ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ແກ​ຣີ້ ວິວ​ສັນ ຍາດ​ໄດ້​ແຊັມ​ສະນຸກ​ເກີ​ລາຍການ Welsh Open ຄັ້ງ​ທຳ​ອິດ
ເວລາອອກຂ່າວ: 2024-02-21 09:33:09 | ຜູ້ຂຽນ : admin3 | ຈຳນວນຄົນເຂົ້າຊົມ: 103 | ຄວາມນິຍົມ:



ຮອບ​ຊີງ​ຊະນະ​ເລີດ​ສະນຸກ​ເກີ​ລາຍການ Welsh Open ເຊິ່ງ​ແມ່ນ​ການ​ພົບ​ກັນ​ລະຫວ່າງ ແກ​ຣີ້ ວິວ​ສັນ ນັກ​ສະນຸກ​ເກີ​ອັນ​ດັບ 16 ຂອງ​ໂລກ​ຈາກ​ປະເທດ​ອັງກິດ ພົບ​ກັບ ມາ​​ຣ​ຕິນ ໂອ​ດອນ​ເນວ ນັກ​ສະນຸກ​ເກີ​ອັນ​ດັບ 76 ຂອງ​ໂລກ ເພື່ອນ​ຮ່ວມ​ຊາດ ທີ່​ເຂົ້າ​ຊີງ​ລະດັບ​ສະນຸກ​ເກີ​ອາຊີບ​ຄັ້ງ​ທຳ​ອິດ. ຜ່ານ​ການ​ແຂ່ງຂັນ ແກ​ຣີ້ ວິ​ສັນ ສາມາດ​ເອົາ​ຊະນະ ມາ​​ຣ​ຕິນ ໂອ​ດອນ​ເນວ ດ້ວຍ​ຄະແນນ 9-4 ເຟຣມ ຍາດ​ໄດ້​ແຊັມ​ລາຍການ​ນີ້​ຄັ້ງ​ທຳ​ອິດ ແລະ ເປັນ​ແຊັມ​ທີ​ສອງ​ໃນ​ລະດູ​ການ​ນີ້ ຕໍ່​ຈາກ​ແຊັມ​ລາຍການ Scottish Open ໃນ​ກາງ​ເດືອນ​ທັນວາ​ປີຜ່ານມາ. ແກ​ຣີ້ ວິວ​ສັນ ໄດ້​ຮັບ​ຂັນ​ແຊັມ ພ້ອມ​ເງິນ​ລາງວັນ 80.000 ປອນ, ຂະນະ​ທີ່​ຮອງ​ແຊັມ​ໄດ້​ຮັບ​ເງິນ​ລາງວັນ 35.000 ປອນ. ສ່ວນ​ລາງວັນ Maximum Break ສູງ​ສຸດ ເປັນ​ຂອງ ແກ​ຣີ້ ວິວ​ສັນ ເຮັດ Maximum Break 147 ຄະແນນໃນ​ຮອບ​ຮອງ​ຊະນະ​ເລີດ ເປັນ​ການ​ເຮັດ Maximum Break ຄັ້ງ​ທີ 5 ໃນ​ອາຊີບ ຮັບ​ເງິນ​ລາງວັນ​ຕື່ມ​ອີກ 5.000 ປອນ. ສຳລັບ​ສະນຸກ​ເກີ​ລະດັບ​ໂລກ ລາຍການ​ຕໍ່​ໄປ​ແມ່ນ​ລາຍການ Players Championship ຈັດ​ຂຶ້ນ​ທີ່​ເມືອງ​ເທວ​ຟອດ ປະເທດ​ອັງກິດ ໃນ​ລະຫວ່າງ​ວັນ​ທີ 19-25 ກຸມພາ​ນີ້ ຊີງ​ເງິນ​ລາງວັນ​ລວມ 385.000 ປອນ ໂດຍ​ຄັດ​ເອົາ​ນັກ​ສະນຸກ​ເກີ​ທີ່​ມີ​ອັນ​ດັບ​ໂລກ​ດີ​ສຸດ 1 ໃນ 16 ອັນ​ດັບ​ໃນ​ລະດູ​ການ​ນີ້​ມາ​ພົບ​ກັນ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ