ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ທະຫານແຂວງສາລະວັນເຜີຍແຜາກົດໝາຍວ່າດ້ວຍອົງການໄອຍະການທະຫານ(ສະບັບປັບປຸງ) ປີ2022
ເວລາອອກຂ່າວ: 2024-02-29 15:24:33 | ຜູ້ຂຽນ : admin2 | ຈຳນວນຄົນເຂົ້າຊົມ: 298 | ຄວາມນິຍົມ:



ໃນທ້າຍເດືອນ ກຸມພາ 2024 ນີ້, ທະຫານແຂວງສາລະວັນເຜີຍແຜ່ກົດວ່າດ້ວຍອົງການໄອຍະການທະຫານ (ສະບັບປັບປຸງ) ປີ 2022 ໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ພັນເອກ ລັດສະໝີ ຂັນອາສາ ຮອງຫົວໜ້າອົງການໄອຍະການທະຫານຂັ້ນສູງ, ມີສະຫາຍ ພົນຈັດຕະວາ ພູວັນ ພິມມະຈັນ ຄະນະປະຈໍາພັກແຂວງ ເລຂາຄະນະພັກ ຫົວໜ້າການເມືອງ ກອງບັນຊາການທະຫານແຂວງສາລະວັນ, ມີຄະນະພັກ-ຄະນະບັນຊາອົງການ 5 ຫ້ອງ, ພະແນກການ ແລະ ພະນັກງານສະມະຊິກພັກເຂົ້າຮ່ວມ. ສະຫາຍ ພັນເອກ ພູວົງ ບຸດສະດີ ຫົວໜ້າອົງການໄອຍະການທະຫານພາກໃຕ້ ໄດ້ເຜີຍແຜ່ກົດໝາຍວ່າດ້ວຍອົງການໄອຍະການທະຫານ(ສະບັບປຸງ) ປີ 2022, ໂດຍອີງຕາມມະຕິກອງປະຊຸມຂອງສະພາແຫ່ງຊາດກ່ຽວກັບການຮັບຮອງເອົາກົດໝາຍວ່າດ້ວຍອົງການໄອຍະການທະຫານ (ສະບັບປັບປຸງ) ສະບັບເລກທີ71/ສພຊ, ລົງວັນທີ 29 ທັນວາ 2022 ແລະ ລັດຖະດໍາລັດຂອງປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ກ່ຽວກັບການນໍາໄຊ້ກົດໝາຍວ່າດ້ວຍ ອົງການໄອຍະການທະຫານ(ສະບັບປັບປຸງ)ສະບັບເລກທີ 026/ປປທ, ລົງວັນທີ10 ກຸມພາ 2023 ປະກອບມີ 9 ພາກ, 9 ໝວດ, 66 ມາດຕາ, ກົດໝາຍສະບັບນີ້ໄດ້ກໍານົດຫຼັກການລະບຽບການ ແລະ ມາດຕະການກ່ຽວກັບການຈັດຕັ້ງ, ການເຄື່ອນໄຫວ, ການຕິດຕາມກວດກາຂອງອົງການໄອຍະການທະຫານເພື່ອຮັບປະກັນວຽກງານໄອຍະການທະຫານໃຫ້ມີປະສິດທິຜົນແນໃສ່ປົກປ້ອງສິດຜົນປະໂຫຍດຂອງກອງທັບ, ສິດ ແລະ ຜົນປະໂຫຍດອັນຊອບທໍາຂອງນາຍ ແລະ ພົນທະຫານ, ກໍາມະກອນ, ພາລະກອນ, ກໍາລັງສໍາຮອງ ໃນການປະຕິບັດໜ້າທີ່ວຽກງານປ້ອງກັນຊາດ ແນໃສ່ປົກປ້ອງສິດຜົນປະໂຫຍດຂອງກອງທັບ ສິດ ແລະ ຜົນປະໂຫຍດອັນຊອບທໍາຂອງນາຍ ແລະ ພົນທະຫານ ເພື່ອເຮັດໃຫ້ກອງທັບມີຄວາມສະຫງົບ, ມີຄວາມເປັນລະບຽບຮຽບຮ້ອຍ, ມີຄວາມໜັກແໜ້ນເຂັ້ມແຂງທາງດ້ານກົດໝາຍ ແລະ ມີແບບແຜນທັນສະໄໝ ປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮຸ່ງເຮືອງ ແລະ ມີຄວາມສະຫງົບໂດຍພື້ນຖານ. ໃນໂອກາດດັ່ງກ່າວ, ສະຫາຍ ພັນເອກ ລັດສະໝີ ຂັນອາສາ ຮອງຫົວໜ້າອົງການໄອຍະການທະຫານຂັ້ນສູງ ໄດ້ຮຽກຮ້ອງໃຫ້ຄະນະພັກ-ຄະນະບັນຊາໃນແຕ່ລະຂັ້ນນໍາເອົາເນື້ອໃນກົດໝາຍດັ່ງກ່າວໄປຜັນຂະຫຍາຍເຂົ້າສູ່ຊິວິດຕົວຈິງ ຕິດພັນກັບການປະຕິໜ້າທີ່ວິຊາສະເພາະ, ມີສະຕິເຄົາລົບກົດໝາຍຄຽງຄູ່ກັບການກໍ່ສ້າງໜ່ວຍພັກໃຫ້ເຂັ້ມແຂງໜັກແໜ້ນ, ກອງປອດໃສ, ປອດໄພ, ປອດຄະດີ, ຕ້ານ ແລະ ສະກັດກັ້ນປະກົດການຫຍໍ້ທໍ້ຕ່າງໆບໍ່ໃຫ້ເກີດຂຶ້ນພາຍໃນກົມກອງ. ໂດຍ: ບຸນກອງ ຄໍາປະສົງ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ