ວັນພະຫັດ, ວັນທີ 12 ກັນຍາ 2024
ກອງປະຊຸມຄົບຄະນະບໍລິຫານງານພັກກອງບັນຊາການທະຫານແຂວງບໍ່ແກ້ວເປີດກວ້າງ ຄັ້ງທີ11 ສະໄໝທີ V
ເວລາອອກຂ່າວ: 2024-03-04 15:09:51 | ຜູ້ຂຽນ : admin2 | ຈຳນວນຄົນເຂົ້າຊົມ: 1427 | ຄວາມນິຍົມ: 
ວັນທີ 29 ກຸມພາ 2024 ນີ້, ກອງບັນຊາການທະຫານແຂວງບໍ່ແກ້ວ ເປີດກອງປະຊຸມຄົບຄະນະບໍລິຫານງານພັກ ເປີດກວ້າງ ຄັ້ງທີ XI ສະໄໝທີV ປະຈໍາປີ 2023 ແລະ ວາງທິດທາງແຜນການປະຈຳປີ 2024, ໂດຍການເປັນປະທານຂອງ ສະຫາຍ ປະລິນຍາເອກ ບົວຄົງ ນາມມະວົງ ກຳມະການສູນກາງພັກ ເລຂາພັກແຂວງ ເຈົ້າເເຂວງ ແຂວງບໍ່ແກ້ວ, ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ ແລະ ສະຫາຍ ພັນເອກ ທອງໄຂ ສີຍາລາດ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ, ມີຄະນະປະຈຳພັກ ຄະນະບໍລິຫານງານພັກກອງບັນຊາການ ເລຂາພັກຮາກຖານ ຄະນະພັກຮາກຖານ ເລຂາໜ່ວຍພັກ ຄະນະໜ່ວຍພັກ ແຂກຖືກເຊີນ ແລະ ພະແນກການທີ່ກ່ຽວຂ້ອງເຂົ້່າຮ່ວມ.
ສະຫາຍ ພັນເອກ ທອງໄຂ ສີຍາລາດ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ ໄດ້ຜ່ານບົດສະຫຼຸບ ການນໍາພາຂອງຄະນະບໍລິຫານງານພັກກອງບັນຊາການທະຫານແຂວງບໍ່ແກ້ວໃນ 1ປີຜ່ານມາ ແລະ ວາງທິດທາງແຜນການໃນຕໍ່ໜ້າ ເຊິ່ງຜ່ານມາຄະນະພັກ-ຄະບັນຊາແຕ່ລະຂັ້ນໄດ້ເອົາໃຈໃສ່ປະຕິບັດວຽກງານຂອງຕົນຢ່າງຮອບດ້ານໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານທີ່ຄະນະພັກກະຊວງປ້ອງກັນປະເທດວາງອອກ, ສາມາດເຮັດໃຫ້ສະພາບໃນທົ່ວແຂວງມີຄວາມສະຫງົບ ສັງຄົມມີຄວາມເປັນລະບຽບຮຽບຮ້ອຍ, ເສດຖະກິດໄດ້ຮັບການພັດທະນາ, ໃນນັ້ນຄະນະພັກ-ຄະນະບັນຊາແຕ່ລະຂັ້ນໄດ້ຖືສຳຄັນໃນການອົບຮົມການເມືອງແນວຄິດໃຫ້ພະນັກງານ-ນັກຮົບເຊື່ອມຊຶມກຳແໜ້ນຕໍ່ແນວທາງນະໂຍບາຍຂອງພັກ, ກົດໝາຍຂອງລັດໄດ້ເປັນຢ່າງດີ, ຫັນລົງກໍ່ສ້າງຮາກຖານການເມືອງພັດທະນາຊົນນະບົດຢ່າງຮອບດ້ານຕາມມູນເຊື້ອຂອງກອງທັບ, ໄດ້ຈັດຕັ້ງກຳລັງອອກເຄື່ອນໄຫວໃນຂອບເຂດຮັບຜິດຊອບເປັນປົກກະຕິ, ຊີ້ນໍາແຕ່ລະກົມກອງຍົກສູງສະຕິລະວັງຕົວກຽມພ້ອມສູ້ຮົບໃຫ້ເຂັ້ມງວດ, ປັບປຸງກໍ່ສ້າງກຳລັງໃຫ້ມີຄວາມໜັກແໜ້ນທາງດ້ານການເມືອງ ແລະ ເຂັ້ມແຂງທາງດ້ານການຈັດຕັ້ງ, ເປີດອົບຮົມ-ຫັດແອບປະຈຳປີທົ່ວທະຫານແຂວງໄດ້ສຳເລັດ, ດ້ານວຽກງານພະລາທິການ-ເຕັກນິກ, ໄດ້ກໍ່ສ້າງ, ສ້ອມແປງເຄຫາສະຖານຕາມແຜນການທີ່ກຳນົດເອົາໄວ້ ຄະນະພັກກອງບັນຊາການໄດ້ຖືເອົາການປັບປຸງກໍ່ສ້າງພັກຕາມ 5 ຫຼັກການ 3 ທິດນໍາ ແລະ 3 ດ້ານ: ດ້ານການເມືອງແນວຄິດ, ການຈັດຕັ້ງ ແລະ ແບບແຜນວິທີນໍາພາ, ເຮັດໃຫ້ພັກມີຄວາມປອດໃສ, ເຂັ້ມແຂງ, ໜັກແໜ້ນ, ຂຶນເປັນກ້າວໆ ປະຈຸບັນ ກອງບັນຊາການທະຫານແຂວງບໍ່ແກ້ວ ມີ 1 ອົງຄະນະພັກ, ມີ 08 ຄະນະພັກຮາກຖານ, ມີ 47 ໜ່ວຍພັກ, ມີສະມາຊິກພັກທັງໝົດ 944 ສະຫາຍ, ຍິງ 111 ສະຫາຍ, ມີສະມາຊິກພັກສຳຮອງ 85 ສະຫາຍ, ມີໜ່ວຍພັກປອດໃສ, ເຂັ້ມແຂງ, ໜັກແໜ້ນ 37 ໜ່ວຍ, ກາງ 9 ໜ່ວຍ, ບໍ່ໄດ້ຈັດປະເພດ 1 ໜ່ວຍ( ຍ້ອນບົ່ງຕົວແຕ່ງຕັ້ງຂຶ້ນໃໝ່) ຈາກນັ້ນບັນສະດາສະຫາຍຄະນະພັກ-ຄະນະບັນຊາກົມກອງ ກໍ່ໄດ້ຂຶ້ນປະກອບຄຳ-ຄິດຄຳເຫັນໃສ່ບົດສະຫຼຸບ ແລະ ທິດທາງແຜນການໃຫ້ມີເນື້ອໃນຄົບຖ້ວນ ເພື່ອພ້ອມກັນສືບຕໍ່ແກ້ໄຂ ແລະ ຈັດຕັ້ງປະຕິບັດໃນຕໍ່ໜ້າໃຫ້ບັນລຸໄດ້ຕາມລະດັບຄາດໝາຍທີ່ວາງໄວ້
ໂອກາດນີ້, ສະຫາຍ ປະລິນຍາເອກ ບົວຄົງ ນາມມະວົງ ປະທານກອງປະຊຸມ ໄດ້ຍ້ອງຍໍຊົມເຊີຍຕໍ່ວຽກງານຜົນສໍາເລັດທີ່ສ້າງມາໄດ້ໃນໄລຍະຜ່ານມາ ພ້ອມທັງເນັ້ນໜັກ ບາງບັນຫາໃຫ້ ຄະນະພັກ-ຄະນະບັນຊາແຕ່ລະຂັ້ນ ຈົ່ງພ້ອມກັນສຶກສາອົບຮົມການເມືອງ- ນໍາພາແນວຄິດໃຫ້ເປັນບັນຫາສໍາຄັນ, ຈັດຕັ້ງປະຕິບັດເຮັດສຳເລັດໜ້າທີ່ວຽກງານຕາມພາລະບົດບາດຂອງຕົນເຂົ້າໃນການ ນຳພາ-ຊີ້ນໍາ, ບັນຊາພະນັກງານ-ນັກຮົບ, ປະຕິບັດລະບອບປະຊຸມ ແລະ ລະບົບສ່ອງແສງລາຍງານ ພ້ອມກັບຕິດຕາມກວດກາສະພາບການໃຫ້ໜັກແໜ້ນ, ເຂັ້ມແຂງ ແລະ ວ່ອງໄວທັນເວລາ, ເປັນເຈົ້າການເພີ່ມທະວີມີສະຕິລະວັງຕົວ ທັບມ້າງທຸກກົນອຸບາຍ ຫັນປ່ຽນໂດຍສັນຕິຂອງສັດຕູ, ສືບຕໍ່ປັບປຸງແບບແຜນວິທີການເຮັດວຽກ, ຄົ້ນຄວ້າສຶກສາອົບຮົມດ້ານທິດສະດີການເມືອງຂອງພັກ, ເພື່ອແນໃສ່
ກໍ່ສ້າງພັກ-ພະນັກງານກໍຄືການປັບປຸງກໍ່ສ້າງກຳລັງປະກອບອາວຸດທ້ອງຖິ່ນໃຫ້ມີຄວາມເຕີບໃຫຍ່ໜັກແໜ້ນ, ເຂັ້ມແຂງ, ກ້າວຂຶ້ນຢ່າງ ບໍ່ຢຸດຢັ້ງ. ຂ່າວໂດຍ: ພາກ ສຸທິປັນຍາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
