ຂໍ້​ກຳນົດ, ​ກົດ​ລະບຽບ​ຂອງ​ກອງ ທັບ ກໍ​ຄື​ຂອງ​ກົມ​ກອງ​ວາງ​ອອກ​ໃຫ້​ເຂັ້ມ​ງວດ, ຍົກ​ສູງ​ຄວາມ​ຮັບ ຜິດຊອບ​ຂອງ​ຕົນ​ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບ​ການ​ມອບ​ໝາຍ​ໃຫ້, ມີ​ຄວາມ​ສາມັກຄີ​ພາຍ​ໃນ-ພາຍ ​ນອກ ຢ່າງ​ແໜ້ນ​ແຟ້ນ ເພື່ອ​ພ້ອມ​ກັນ​ເຮັດ​ສຳເລັດ​ໜ້າທີ່​ວຽກ​ງານ​ຕາມ​ການ​ມອບ​ໝາຍ​ຂອງ​ຂັ້ນ​ເທິງ ໂດຍ: ສົມ​ພອນ​ໄຊ ພັນ​ທ້າວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ