ກອງທັບປະຊາຊົນລາວ
 
ວັນອາທິດ, ວັນທີ 21 ກໍລະກົດ 2024

  

ຄະນະນໍາກອງບັນຊາການທະຫານແຂວງ ແລະ ຄະນະນໍາຂອງເມືອງລອງ ລົງກວດກາໂຄງການກໍ່ສ້າງກອງຮ້ອຍຊາຍແດນທະຫານ 135
ເວລາອອກຂ່າວ: 2024-01-04 11:44:53 | ຜູ້ຂຽນ : admin2 | ຈຳນວນຄົນເຂົ້າຊົມ: 1151 | ຄວາມນິຍົມ:



ທ້າຍເດືອນ ທັນວາ 2023 ນີ້, ທ່ານ ພົນຈັດຕະວາ ຫຸມພັນ ແກ້ວວັງລາດ ຮອງເລຂາພັກ ຫົວໜ້າການເມືອງກອງບັນຊາການທະຫານແຂວງຫຼວງນໍ້າທາ ພ້ອມດ້ວຍທີມງານໄດ້ລົງກວດກາໂຄງການ ກໍ່ສ້າງສໍານັກກອງຮ້ອຍທະຫານຊາຍແດນ 135 ກຸ່ມບ້ານ ຜາງົວ ເມືອງລອງ, ໂດຍການເຂົ້າຮ່ວມຂອງ ທ່ານ ຄໍາເພັດ ຈັນທະວົງ ກໍາມະການພັກແຂວງ ເລຂາພັກເມືອງ ເຈົ້າເມືອງລອງ, ມີຄະນະຮັບຜິດຊອບຂັ້ນເມືອງ, ເລຂາຄະນະພັກຮາກຖານກຸ່ມບ້ານ, ອໍານາດການປົກຄອງບ້ານ ແລະ ອ້າຍນ້ອງທະຫານກອງຮ້ອຍຊາຍແດນ 135 ເຂົ້າຮ່ວມ. ການກໍ່ສ້າງສໍານັກກອງຮ້ອຍຊາຍແດນທະຫານ 135 ໄດ້ລົງມືກໍ່ສ້າງເລີ່ມແຕ່ເດືອນ ມັງກອນ ປີ 2023 ເປັນຕົ້ນມາ ໂດຍໄດ້ຮັບການຊ່ວຍເຫຼືອຈາກກອງບັນຊາການຕໍາຫຼວດລາດຕະເວນ ສປ ຈີນ, ອາຄານປະກອບມີ ເຮືອນນອນ, ຫ້ອງນ້ຳ, ສະໂມສອນ, ປະຕູໂຂງ, ຮົ້ວອ້ອມລວມມູນຄ່າການກໍ່ສ້າງທັງໝົດ 8 ລ້ານຢວນ, ໃນການກໍ່ສ້າງຍັງບໍ່ທັນສໍາເລັດ 100% ສະນັ້ນຈຶ່ງໄດ້ມອບອາຄານໃຫ້ກອງຮ້ອຍຊາຍແດນ 135 ປົກປັກຮັກສາ, ປັດຈຸບັນການກໍ່ສ້າງໄດ້ສໍາເລັດແລ້ວ 90%. ໂອກາດທີ່ທ່ານ ພົນຈັດຕະວາ ຫຸມພັນ ແກ້ວວັງລາດ ຮອງເລຂາພັກ ຫົວໜ້າການເມືອງກອງບັນຊາການທະຫານແຂວງຫຼວງນໍ້າທາ ໄດ້ລົງຢ້ຽມຢາມກອງຮ້ອຍຊາຍແດນ 135 ໃນຄັ້ງນີ້ ທ່ານໄດ້ຮຽກຮ້ອງມາຍັງອ້າຍນ້ອງກອງຮ້ອຍທະຫານຊາຍແດນ 135 ໃຫ້ເອົາໃຈໃສ່ໃນການຈັດຕັ້ງປະຕິບັດໜ້າທີ່ວຽກງານ, ຊ່ວຍກັນປົກປັກຮັກສາອາຄານສະຖານທີ່ໃຫ້ມີຄວາມສະອາດ, ສືບຕໍ່ໃນການເຄື່ອນໄຫວການເວນຍາມ, ຈັດແບ່ງຄວາມຮັບຜິດຊອບໃນການກວດຄົນເຂົ້າ-ອອກເມືອງໃຫ້ຖືກຕ້ອງຕາມລະບຽບກົດໝາຍ, ຈົ່ງຊ່ວຍກັນພັດທະກອງຮ້ອຍຂອງຕົນໃຫ້ມີຄວາມກ້າວໜ້າຂຶ້ນໄປເລື້ອຍໆ. ໂດຍ: ບຸນມີ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ