ວັນພະຫັດ, ວັນທີ 12 ກັນຍາ 2024
ມອບໃບສົມມະນາຄຸນ ໃຫ້ພາກສ່ວນອຸປະຖຳ ກອງປະຊຸມໃຫຍ່ ຄັ້ງທີ II ຂອງຄະນະພັກ ໂຮງໝໍສູນກາງ 103 ກອງທັບ
ເວລາອອກຂ່າວ: 2023-12-27 09:26:49 | ຜູ້ຂຽນ : admin3 | ຈຳນວນຄົນເຂົ້າຊົມ: 1380 | ຄວາມນິຍົມ: 
ໃນບໍ່ດົນຜ່ານມາ, ໂຮງໝໍສູນກາງ 103 ກອງທັບ
ໄດ້ຈັດພິທີມອບໃບສົມມະນາຄຸນໃຫ້ບັນດາພາກ ສ່ວນທີ່ໄດ້ປະກອບສ່ວນຊຸກຍູ້ອຸປະຖຳ ແລະ ອຳ ນວຍຄວາມສະດວກດ້ານຕ່າງໆ ໃຫ້ແກ່ກອງປະ ຊຸມໃຫຍ່ ຄັ້ງທີ II ຂອງຄະນະພັກ ໂຮງໝໍສູນກາງ 103 ກອງທັບ ເຊິ່ງຈັດຂຶ້ນໃນເດືອນຕຸລາຜ່ານມາ.
ໂດຍການເປັນປະທານມອບໃບສົມມະນາຄຸນ ຂອງສະຫາຍ ພັນເອກ ດຣ ນາງ ອຳພອນ ພົມມະທາ ຫົວໜ້າຫ້ອງການເມືອງ ໂຮງໝໍສູນກາງ 103 ກອງທັບ.
ສຳລັບພາກສ່ວນທີ່ໄດ້ປະກອບສ່ວນຊຸກຍູ້ອຸປະຖຳກອງປະຊຸມ ປະກອບມີ ສະຫາຍ ພົນຈັດ ຕະວາ ຄຳແພງ ພູມມາແກ້ວ ຫົວໜ້າກົມເສນາຮັກ ກົມໃຫຍ່ພະລາທິການກອງທັບ, ສະຖາບັນອະນາໄມກັນພະຍາດ ແລະ ສົ່ງເສີມສຸຂະພາບກອງທັບ, ວິ ທະຍາຄານການແພດກອງທັບ, ສະຖາບັນການຢາ ແລະ ການແພດ ກອງທັບ, ໂຮງງານຜະລິດຢາເລກ 2, ໂຮງງານຜະລິດຢາ ເລກ 3, ບໍລິສັດ SS Cleaning services, ບໍລິສັດ ຢາ CBF, ບໍລິສັດ ພູນຊັບ, ບໍລິສັດ ມະນີວອນ ບໍລິການອະນາໄມ, ບໍລິສັດ NNC, ບໍລິສັດ ວຽງທອງການຢາ, ບໍລິສັດ ໄຊມັງກອນ, ບໍລິສັດ Berline, ບໍລິສັດ ມະນີວອນ ການຢາ.
ສະຫາຍ ພັນເອກ ດຣ ນາງ ອຳພອນ ພົມມະທາ
ຍັງໄດ້ຕາງໜ້າຄະນະພັກ-ຄະນະອຳນວຍການ ໂຮງໝໍ ສະແດງຄວາມຮູ້ບຸນຄຸນ ແລະ ຂອບໃຈ ນຳທຸກພາກສ່ວນ ທີ່ໄດ້ປະກອບສ່ວນຊຸກຍູ້ອຸປະຖຳ ແລະ ອຳນວຍຄວາມສະດວກດ້ານຕ່າງໆ ໃຫ້ແກ່ການດຳເນີນ ກອງປະຊຸມໃຫຍ່ ຄັ້ງທີ II ຂອງຄະນະພັກໂຮງໝໍສູນກາງ 103 ກອງທັບ ເຮັດໃຫ້ກອງປະຊຸມດັ່ງກ່າວ ສຳເລັດຢ່າງຈົບງາມ.
ໂດຍ: ໂຊກທະວີ ແກ້ວບຸດຕະລາດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
