ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ທະຫານແຂວງບໍ່ແກ້ວ ຈັດຕັ້ງພິທີເຄົາລົບທຸງປະຈຳເດືອນມີນາ
ເວລາອອກຂ່າວ: 2024-03-04 15:14:16 | ຜູ້ຂຽນ : admin2 | ຈຳນວນຄົນເຂົ້າຊົມ: 290 | ຄວາມນິຍົມ:



ໃນວັນທີ 4 ມີນາ 2024 ນີ້, ກອງບັນຊາການທະພຫານແຂວງບໍ່ແກ້ວ ໄດ້ຈັດຕັ້ງພິທີເຄົາລົບທຸງປະຈໍາເດືອນມີນາຂື້ນ, ຢູ່ທີ່ເດີນ ກອງບັນຊາການທະຫານແຂວງ, ໂດຍການເປັນປະທານຂອງ ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ, ມີຄະນະພັກ-ຄະນະບັນຊາ 06 ຫ້ອງ, ກົມກອງອ້ອມຂ້າງ, ພະແນກການກ່ຽວຂ້ອງ ຕະຫຼອດຮອດ ພະນັກງານ-ນັກຮົບ ເຂົ້າຮ່ວມຢ່າງພ້ອມພຽງ. ໃນພິທີ ສະຫາຍ ພັນເອກ ທອງໄຂ ສີຍາລາດ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງບໍ່ແກ້ວ ໄດ້ສະຫຼຸບຕີລາຄາຄືນກ່ຽວກັບສະພາບການໃນປະຕິບັດໜ້າທີ່ວຽກງານໄລຍະ 1 ເດືອນຜ່ານມາ, ໄດ້ຍົກໃຫ້ເຫັນດ້ານດີ-ດ້ານອ່ອນ ແລະ ບາງບົດຮຽນທີ່ຖອດຖອນໄດ້ຂັ້ນຕົ້ນ, ໂດຍປະຕິບັດຕາມ 4 ໜ້າທີ່ໃຫຍ່ 26 ແຜນງານ ທີ່ຄະນະພັກກະຊວງປ້ອງກັນປະເທດວາງອອກ, ຕາມ 4 ເນື້ອໃນ 4 ຄາດໝາຍ ເຮັດໃຫ້ ສະພາບກົມກອງມີຄວາມສະຫງົບໂດຍພື້ນຖານ. ນອກນັ້ນ, ເອົາໃຈໃສ່ຖືເອົາວຽກງານສຶກສາອົບຮົມການເມືອງ-ແນວຄິດໃຫ້ ພະນັກງານ-ນັກຮົບ, ເຜີຍແຜ່ເຊື່ອມຊືມບັນດານິຕິກຳຕ່າງໆ ຂອງຊາດ-ຂອງພັກ ແລະ ຂອງກອງທັບ, ເຊື່ອມຊຶມຈັດຕັ້ງປະຕິບັດ 2 ວະລະແຫ່ງຊາດ ເຂົ້າສູ່ວຽກງານຕົວຈິງຂອງກົມກອງຢ່າງຕັ້ງໜ້າ, ວຽກງານພັກກໍໄດ້ເຄື່ອນໄຫວຕາມ 3 ທິດນຳ 5 ຫຼັກ ການ ແລະ ດ້ານວຽກງານພະນັກງານກໍໄດ້ປະຕິບັດຕາມຫຼັກການທີ່ຂັ້ນເທິງໄດ້ກຳນົດໃຫ້ການຊັບຊ້ອນພະນັກງານຖືກຕ້ອງຕາມສາຍວິຊາສະເພາະທີ່ໄດ້ຮຽນມາ. ພ້ອມນັ້ນ, ຍັງໄດ້ສະເໜີເລື່ອນຊັ້ນ, ທຽບຊັ້ນ ໃຫ້ພະນັກງານ-ນັກຮົບ ຜູ້ທີ່ມີຜົນງານດີເດັ່ນ ໄປຄຽງຄູ່ກັນນັ້ນ, ທົ່ວກອງບັນຊາການທະຫານແແຂວງບໍ່ແກ້ວ ຍັງໄດ້ເຝິກແອບຮໍ່າຮຽນດ້ານສິລະປະຍຸດ-ຍຸດທະວິ ທີປະຈຳປີຢ່າງເປັນຂະບວນກວ້າງຂວາງຕໍ່ເນື່ອງ, ທັງນີ້ກໍເພື່ອປະຕິບັດຕາມຂໍ້ກຳນົດກົດລະບຽບຂອງກອງທັບ ໃນການຈັດຕັ້ງປະຕິບັດເຄົາລົບທຸງປະຈຳທຸກໆເດືອນ ເຮັດໃຫ້ກົມກອງມີຄວາມເຂັ້ມແຂງທາງດ້ານລະບຽບວິໄນ ຄຸນສົມບັດ ສິນທຳປະຕິວັດ ກໍຄືການປະຕິບັດ 7 ລະບອບ 18 ວຽກຂອງກອງທັບຢ່າງເຂັ້ມງວດ ແລະ ເປັນປົກກະຕິ. ໂອກາດດັ່ງກ່າວ, ສະຫາຍ ພົນຈັດຕະວາ ບຸນມີ ພາມີໄຊ ໄດ້ສະແດງຄວາມຍ້ອງຍໍຊົມເຊີຍຜົນສຳເລັດໃນການປະຕິບັດໜ້າທີ່ຂອງ ຄະນະພັກ-ຄະນະບັນຊາ ຕະຫຼອດ ພະນັກງານ-ນັກຮົບ ທີ່ຍາດມາໄດ້ຜົນງານຫຼາຍດ້ານໃນໄລຍະຜ່ານມາ ພ້ອມທັງຮຽກຮ້ອງໃຫ້ຄະພັກ-ຄະນະບັນຊາກົມກອງທຸກ ສືບຕໍ່ສຶກສາອົບຮົມການເມືອງແນວຄິດ, ເຊີດຊູນ້ຳໃຈຄວາມຮັບຜິດຊອບໜ້າທີ່ການເມືອງໃຫ້ສູງ, ເພີ່ມທະວີຄວາມສາມັກຄີໃຫ້ໜັກແໜ້ນພາຍໃນໝູ່ຄະນະ, ເອົາໃຈໃສ່ກໍ່ສ້າງພັກ ກໍ່ສ້າງພະນັກງານ ປະຕິບັດລະບຽບວິໃນ ຂອງກອງທັບໃຫ້ເຂັ້ມງວດ ແລະ ທຸກມະຕິຄຳສັ່ງຂອງຂັ້ນເທິງປັບປຸງກໍ່ສ້າງກຳລັງ, ກຽມພ້ອມສູ້ຮົບ ໂດຍຕິດພັນກັບການອົບຮົມ-ຫັດແອບປະຈຳປີ ຫັນເອົາພະນັກງານລົງກໍ່ສ້າງຮາກຖານການເມືອງ ພັດທະນາຊົນນະບົດຮອບດ້ານ, ສືບຕໍ່ພົວພັນກັບປະເທດເພື່ອນບ້ານເສີມຂະຫຍາຍມູນເຊື້ອນໍ້າໃຈດຸໜັ່ນດ້ວຍຮູບການ ເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເຮັດໃຫ້ຊີວິດການເປັນຢູ່ຂອງພະນັກງານ-ນັກຮົບ ນັບມື້ດີຂື້ນເປັນກ້າວໆ. ໂດຍ: ວໍລະສິດ ພິດສະຫາຍ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ