ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ຍີ່ປຸ່ນ ​ຄວນ​ຄວບ​ຄຸມ​ງົບປະມານ ​ການ​ປ້ອງ​ກັນ​ປະເທດ ຕາມ​ເສັ້ນທາງ​ສັນຕິພາບ
ເວລາອອກຂ່າວ: 2023-12-27 09:32:19 | ຜູ້ຂຽນ : admin3 | ຈຳນວນຄົນເຂົ້າຊົມ: 167 | ຄວາມນິຍົມ:



ຕາມຂ່າວສານຊິນຮວາ ລາຍງານວ່າ: ວັນ​ທີ 22 ທັນວາ ​ນີ້, ລັດຖະບານ​ຍີ່ປຸ່ນ​ໄດ້​ຮັບຮອງ ​ເອົາ​ຮ່າງ​ມະຕິ​ກ່ຽວ​ກັບ​ງົບປະ ມານ​ຂອງ​ລັດຖະບານ​ສົກ​ປີ 2024 ໃນ​ກອງ​ປະຊຸມ​ຄະນະ​ລັດ ຖະບານ, ໃນ​ນັ້ນ​ງົບປະມານ​ການ ​ປ້ອງ​ກັນ​ປະເທດ​ຂອງ​ຍີ່ປຸ່ນ​ໄດ້​ ເພີ່ມ​ຂຶ້ນ​ຮອດ​ລະດັບ​ສູງ​ສຸດ​ໃນ​ ປະຫວັດສາດ. ໃນ​ວັນ​ດັ່ງກ່າວ, ລັດຖະບານ​ຍີ່ປຸ່ນ​ໄດ້​ໄຂ​ກອງ​ປະ ຊຸມ ໂດຍ​ໄດ້​ດັດແປງ “ຫຼັກການ​ສາມ​ປະການ​ຂອງ​ການ​ໂອນ​ຍ້າຍ​ອາວຸດ​ຍຸດ​ໂທ​ປະກອນ​ປ້ອງ​ກັນ​ຕົວ” ພ້ອມ​ດ້ວຍ​ແນວທາງ​ການ​ດຳເນີນ​ງານ ເຊິ່ງ​ເປັນ​ການ​ເປີດ​ປະຕູ​ໃຫ້​ແກ່​ຍີ່ປຸ່ນ​ໃນ​ການ​ສົ່ງ​ອອກ​ອາວຸດ​ຍຸດ​ໂທ​ປະກອນ​ຕ່າງໆ ລວມ​ທັງ​ຂີ​ປະ​ນາ​ວຸດ​ນຳ​ວິຖີ​ເປັນ ຕົ້ນ. ຜູ້​ເບິ່ງ​ກວ້າງ​ເຫັນ​ໄກ​ຂອງ​ຍີ່ປຸ່ນ​ເຫັນ​ວ່າ ຍີ່ປຸ່ນ​ຄວນ​ຄວບ​ຄຸມ​ງົບປະມານ​ດ້ານ​ການ​ປ້ອງ​ກັນ​ປະເທດ ບໍ່​ຄວຍ​ໃຫ້​ງົບປະມານ​ດັ່ງກ່າວ​ເພີ່ມ​ຂຶ້ນ​ຢ່າງ​ຫຼວງຫຼາຍ ແລະ ຕໍ່​ເນື່ອງທັງ​ຍຶດ​ໝັ້ນ​ເດີນ ​ຕາມ​ເສັ້ນທາງ​ສັນຕິພາບ. ທ່ານ ຕາ​ກາ​ຈິງ ຟູ​ຈີ​ຕະ ຫົວ ໜ້າ​ອົງການ “ສືບ​ທອດ ແລະ ເສີມ​ຂະຫຍາຍ​ຖະແຫຼງການ​ມູ​ຣາ​ຢາ​ມະ” ຂອງ​ຍີ່ປຸ່ນ​ເຫັນ​ວ່າ: ຍີ່ປຸ່ນ​ສືບຕໍ່​ເພີ່ມ​ງົບປະມານ​ລາຍ​ຈ່າຍ​ດ້ານ​ການ​ປ້ອງ​ກັນ​ປະເທດ​ແມ່ນ​ນະໂຍບາຍ​ທີ່​ຈຳກັດ​ຄັບແຄບ ເຊິ່ງ​ຈະ​ພາໃຫ້​ສະຖານະ​ການ​ໃນ​ພາກ​ພື້ນ​ເຄັ່ງ​ຕຶງ​ຂຶ້ນ ແລະ ເຮັດ​ໃຫ້​ລັດຖະບານ​ຍີ່ປຸ່ນ​ຖະຫຼຳ​ເຂົ້າ​ໃນ​ບັນຫາ​ການ​ເງິນ​ທີ່​ໜັກໜ່ວງ​ກວ່າ​ເກົ່າ​ອີກ. ການ​ເພີ່ມ​ງົບປະມານ​ລາຍ​ຈ່າຍ​ດ້ານ​ການ​ປ້ອງ​ກັນ​ປະເທດ ແລະ ຜ່ອນຄາຍ​ຄວາມ​ຈຳກັດ​ໃຫ້​ແກ່​ການ​ສົ່ງ​ອອກ​ອາວຸດ​ຍຸດ​ໂທ​ປະກອນ ໄດ້​ຝືນ​ກັບ “ລັດ​ຖະ​ທຳ​ມະນູນ​ສັນຕິພາບ” ຂອງ​ຍີ່ປຸ່ນ. ສະນັ້ນ, ຍີ່ປຸ່ນ​ຄວນ​ຍຶດ​ໝັ້ນ​ເດີນ​ຕາມ​ເສັ້ນທາງ​ສັນຕິພາບ​ຈະ​ດີ​ກວ່າ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ