ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຄະນະ​ບໍລິຫານ​ງານ​ຊາວ​ໜຸ່ມ ກົມ​ພະ​ລາທິການ-ເຕັກນິກ ​ວປກ ສຳເລັດ​ກອງ​ປະຊຸມ​ໃຫຍ່ ຄັ້ງ​ທີ V
ເວລາອອກຂ່າວ: 2024-02-28 08:57:42 | ຜູ້ຂຽນ : admin1 | ຈຳນວນຄົນເຂົ້າຊົມ: 213 | ຄວາມນິຍົມ:



ໃນ​ວັນ​ທີ 22 ກຸມພາ 2024 ນີ້, ຄະນະບໍລິຫານງານຊາວ​ໜຸ່ມ ​ກົມ​ພະລາທິການ-ເຕັກນິກ ວິທະຍາຄານ​ປ້ອງ​ກັນ​ຊາດ ໄກສອນ ພົມວິຫານ (​ວປກ), ໄດ້​ເປີດ​ກອງ​ປະຊຸມ​ໃຫ​ຍ່ ຄັ້ງ​ທີ V, ໂດຍ​ການ​ເປັນ​ປະທານ​ ຂອງສະຫາຍ ພັນ​ໂທ ສົມ​ສະຫວັນ ນົນ​ຈັນທະ​ວົງ ຮອງ​ເລຂາ​ຄະນະ​ພັກ​ຮາກ​ຖານ, ຮອງ​ຫົວໜ້າ​ກົມ​ພະ​ລາທິການ-ເຕັກນິກ ​ວປກ ທັງ​ເປັນ​ຜູ້​ຊີ້​ນຳ​ອົງ​ການຈັດຕັ້ງ​ມະຫາຊົນ, ມີ ສະຫາຍ ຮ້ອຍ​ເອກ ນາງ ສົມ​ຄິດ ແພງ​ປັນຍາ ຮອງ​ຫົວໜ້າ​ພະ​ແນກ​ຊາວ​ໜຸ່ມ ​ວປກ, ມີ​ຄະນະ​ບໍລິຫານ​ງານ, ຄະນະ​ໜ່ວຍ, ສະມາຊິກ​ຊາວ​ໜຸ່ມ ແລະ ແຂກ​ທີ່​ຖືກ​ເຊີນ ເຂົ້າ​ຮ່ວມ. ໂອກາດ​ນີ້, ສະຫາຍ ​ພັນຕີ ສີ​ສຸພັນ ສຸວັນ​ນາງ ເລຂາ​ຄະນະ​ບໍລິຫານ​ງານ​ຊາວ​ໜຸ່ມ ກົມ​ພະລາທິການ-ເຕັກນິກ ໄດ້​ຜ່ານ​ບົດ​ສະຫຼຸບ​ວຽກ​ງານ​ຮອບດ້ານ​ຂອງ​ຄະນະ​ບໍລິຫານ​ງານ​ຊາວ​ໜຸ່ມ​ກົມ​ພະລາທິການ-ເຕັກນິກ​ ແຕ່​ປີ 2020-2023 ແລະ ທິດ​ທາງ​ແຜນການ ປີ 2023-2026 ຕະຫຼອດ​ໄລຍະ 5 ປີຜ່ານມາ, ຄະນະ​ບໍລິຫານ​ງານ​ຊາວ​ໜຸ່ມ​ໄດ້​ຖື​ເອົາ​ວຽກ​ງານ​ສຶກ​ສາ​ອົບຮົມ​ການເມືອງ-ແນວ​ຄິດ​ເປັນ​ກົກ, ເຮັດ​ໃຫ້​ຖັນ​ແຖວ​ພະນັກງານ​ສະມາຊິກ​ຊາວ​ໜຸ່ມ-ໄວ​ໜຸ່ມ​ໄດ້​ຮັບ​ຮູ້​ເຂົ້າໃຈ​ຕໍ່​ແນວທາງ​ຂອງ​ພັກ-ກົດໝາຍ​ຂອງ​ລັດ, ຂໍ້​ກຳນົດ, ກົດ​ລະບຽບ​ຂອງ​ກອງທັບ ກໍ​ຄື​ກົດ​ລະບຽບ​ຂອງ​ຊາວ​ໜຸ່ມ​ປະຊາຊົນ​ປະຕິວັດ​ລາວ​ວາງ​ອອກ, ຕິດ​ພັນ​ກັບ​ການ ຈັດຕັ້ງ​ປະຕິບັດ​ວຽກ​ງານ​ຂະ​ບວນ​ການ 4 ບຸກ ຢ່າງ​ເປັນ​ຂະ​ບວນ​ການ​ຟົດຟື້ນ​ແຂງແຮງ ແລະ ສາມາດ​ສ້າງ​ໄດ້​ຜົນສຳເລັດ​ຫຼາຍ​ດ້ານ​ທີ່​ພົ້ນ​ເດັ່ນ ເປັນຕົ້ນແມ່ນ​ການ​ເຂົ້າ​ຮ່ວມ​ທຸກ​ຂະ​ບວນ​ການ​ທີ່ ວປກ ຈັດ​ຂຶ້ນ ເພື່ອ​ສະເຫຼີມສະຫຼອງ​ວັນ​ສ້າງຕັ້ງ​ກອງທັບ​ປະຊາຊົນ​ລາວ ຄົບຮອບ 74 ປີ ແລະ 75 ປີ, ເຂົ້າ​ຮ່ວມ​ແຂ່ງຂັນ​ນັກ​ຮ້ອງ​ສຽງ​ດີ ໄດ້​ຮັບ​ລາງວັນ​ທີ I ເຂົ້າ​ຮ່ວມ​ແຂ່ງຂັນ​ກິລາ​ບານສົ່ງ​ທົ່ວ ​ວປກ 2 ຄັ້ງ ທີມ​ຊາຍ​ໄດ້​ລາງວັນ​ທີ II, ແຂ່ງຂັນ​ກິລາ​ເປຕັງ 1 ຄັ້ງ ໄດ້​ລາງວັນ​ທີ III, ແຂ່ງຂັນ​ກິດຈະກຳ​ອົມ​ນ້ຳ​ໃສ່​ແກ້ວ 1 ຄັ້ງ ໄດ້​ລາງວັນ​ທີ III, ເຂົ້າ​ຮ່ວມ​ຂະ​ບວນ​ການ​ຈິດ​ຈະ​ກຳ​ຖາມ-ຕອບ​ທົ່ວ ​ວປກ 1 ຄັ້ງ ແລະ ເຂົ້າ​ຮ່ວມ​ແຂ່ງຂັນ​ກິລາ​ບານເຕະ​ຍິງ​ທົ່ວ ​ວກປ I ຄັ້ງ ໄດ້​ຮັບ​ລາງ​ທີ I. ດ້ານ​ວຽກ​ງານ​ເພີ່ມ​ພູນ​ສ້າງ ​ແຫຼ່ງ​ລາຍ​ຮັບ ໄດ້​ສູ້​ຊົນ​ຊອກ​ຫາ​ແຫຼ່ງ​ລາຍ​ຮັບ​ເຂົ້າ​ຄັງ​ລວມ​ດ້ວຍ​ຫຼາຍ​ຮູບ​ຫຼາຍ​ແບບ ຕາມ​ທ່າ​ແຮງ​ບົ່ມ​ຊ້ອນ​ຂອງ​ກົມ​ກອງ, ຜ່ານ​ການຈັດຕັ້ງ​ປະຕິບັດ​ໜ້າທີ່​ວິຊາ​ສະເພາະ ແລະ ເຂົ້າ​ຮ່ວມ​ຂະ​ບວນ​ການ​ດ້ານ​ຕ່າງໆ ຈຶ່ງ​ໄດ້​ຮັບ​ການ ຄັດ​ເລືອກ​ຊາວ​ໜຸ່ມ 4 ບຸກ​ ປະຈຳ​ປີ 2020 ໄດ້​ຈຳນວນ 65 ສະຫາຍ, ປະເພດ​ແຂງ 17 ສະຫາຍ. ໃນ​ກອງ​ປະຊຸມ​​ໄດ້​ປ່ອນ​ບັດ​ຄັດ​ເລືອກ​ເອົາ​ຄະນະ​ບໍລິຫານ​ງານ​ຊາວ​ໜຸ່ມ​ ຊຸດ​ໃໝ່​ໄດ້​ຕາມ​ຄາດໝາຍ. ໂດຍ: ສາ​ວີ​ວັນ ວົງ​ຄຳ​ຊາວ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ