ວັນພະຫັດ, ວັນທີ 12 ກັນຍາ 2024
ນາໂປລີ ປ່ຽນຄູເຝິກຄົນທີ 3 ໃນລະດູການນີ້
ເວລາອອກຂ່າວ: 2024-02-27 10:26:04 | ຜູ້ຂຽນ : admin1 | ຈຳນວນຄົນເຂົ້າຊົມ: 291 | ຄວາມນິຍົມ: 
ສະໂມສອນ ນາໂປລີ ແຊັມລີກສູງສຸດຂອງອີຕາລີ ລະດູການຜ່ານມາ, ຕັດສິນໃຈປ່ຽນຄູເຝິກ ຄົນທີ 3 ໃນລະດູການນີ້, ໂດຍປົດ ວໍເຕີ ມັດຊາຣີ ຄູເຝິກຊາວອີຕາລີ ພາຍຫຼັງພາທີມຜົນງານບໍ່ສະໝຳ່ສະເໝີ ຄຸມທີມ 3 ເດືອນ ລວມ 17 ນັດ ຊະນະ 6 ສະເໝີ 3 ແລະ ເສຍ ເຖິງ 8 ນັດ, ສະເລ່ຍໂອກາດຊະນະຕໍ່ນັດພຽງ 35,29%.
ຫຼ້າສຸດ ນາໂປລີ ໄດ້ແຕ່ງຕັ້ງ ຟຣານເຊັສໂກ້ ຄາວໂຊນາ ອີກໜຶ່ງຄູເຝິກຊາວອີຕາລີ ອະດີດຜູ້ອຳນວຍການດ້ານເຕັກນິກຂອງທີມມາຄຸມທີມໃນສັນຍາໄລຍະສັ້ນຈົນຈົບລະດູການນີ້. ຟຣານເຊັສໂກ້ ຈະຮັບສອງໜ້າທີ່ຄື: ຄຸມ
ທີມຊາດສະໂລວັກ ແລະ ຄຸມສະໂມສອນນາໂປລີ.
ພາລະກິດຂອງ ຟຣານເຊັສໂກ້ ອາຍຸ 55 ປີ ຕ້ອງພະຍາຍາມນຳພາທີມໃຫ້ມີຜົນງານດີໃນຢູຟ່າ ແຊັມປຽນລີກ, ຂະນະນີ້ຢູ່ຮອບ 16 ທີມສຸດທ້າຍ ພົບກັບ ບາເຊໂລນາ ແລະ ຊ່ວຍທີມໃຫ້ມີອັນດັບດີຂຶ້ນໃນລີກ, ພ້ອມສູ້ຊົນໃຫ້ຂຶ້ນມາຢູ່ໃນພື້ນທີ່ ແຊັມປຽນລີກ.
ປັດຈຸບັນນາໂປລີ ຢູ່ອັນດັບທີ 9 ໃນເຊຣີອາ ມີ 36 ຄະແນນ ຈາກ 24 ນັດ ຕາມຫຼັງ ພື້ນທີ່ ແຊັມປຽນລີກ 9 ຄະແນນ ແລະ ຕາມຫຼັງ ອິນເຕີ ທີມນຳ ເຖິງ 27 ຄະແນນ.
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
