POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນອາທິດ, ວັນທີ 27 ເມສາ 2025

ຄະນະສິລະປະດົນຕີໂຮງລະຄອນ ກອງທັບປະຊາຊົນຫວຽດນາມ ເດີນທາງມາເຄື່ອນໄຫວສະແດງມິດຕະພາບ ຢູ່ 3 ແຂວງຂອງ ສປປ ລາວ
ເວລາອອກຂ່າວ: 2024-01-05 12:36:00 | ຜູ້ຂຽນ : admin2 | ຈຳນວນຄົນເຂົ້າຊົມ: 3353 | ຄວາມນິຍົມ:

ວັນທີ 4 ມັງກອນ 2024 ນີ້, ຢູ່ທີ່ດ່ານສາກົນນໍ້າພາວ ເມືອງຄໍາເກີດ ແຂວງບໍລິຄໍາໄຊ ສະຫາຍ ພັນເອກ ແກ້ວສຸວັນ ຜາງພິລາວົງ ຮອງຫົວໜ້າກົມໂຄສະນາອົບຮົມ ກົມໃຫຍ່ການເມືອງກອງທັບ ພ້ອມຄະນະ, ໄດ້ຕ້ອນຮັບຄະນະສິລະປະດົນຕີໂຮງລະຄອນ ກອງທັບປະຊາຊົນຫວຽດນາມ ທີ່ໄດ້ເດີນທາງມາຢ້ຽມຢາມ ແລະ ເຄື່ອນໄຫວສະແດງມິດຕະພາບ ຢູ່ 3 ແຂວງ ຂອງ ສປປ ລາວ ເນື່ອງໃນໂອກາດຂ່ໍານັບຮັບຕ້ອນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ, ເຊິ່ງນໍາໂດຍ ສະຫາຍ ພັນເອກ ນາງ ຫງວຽນທິບິກແຮ້ງ ຜູ້ອໍານວຍການ ກອງສິລະປະດົນຕີໂຮງລະຄອນ ກອງທັບປະຊາຊົນຫວຽດນາມ ພ້ອມຄະນະ. ການເດີນທາງມາຢ້ຽມຢາມ ແລະ ສະແດງມິດຕະພາບຂອງຄະນະສິລະປະດົນຕີໂຮງລະຄອນກອງທັບປະຊາຊົນຫວຽດນາມໃນຄັ້ງນີ້ ກໍເພື່ອເປັນການປະກອບສ່ວນອັນສຳຄັນເຂົ້າໃນການສ້າງບັນຍາກາດຟົດຟື້ນ ແລະ ປຸກລະດົມກໍາລັງໃຈໃຫ້ແກ່ພະນັກງານ-ນັກຮົບ ພາຍໃນກອງທັບ ແລະ ປະຊາຊົນລາວບັນດາເຜົ່າ, ປະກອບສ່ວນເຂົ້າໃນການແຂ່ງຂັນກັນສ້າງຜົນງານຂໍ່ານັບຮັບຕ້ອນ ວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້ເປັນຂະບວນການຟົດຟື້ນມ່ວນຊື່ນ. ເຊິ່ງຈະໄດ້ເຄື່ອນໄຫວສະແດງຢູ່ 3 ແຂວງຄື: ແຂວງ ສະຫວັນນະເຂດ, ຈໍາປາສັກ ແລະ ສາລະວັນ. ໃນຕອນແລງຂອງວັນດຽວກັນ, ຄະນະດັ່ງກ່າວ ກໍໄດ້ເຂົ້າຢ້ຽມຂໍ່ານັບ ສະຫາຍ ພົນຈັດຕະວາ ໄພວັນ ຈັນທະພົມມາ ຮອງຫົວໜ້າກົມໃຫຍ່ການເມືອງ ກອງທັບປະຊາຊົນລາວ. ໂອກາດນີ້, ສະຫາຍຮອງຫົວໜ້າກົມໃຫຍ່ການເມືອງກອງທັບ ກໍໄດ້ກ່າວສະແດງຄວາມຍິນດີຕ້ອນຮັບຕໍ່ ສະຫາຍ ພັນເອກ ນາງ ຫງວຽນທິບິກແຮ້ງ ພ້ອມຄະນະ ທີ່ເດີນທາງມາຢ້ຽມຢາມ ແລະ ສະແດງມິດຕະພາບ ຢູ່ ສປປລ ລາວ ໃນຄັ້ງນີ້, ເຊິ່ງປະກອບສ່ວນອັນສໍາຄັນເຂົ້າໃນການສ້າງບັນຍາກາດອັນເບີກບານມ່ວນຊື່ນ ເນື່ອງໃນໂອກາດທີ່ທົ່ວພັກ, ທົ່ວກອງທັບ ແລະ ທົ່ວປວງຊົນລາວ ພວມຫ້າງຫາກະກຽມສະເຫຼີມສະຫຼອງວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ. ພ້ອມດຽວກັນນັ້ນ, ກໍ່ເປັນການປຸກລະດົມກຳລັງໃຈອັນໃຫຍ່ຫຼວງໃຫ້ແກ່ພະນັກງານ, ນັກຮົບທົ່ວກຳລັງປະກອບອາວຸດ ແລະ ປະຊາຊົນລາວບັນດາເຜົ່າ ທັງເປັນການ ແລກປ່ຽນທາງດ້ານວັດທະນະທຳ, ສິລະປະວັນນະຄະດີ ແລະ ທະນຸຖະໜອມ, ເພີ່ມພູນຄູນສ້າງຄວາມສາມັກຄີ, ສາຍພົວພັນມິດຕະພາບແບບພິເສດ, ໝັ້ນຄົງ, ຍາວນານ ລະຫວ່າງ ສອງຊາດ, ສອງກອງທັບ ລາວ-ຫວຽດນາມໃຫ້ນັບມື້ແໜ້ນແໝ້ນຍິ່ງໆຂຶ້ນ. ຈາກນັ້ນ, ສະຫາຍ ພັນເອກ ນາງ ຫງວຽນທິບິກແຮ້ງ ກໍໄດ້ກ່າວສະແດງຄວາມຂອບໃຈຕໍ່ ສະຫາຍ ຮອງຫົວໜ້າກົມໃຫຍ່ການເມືອງກອງທັບປະຊາຊົນລາວ ທີ່ໄດ້ໃຫ້ການຕ້ອນຮັບຢ່າງອົບອຸ່ນເຕັມໄປດ້ວຍໄມຕີຈິດມິດຕະພາບ, ສາມັກຄີຮັກແພງອັນສະໜິດສະໜົມ, ພ້ອມທັງ, ລາຍງານເຖິງການຫ້າງຫາກະກຽມຂອງການເດີນທາງມາຢ້ຽມຢາມ ແລະ ສະແດງມິດຕະພາບຢູ່ ສປປ ລາວ ຂອງຄະນະໃນຄັ້ງນີ້ ກໍເພື່ອສືບຕໍ່ຈັດຕັ້ງຜັນຂະຫຍາຍໝາກຜົນການພົວພັນຮ່ວມມືແບບພິເສດຂອງສອງກອງທັບໃຫ້ປະກົດຜົນເປັນຈິງ.

news to day and hot news