ວັນພຸດ, ວັນທີ 11 ກັນຍາ 2024
ກອງພັນ 794 ກອງພັນໃຫຍ່ 279 ສະຫຼຸບວຽກງານຮອບດ້ານ
ເວລາອອກຂ່າວ: 2024-02-22 08:47:31 | ຜູ້ຂຽນ : admin1 | ຈຳນວນຄົນເຂົ້າຊົມ: 579 | ຄວາມນິຍົມ: 
ວັນທີ 19 ກຸມພາ 2024, ກອງພັນ 794 ກອງພັນໃຫຍ່ 279 ໄດ້ສະຫຼຸບວຽກງານຮອບດ້ານ ປະຈຳປີ 2023 ແລະ ວາງທິດທາງແຜນການ ປະຈຳປີ 2024, ໂດຍການເປັນປະທານຂອງສະຫາຍ ພັນເອກ ບຸນຍັງ ແກ້ວດາມສີ ຫົວໜ້າການເມືອງ ກອງພັນໃຫຍ່ 279, ມີຄະນະພັກ-ຄະນະບັນຊາ ກອງພັນ, ກອງຮ້ອຍ ຕະຫຼອດຮອດພະນັກງານ-ນັກຮົບ ເຂົ້າຮ່ວມ.
ສະຫາຍ ພັນໂທ ໂພໄຊ ວົງພະຈັນ ຮອງຫົວໜ້າການເມືອງ ກອງພັນ 794 ໄດ້ຜ່ານບົດສະຫຼຸບວຽກງານຮອບດ້ານ ແລະ ທິດທາງແຜນການ ປະຈຳປີ 2024 ໃນໄລຍະ 1 ປີຜ່ານມາ, ຄະນະພັກ-ຄະນະບັນຊາກົມກອງ ໄດ້ຖືເອົາວຽກງານສຶກ
ສາອົບຮົມການເມືອງ-ນຳພາແນວຄິດໃຫ້ພະນັກງານ-ນັກຮົບ ດ້ວຍຫຼາຍຮູບການ ຫຼາຍວິທີການເປັນປົກກະຕິ ເພື່ອເຮັດໃຫ້ພະນັກງານ-ນັກຮົບ ຮັບຮູ້, ເຊື່ອມຊຶມຢ່າງເລິກເຊິ່ງຕໍ່ແນວທາງນະໂຍບາຍຂອງພັກ-ລັດ, ມີແນວຄິດການເມືອງໜັກແໜ້ນ, ອຸ່ນອຽນທຸ່ນທ່ຽງຕໍ່ໜ້າທີ່ການເມືອງຂອງກົມກອງ, ໄດ້ຈັດຕັ້ງພະນັກງານລົງກໍ່ສ້າງຮາກຖານການເມືອງກັບປະຊາຊົນຕາມບ້ານຕ່າງໆ ແບບມູນເຊື້ອ ຕາມ 4 ເນື້ອໃນ 4 ຄາດໝາຍ ເປັນຕົ້ນແມ່ນພ້ອມກັນເຮັດວຽກງານປ້ອງກັນຊາດ-ປ້ອງກັນຄວາມສະຫງົບ ຢູ່ບັນດາໝູ່ບ້ານຂອບເຂດກົມກອງຮັບຜິດຊອບ ມີຄວາມສະຫງົບໂດຍພື້ນຖານ, ຈັດຕັ້ງລະບົບປະຈຳການກຽມພ້ອມສູ້ຮົບໃນແຕ່ລະພາວະຢູ່ແຕ່ລະຂັ້ນເຂັ້ມງວດຕະຫຼອດ 24 ຊົ່ວໂມງ ເມື່ອມີຄຳສັ່ງຂອງຂັ້ນເທິງ ກົມກອງສາມາດນຳເອົາກຳລັງອອກປະຕິບັດໜ້າທີ່ໄດ້ທັນເວລາ, ໄດ້ເອົາໃຈໃສ່ນຳພາ-ຊີ້ນຳພະ ນັກງານ-ນັກຮົບໃນກົມກອງເຝິກແອບຮໍ່າຮຽນບັນດາຂໍ້ກຳນົດ, ກົດລະບຽບຕ່າງໆ ຂອງກອງທັບ ເປັນຕົ້ນລະບຽບວິຊາງົດງາມມືເປົ່າ ແລະ ປະກອບສຽງ
ເສບຄົງທີ່-ເຄື່ອນທີ່ໃຫ້ມີຄວາມຊຳນິຊຳນານ ເຂັ້ມແຂງສວຍງາມ, ປະຕິບັດ 7 ລະບອບ 18 ວຽກ ໃນມື້ໜຶ່ງເປັນປົກກະຕິ, ວຽກງານພະນັກງານ ໄດ້ຖືເປັນບັນ
ຫາສຳຄັນ ໂດຍສະເພາະແມ່ນການບຳລຸງກໍ່ສ້າງພະນັກງານ 3 ຮຸ່ນ, 3 ປະເພດ ສ້າງຢູ່ກັບທີ່, ຢູ່ໂຮງຮຽນ ທັງພາຍໃນ ແລະ ຕ່າງປະເທດ; ການບຳລຸງພະນັກ
ງານຖືເອົາຄຸນນະພາບເປັນກົກ, ຍົກສູງຄວາມສາມາດ ຕິດພັນກັບຄຸນສົມບັດສິນທຳປະຕິວັດ ແລະ ຂະບວນການຕົວຈິງ ນຳສົ່ງໄປຮຽນຢູ່ຕ່າງປະເທດ 1 ສະຫາຍ, ໄປຮຽນບຳລຸງວິຊາສະເພາະ ຢູ່ ສສ ຫວຽດນາມ ຈຳນວນ 15 ສະຫາຍ, ໄດ້ຮັບການເລື່ອນຊັ້ນ, ເລື່ອນທຽບຊັ້ນ, ຍົກຂັ້ນເງິນເດືອນ 45 ສະຫາຍ, ກົມກອງຍັງໄດ້ຖືເອົາການປູກຝັງ-ລ້ຽງສັດ ເພື່ອຊອກຫາແຫຼ່ງລາຍຮັບເຂົ້າກົມກອງ ສາມາດດປູກຜັກກາດ, ຜັກບົ້ງ ປ້ອນເຂົ້າເຮືອນຄົວລວມໄດ້ 700 ກິໂລກຣາມ ຄິດເປັນເງິນ 2.800.000 ກີບ; ປູກຕົ້ນໄມ້ກິນໝາກ 45 ຕົ້ນ, ປູກຕົ້ນກ້ວຍ, ຕົ້ນອ້ອຍ, ໝາກຫຸ່ງ 85 ຕົ້ນ, ປູກຫົວສີໃຄ, ໝາກເຂືອ, ຂ່າ, ຂີງ 90 ສຸມ, ລ້ຽງປາດຸກພັນ 1.000 ໂຕ, ລ້ຽງເປັດ 250 ໂຕ, ລ້ຽງໄກ່ 125 ໂຕ, ມີງົວ 15 ໂຕ ແລະ ແບ້ 3 ໂຕ ສາມາດສ້າງລາຍຮັບເຂົ້າກົມກອງທັງໝົດ 77.740.000 ກີບ.
ໂດຍ: ສາຄອນ ສຸລິເຍດ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
