ກອງທັບປະຊາຊົນລາວ
 
ວັນພະຫັດ, ວັນທີ 18 ເມສາ 2024

  

ກຽມ​ຊົມ​ມວຍ​ລາວ ຊີງ​ແຊັມ​ສາຍແອວ​ກຽດ​ຕິ​ຄຸນ​ ຂອງ​ນາຍົກລັດຖະມົນຕີ ຮອບ 2 ທີ່​ນະຄອນ​ປາກ​ເຊ
ເວລາອອກຂ່າວ: 2024-02-21 09:33:56 | ຜູ້ຂຽນ : admin3 | ຈຳນວນຄົນເຂົ້າຊົມ: 84 | ຄວາມນິຍົມ:



ທ່ານ ສຸກ​ດາລາ ນໍລະ​ແສງ ຮອງ​ປະທານ​ສະຫະພັນ​ມວຍ​ລາວ​ ແຫ່ງ​ຊາດ, ທັງ​ເປັນ​ປະທານ​ບໍລິ ສັດ​ທະວີ​ຊັບ ກໍ່ສ້າງ​ຂົວ​ທາງ ຈຳ ກັດຜູ້​ດຽວ ໄດ້​ຖະ​ແຫຼ່ງ​ຂ່າວ​ຕໍ່​ສື່​ມວນ​ຊົນ​ໃນ​ວັນ​ທີ 14 ກຸມພາ ນີ້, ທີ່​ນະຄອນຫຼວງວຽງ​ຈັນ​ ກ່ຽວກັບ​ການ​ຈັດການ​ແຂ່ງຂັນ​ຊົກມວຍ​ລາວ​ລະດັບ​ຊາດ​ຊີງ​ແຊັມ​ສາຍແອວ​ກຽດ​ຕິ​ຄຸນ​ຂອງ​ທ່ານ​ນາຍົກລັດຖະມົນຕີ ແຫ່ງ ​ສປປ ລາວ ຮອບ​ທີ 2 ເຊິ່ງ​ຈະ​ຈັດ​ຂຶ້ນ​ໃນ​ວັນ​ທີ 23 ກຸມພາ 2024 ຢູ່​ສະໜາມກິລາ ຫຼັກ 2 ນະຄອນ​ປາກ​ເຊ, ແຂວງ​ຈຳປາ​ສັກ. ຈຸດປະສົງ​ເພື່ອ​ຄັດ​ເລືອກ​ເອົາ ​ນັກ​ກິລາ​ມວຍ​ໃນ​ແຕ່​ລະ​ຮຸ່ນ​ນໍ້າ ໜັກຄື: ຮຸ່ນ 51 ກິ​ໂລ, 57 ກິໂລ ແລະ 65 ກິ​ໂລ ກຽມ​ສົ່ງ​ເຂົ້າ​ຮ່ວມ​ ແຂ່ງຂັນ​ລາຍການ​ແຂ່ງຂັນໃນ ​ລະດັບ​ພາກ​ພື້ນ ແລະ ສາກົນ​ໃນ ຕໍ່ໜ້າ. ການ​ແຂ່ງຂັນ​ຄັ້ງ​ນີ້​ຈະ​ຄັດ​ເລືອກ​ເອົາ​ຜູ້​ຊະນະ​ເລີດ​ໜຶ່ງ​ດຽວ​ໃນ 3 ຮຸ່ນ​ນ້ຳໜັກ ເພື່ອ​ໄປ​ຊີງ​ກັນ​ໃນ​ຮອບ​ສຸດ​ທ້າຍ ເພື່ອ​ຊີງ​ເອົາ​ສາຍແອວ​ກຽດ​ຕິ​ຄຸນ​ຂອງ​ທ່ານ​ນາຍົກລັດຖະມົນຕີ ແຫ່ງ ​ສປປ ລາວ. ການ​ຊົກມວຍ​ຄັ້ງ​ນີ້​ຈະ​ມີ​ທັງ​ໝົດ 16 ຄູ່, ໃນ​ນີ້ ເປັນ​ມວຍ​ຮອບ 8 ຄູ່ ແລະ ມວຍ​ປະກອບ​ລາຍ ການ 8 ຄູ່, ໂດຍ​ໄດ້​ເຊີນ​ເອົາ​ນັກ​ມວຍ​ຈາກ​ປະເທດ​ເພື່ອນ​ບ້ານ​ມາ​ແຂ່ງ​ກັບ​ນັກ​ມວຍ​ລາວ​ ເພື່ອ​ສ້າງ​ສີສັນ​ໃຫ້​ງານ​ຄຶກຄື້ນ​ຂຶ້ນ​ຕື່ມ, ໂດຍ​ບໍ່​ໄດ້​ເສຍ​ຄ່າ​ເຂົ້າ​ຊົມ. ຮອງ​ປະທານ​ສະຫະພັນ​ມວຍ​ລາວ​ແຫ່ງ​ຊາດໃຫ້​ຮູ້​ຕື່ມ​ວ່າ: ການ​ແຂ່ງ​ຂັນຄັ້ງ​ນີ້ ນອກຈາກ​ເປັນການ​ ສ້າງ​ນັກ​ກິລາ​ມວຍ​ຢູ່ ​ສປປ ລາວ ໃຫ້​ມີ​ຄວາມ​ເຂັ້ມແຂງ​ທຽບ​ເທົ່າ​ ພາກ​ພື້ນ ແລະ ສາກົນ, ຍັງ​ເປັນ​ ການ​ສົ່ງເສີມ​ປີ​ທ່ອງ​ທ່ຽວ​ລາວ 2024 ໃຫ້​ເປັນ​ຂະ​ບວນ​ການ​ຟົດ ຟື້ນ, ແນໃສ່​ດຶງ​ດູດ​ເອົາ​ນັກ​ທ່ອງ​ທ່ຽວ​ຕ່າງປະເທດ​ເຂົ້າ​ມາ​ທ່ອງ​ທ່ຽວ ​ສປປ ລາວ ໃຫ້​ຫຼາຍ​ຂຶ້ນ. ສຳລັບ​ເງິນ​ລາງວັນຮຸ່ນ​ນ້ຳໜັກ 57 ກິ​ໂລ ແລະ ຮຸ່ນ 65 ກິ​ໂລ ຊະນະ​ເລີດຈະ​ໄດ້​ຮັບ​ສາຍແອວ​ກຽດ​ຕິ​ຄຸນ​ຂອງ​ທ່ານ​ນາຍົກ​ລັດ ຖະ​ມົນຕີແຫ່ງ ​ສປປ ລາວ ພ້ອມ​ເງິນ​ລາງວັນ 100 ລ້ານ​ກີບ ແລະ ຮອງ​ຊະນະ​ເລີດ ໄດ້​ຮັບ​ເງິນ​ລາງວັນ 50 ລ້ານ​ກີບ. ສ່ວນ​ຮຸ່ນ​ນໍ້າໜັກ 51 ກິ​ໂລ ໄດ້​ຮັບ​ສາຍແອວ ພ້ອມ​ເງິນ​ລາງວັນ 60 ລ້ານ​ກີບ ແລະ ຮອງ​ຊະນະ​ເລີດ ໄດ້​ຮັບ​ເງິນ​ລາງວັນ 30 ລ້ານ​ກີບ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ