ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຄະນະບໍລິຫານງານພັກ ອົງການກົມໃຫຍ່ເຕັກນິກກອງທັບ ສະໄໝທີI ດໍາເນີນກອງປະຊຸມຄົບຄະນະທ້າຍສະໄໝ
ເວລາອອກຂ່າວ: 2024-02-23 13:23:43 | ຜູ້ຂຽນ : admin2 | ຈຳນວນຄົນເຂົ້າຊົມ: 623 | ຄວາມນິຍົມ:



ໃນວັນທີ 22 ກຸມພາ 2024 ນີ້, ຄະນະບໍລິຫານງານພັກ ອົງການກົມໃຫຍ່ເຕັກນິກກອງທັບ ສະໄໝທີI ໄດ້ດໍາເນີນກອງປະຊຸມຄົບຄະນະທ້າຍສະໄໝຂຶ້ນ ພາຍໃຕ້ການເປັນປະທານຂອງ ສະຫາຍ ພົນຕີ ປະສິດ ທ່ຽງທໍາ ຄະນະປະຈຳພັກກະຊວງປ້ອງກັນປະເທດ ເລຂາຄະນະພັກກົມໃຫຍ່ ຫົວໜ້າກົມໃຫຍ່ເຕັກນິກກອງທັບ, ມີບັນດາສະຫາຍ ກໍາມະການຄະນະບໍລິຫານງານພັກກົມໃຫຍ່, ກົມຈັດຕັັ້ງພັກ ແລະ ວິຊາການທີ່ກ່ຽວຂ້ອງເຂົ້າຮ່ວມ. ໃນກອງປະຊຸມ, ບັນດາຄະນະບໍລິຫານງານພັກກໍໄດ້ພ້ອມກັນສໍາຫຼວດກວດກາຕີລາຄາໜາກຜົນການຊີ້ນໍາ-ນຳພາຂອງບັນດາສະຫາຍໃນຄະນະບໍລິຫານງານພັກຕະຫຼອດໄລຍະທີ່ຜ່ານມາ ໃຫ້ບັນດາສະຫາຍໃນຄະນະບໍລິຫານງານພັກແຕ່ລະສະຫາຍມີການຕໍານິກໍ່ສ້າງເຊິ່ງກັນ ແລະ ກັນ ພາຍຫຼັງສັງລວມເອົາຫາງສຽງທີ່ຜູ້ແທນສົມບູນ-ສໍາຮອງຕໍານິຈາກຜົນກອງປະຊຸມທາບທາມທັງ 3 ຮອບທີ່ຜ່ານມາ ເພື່ອຍົກໃຫ້ບັນດາສະຫາຍໃນຄະນະບໍລິຫານງານພັກເປັນບົດຮຽນໃນການປັບປຸງແບບແຜນການນໍາພາຂອງຄະນະບໍລິຫານງານພັກແຕ່ລະສະຫາຍໃນຕໍ່ໜ້າໃຫ້ດີຂຶ້ນ, ພ້ອມດຽວກັນນັ້ນກອງປະຊຸມຍັງໄດ້ພ້ອມກັນຄົ້ນຄ້ວາຮັບເອົາບຸກຄະລະກອນທີ່ຈະສະໜັກເຂົ້າໃໝ່ ແລະ ປັບປຸງ-ຮັບ ຮອງເອົາບັນດາເອກະສານຕ່າງໆ ທີ່ຈະສະເໜີຜ່ານຕໍ່ກອງປະຊຸມໃຫຍ່ສະໄໜທີ II ຂອງຄະນະບໍລິຫານການພັກກົມໃຫຍ່ເຕັກນິກກອງທັບ ເຊິ່ງຈະດຳເນີນກອງປະຊຸມທາງການໃນວັນທີ 28 ກຸມພາ 2024 ທີ່ຈະມາເຖິງນີ້. ໂອກາດດັ່ງກ່າວນີ້, ສະຫາຍ ພົນຕີ ປະສິດ ທ່ຽງທໍາ ຍັງໄດ້ໂອ້ລົມຫຼາຍບັນຫາສໍາຄັນໃຫ້ແກ່ການດໍາເນີນກອງປະຊຸມໃນຄັ້ງນີ້ ພ້ອມທັງເນັ້ນໜັກໃຫ້ບັນດາສະຫາຍໃນຄະນະບໍລິຫານງານເອົາໃຈໃສ່ຊີ້ນໍາບັນດາອະນຸກໍາມະການ, ຄະນະຮັບຜິດຊອບວຽກງານແຕ່ລະດ້ານໃຫ້ເປັນເຈົ້າການຮັບຜິດຊອບໜ້າທີ່ການເມືອງຂອງຕົນໃຫ້ບັນລຸຜົນສໍາເລັດທີ່ຂັ້ນເທິງມອບໝາຍໃຫ້. ໂດຍ ນ ບົວທອນ ສຸທໍາມະວົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ