ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ຄະນະຮັບຜິດຊອບເນື້ອໃນຂັ້ນແຂວງ ລົງຕິດຕາມຊຸກຍູ້ການກະກຽມດໍາເນີນກອງປະຊຸມໃຫຍ່ຢູ່ກອງບັນຊາການທະຫານແຂວງວຽງຈັນ
ເວລາອອກຂ່າວ: 2024-02-29 15:34:31 | ຜູ້ຂຽນ : admin2 | ຈຳນວນຄົນເຂົ້າຊົມ: 259 | ຄວາມນິຍົມ:



ໃນວັນທີ 28 ກຸມພາ 2024 ນີ້, ຄະນະຮັບຜິດຊອບເນື້ອໃນຂັ້ນແຂວງ ໄດ້ລົງເຄື່ອນໄຫວ, ຕິດຕາມຊຸກຍູ້ການກະກຽມຄວາມພ້ອມທາງດ້ານເນື້ອໃນຮອບດ້ານໃຫ້ແກ່ການດຳເນີນກອງປະຊຸມໃຫຍ່ຂອງຄະນະພັກກອງບັນຊາການທະຫານແຂວງວຽງຈັນ ໂດຍການຊີ້ນຳຂອງ ສະຫາຍ ບຸນສອນ ເພັດລາວັນ ຮອງເລຂາພັກແຂວງ ສະມາຊິກສະພາແຫ່ງຊາດປະທານສະພາປະຊາຊົນແຂວງວຽງຈັນ, ມີສະຫາຍ ພົນຈັດຕະວາ ບຸນຜອງ ບຸດທະວົງ ກຳມະການພັກແຂວງ ຮອງເລຂາພັກ ຫົວໜ້າການເມືອງກອງບັນຊາການທະຫານແຂວງວຽງຈັນ, ມີຄະນະພັກ-ຄະນະບັນຊາ, ບັນດາສະຫາຍຄະນະຮັບຜິດຊອບ, ອະນຸກຳມະການເນື້ອໃນຂັ້ນແຂວງ, ກອງບັນຊາການ ພ້ອມດ້ວຍພາກສ່ວນຮັບຜິດຊອບທີ່ກ່ຽວຂ້ອງເຂົ້າຮ່ວມ. ໃນກອງປະຊຸມ ສະຫາຍ ພັນໂທ ຫຸມພັນ ສີສົມພອນ ຄະນະພັກກອງບັນຊາການ ຮອງຫົວໜ້າຫ້ອງການເມືອງທະຫານແຂວງວຽງຈັນ, ໄດ້ຂຶ້ນລາຍງານການກະກຽມຄວາມພ້ອມດ້ານວຽກງານເນື້ອໃນ ແລະ ເອກະສານຕ່າງໆຂອງກອງປະຊຸມໃຫຍ່ ຄະນະພັກກອງບັນຊາການທະຫານແຂວງວຽງຈັນ ຕິດພັນກັບຜົນສຳເລັດກອງປະຊຸມຮາກຖານພັກທີ່ຂຶ້ນກັບຈາກນັ້ນ ສະຫາຍ ປອ ສີວຽງໄຊ ອໍລະບຸນ ກຳມະການພັກແຂວງ ຫົວໜ້າໜ້າຫ້ອງວ່າການແຂວງວຽງຈັນ, ໄດ້ຂຶ້ນຜ່ານບົດແນະນຳ ເລກທີ 01/ຫວຂວຈ, ລົງວັນທີ 26 ທັນວາ 2023 ກ່ຽວກັບການກະກຽມເນື້ອໃນຮ່າງລາຍງານການເມືອງຂອງອົງຄະນະພັກແຕ່ລະຂັ້ນໃນທົ່ວແຂວງ ຈຸດປະສົງກໍເພື່ອແນະນຳ ແລະ ສ້າງຄວາມຮັບຮູ້ເຂົ້າໃຈ ເປັນເອກະພາບຕໍ່ບັນຫາຈໍານວນໜຶ່ງກ່ຽວກັບໂຄງສ້າງ ແລະ ເນື້ອໃນຮ່າງລາຍງານການເມືອງໃຫ້ແກ່ອະນຸກຳມະການກະກຽມເນື້ອໃນເປັນບ່ອນອີງ, ຄົ້ນຄວ້າ ແລະ ໝູນໃຊ້ເຂົ້າໃນການກະກຽມເນື້ອໃນຂອງຕົນຢ່າງປະດິດສ້າງ, ຖືກຕ້ອງ, ສອດຄອງ ແລະ ແທດເໝາະກັບສະພາບເງື່ອນໄຂ, ຈຸດພິເສດຕົວຈິງຂອງແຕ່ລະກົມກອງ. ໂອກາດດຽວກັນ ບັນດາສະຫາຍອະນຸກຳມະການເນື້ອໃນຂັ້ນແຂວງກໍໄດ້ຜັດປ່ຽນກັນຂຶ້ນແນະນຳໂຄງຮ່າງລາຍງານການເມືອງ ແລະ ແນະນຳການກະກຽມເອກະສານປິ່ນອ້ອມຕ່າງໆ ພ້ອມທັງປະກອບຄຳຄິດເຫັນໃສ່ບັນດາໂຄງຮ່າງ, ບົດຕ່າງໆ ເພື່ອໃຫ້ມີຄວາມຖືກຕ້ອງ, ສອດຄ່ອງ ແລະ ເໝາະສົມຮັບປະກັນໃຫ້ແກ່ການດຳເນີນຂອງປະຊຸມໃຫຍ່ສາມຂັ້ນຂອງພັກ, ໂດຍສະເພາະແມ່ນກອງປະຊຸມໃຫຍ່ຂອງຄະນະພັກກອງບັນຊາການທະຫານແຂວງວຽງຈັນທີ່ຈະຈັດຂຶ້ນໃນຕໍ່ໜ້ານີ້ໃຫ້ໄດ້ຮັບໝາກຜົນສູງ. ໂອກາດນີ້, ສະຫາຍ ບຸນສອນ ເພັດລາວັນ ໄດ້ໃຫ້ກຽດໂອ້ລົມຕໍ່ກອງປະຊຸມ ໂດຍສະຫາຍໄດ້ເນັ້ນໜັກໃຫ້ບັນດາອະນຸກໍາມະການແຕ່ລະພາກສ່ວນ ເອົາໃຈໃສ່ໃນການກະກຽມຄວາມພ້ອມຮອບດ້ານໃຫ້ແກ່ການຈັດກອງປະຊຸມໃຫຍ່ແຕ່ລະຂັ້ນທົ່ວກອງບັນຊາການທະຫານແຂວງວຽງຈັນ, ເຮັດໃຫ້ການດໍາເນີນກອງປະຊຸມ ສໍາເລັດຕາມແຜນການທີ່ວາງໄວ້ ໂດຍ: ສາຍຄໍາ ພອນມະນີ.



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ