ກອງທັບປະຊາຊົນລາວ
 
ວັນພະຫັດ, ວັນທີ 29 ກຸມພາ 2024

  

ລະບົບ​ສາທາລະນະ​ສຸກ​ຢູ່​ເຂດ​ກາ​ຊາ​ກຳລັງ​ຖືກ​ທຳລາຍ
ເວລາອອກຂ່າວ: 2023-12-27 09:33:34 | ຜູ້ຂຽນ : admin3 | ຈຳນວນຄົນເຂົ້າຊົມ: 132 | ຄວາມນິຍົມ:



ຕາມ​ຂ່າວສານ​ຊິນ​ຮວາ​ລາຍ​ງານ​ວັນ​ທີ 24 ທັນວາ​ນີ້, ຕາມ​ເວລາ​ທ້ອງຖິ່ນ, ອົງການ​ອະນາໄມ​ໂລກ ຫຼື WHO ແຈ້ງ​ໃຫ້​ຮູ້​ວ່າ: ລະບົບ​ສາທາລະນະ​ສຸກ​ຢູ່​ເຂດ​ກາ​ຊາ​ກຳລັງ​ຖືກ​ທຳລາຍ, ປັດຈຸບັນ, ໂຮງໝໍ 36 ແຫ່ງ​ຢູ່​ເຂດ​ກາ​ຊາ ມີ​ພຽງ​ແຕ່ 9 ແຫ່ງ​ເທົ່າ​ນັ້ນ​ທີ່​ຍັງ​ສາມາດ​ເປີດ​ບໍລິການ​ໄດ້, ແຕ່​ກໍ​ເກືອບ​ດຳເນີນ​ຕໍ່​ໄປ​ບໍ່​ໄດ້​ອີກ​ແລ້ວ. WHO ແຈ້ງ​ໃຫ້​ຮູ້​ຕື່ມ​ວ່າ: ເຖິງ​ວ່າຄວາມ​ຕ້ອງການ​ດ້ານ​ການ​ປິ່ນປົວ​ຢູ່​ເຂດ​ກາ​ຊາ​ໄດ້​ເພີ່ມ​ຂຶ້ນ​ຢ່າງ​ຫຼວງຫຼາຍ​ໃນ​ເວລາ​ດຽວ, ແຕ່​ປັດຈຸບັນ, ຕຽງ​ຄົນ​ເຈັບ​ມີ​ພຽງ​ແຕ່ 38% ເທົ່າ​ນັ້ນ​ທີ່​ຍັງ​ໃຊ້​ໄດ້ ແລະ ມີ​ພະນັກງານ​ແພດ​ໝໍ​ພຽງ​ແຕ່ 30% ເທົ່າ​ນັ້ນ​ທີ່​ຍັງ​ພວມ​ສືບຕໍ່​ເຮັດ​ວຽກ. WHO ເຕືອນ​ວ່າ: ຖ້າວ່າ​ລະບົບ​ສາທາລະນະ​ສຸກ​ຢູ່​ເຂດ​ກາ​ຊາ​ຫຼົ້ມ, “ຈະ​ເປັນ​ເລື່ອງ​ທີ່​ໜ້າ​ເສົ້າ​ຫຼາຍ”. WHO ຮຽກຮ້ອງ​ໃຫ້​ຝ່າຍ​ຕ່າງໆ​ທີ່​ປະ​ທະ​ກັນ​ຈົ່ງ​ຢຸດ​ຍິງ​ໃນ​ທັນທີ. ແຫຼ່ງ​ຂ່າວ​ໃຫ້​ຮູ້​ອີ​ກວ່າ: ຕາມ​ ຂໍ້​ສະເໜີ​ຂອງເລີ​ແກ, ກຳລັງ​ປ້ອງ​ກັນ​ຕົວ ອິດ​ສະ​ຣາ​ແອນ (IDF) ຈະ​ຢຸດຕິ​ທຸກ​ການເຄື່ອນໄຫວ​ການ​ທະຫານ ແລະ ການ​ສືບ​ແນມ​ຂ່າວ​ຢູ່​ເຂດ ກາ​ຊາ ໃນ 2 ອາທິດ ເພື່ອ​ແລກ​ເອົາ​ການ​ປ່ອຍ​ຕົວ​ປະກັນ 40 ຄົນ. ສື່​ມວນ​ຊົນ​ໃນ​ພາກ​ພື້ນ ໄດ້​ຄັດ​ສະເໜີ​ຄຳ​ປາ​ໄສ​ຂອງ​ບັນດາ​ເຈົ້າ​ໜ້າທີ່ ປາ​ແລັດ​ສະ​ຕິນ ໂດຍ​ຖື​ວ່າ ຂໍ້​ຕົກລົງ ໂດຍ ເອ​ຢິບ ສະເໜີ ແມ່ນ​ແຜນການ​ມີ “3 ໄລຍະ”, ແນໃສ່​ຢຸດຕິ​ການ​ປະ​ທະ​ກັນ​ຢູ່​ເຂດ ກາ​ຊາ, ລວມ​ທັງ​ການ​ປ່ອຍ​ຕົວ​ນັກໂທດ ປາ​ແລັດ​ສະ​ຕິນ 120 ຄົນ ອອກ​ຈາກ​ຄຸກ​ຂອງ ອິດ​ສະ​ຣາ​ແອນ.         ພາຍຫຼັງ​ທີ່​ຂໍ້​ສະເໜີ​ຂອງ ເອ​ຢິບ ໄດ້​ປະກາດ, ມີ​ແຫຼ່ງ​ຂ່າວ​ໜຶ່ງ​ຂອງ ອິດ​ສະ​ຣາ​ແອນ ຢັ້ງຢືນ​ກັບ ໜັງສືພິມ Maariv ວ່າບາງ​ເນື້ອ​ໃນ​ຂອງ​ຂໍ້​ຕົກລົງ​ດັ່ງກ່າວ​ບໍ່​ສາມາດ​ຍອມຮັບ​ໄດ້. ເຖິງ​ຢ່າງ ໃດ​ກໍ​ຕາມ, Tel-Aviv ຕີ​ລາຄາ​ວ່າ “ຂໍ້​ລິ​ເລີ່ມ​ຂອງ ເອ​ຢິບ ອາດ​ຈະ​ສ້າງ​ໂອກາດ​ໃຫ້​ດຳເນີນ​ການ​ເຈລະຈາ​ຕ່າງໆ”.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ