ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ການນຳ ຣັດເຊຍ-ສປ ຈີນ ໂອ້ລົມທາງໄກ
ເວລາອອກຂ່າວ: 2024-02-13 09:00:10 | ຜູ້ຂຽນ : admin3 | ຈຳນວນຄົນເຂົ້າຊົມ: 1688 | ຄວາມນິຍົມ:



ວິທະຍຸກະຈາຍສຽງຫວຽດ ນາມ ເປີດເຜີຍເມື່ອວັນທີ 8 ກຸມພາ 2024 ຜ່ານມານີ້ວ່າ: ທ່ານ ວາລາດີເມຍ ປູຕິນ ປະທານາທິບໍດີ ຣັດເຊຍ ໄດ້ສົນທະນາທາງໄກກັບ ທ່ານ ສີ ຈີ້ນຜິງ ປະທານປະເທດ ຈີນ ໂດຍທັງສອງຜູ້ນໍາໄດ້ເຈລະຈາໂອ້ລົມກັນກ່ຽວກັບການພັດທະນາການພົວພັນຮ່ວມມືຍຸດທະ ສາດຮອບດ້ານໃນໄລຍະຜ່ານມາ ແລະ ປຶກສາຫາລືກ່ຽວກັບ ສະ ພາບການອູແກຣນ, ຕາ ເວັນອອກ ກາງ ແລະ ບາງບັນຫາທີ່ທັງ ສອງຜູ້ນໍາມີຄວາມສົນໃຈຮ່ວມ ກັນ. ໃນການສົນທະນາ, ທ່ານ ວາລາດີເມຍ ປູຕິນ ໄດ້ກ່າວວ່າ: ການພົວພັນຖານບ້ານໃກ້ ເຮືອນ ຄຽງອັນດີງາມລະຫວ່າງ ຣັດເຊຍ ແລະ ສປ ຈີນ ພວມຢູ່ໃນລະດັບສູງ ແບບບໍ່ເຄີຍມີມາກ່ອນ, ເຊິ່ງເປັນ ສິ່ງທີ່ຄວນສະຫງວນ ແລະ ເສີມ ຂະຫຍາຍອອກເລື່ອຍໆ. ສ່ວນ ທ່ານ ສີ ຈີ້ນຜິງ ກໍກ່າວເນັ້ນວ່າ: ສປ ຈີນ ແລະ ຣັດເຊຍ ຕ້ອງຮ່ວມ ມືກັນຢ່າງແໜ້ນແຟ້ນ ເພື່ອປ້ອງ ກັນຄວາມໝັ້ນຄົງ ແລະ ຄັດ ຄ້ານການແຊກແຊງຈາກພາຍ ນອກ ເຂົ້າໃນວຽກງານພາຍໃນ ຂອງສອງປະເທດຢ່າງເດັດຂາດ. ນອກນີ້, ການນຳສອງຝ່າຍ ໄດ້ແລກປ່ຽນຄວາມຄິດເຫັນ ກ່ຽວ ກັບທັດສະນະຂອງຕົນຕໍ່ສະ ພາບການຂອງອູແກຣນ ແລະ ຕາເວັນອອກກາງ. ການນຳສອງ ຝ່າຍ ໄດ້ຢືນຢັນເຖິງວິໄສທັດອັນໂປ່ງໃສຂອງ ຣັດເຊຍ ແລະ ສປ ຈີນ ຄືການສະໜັບສະໜູນ ການນໍາໃຊ້ມາດຕະການທາງ ດ້ານການເມືອງ ແລະ ການ ຕ່າງ ປະເທດ ໃນການແກ້ໄຂບັນຫາ ປາແລັດສະຕິນ ທີ່ໄດ້ຮັບການ ຮອງຮັບຢ່າງກວ້າງຂວາງໃນ ຂອບເຂດສາກົນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ