ວັນຈັນ, ວັນທີ 14 ຕຸລາ 2024
ກອງບັນຊາການທະຫານແຂວງບໍ່ແກ້ວ ມອບໃບສົມມະນາບຸນຄຸນໃຫ້ພາກສ່ວນຕ່າງໆ
ເວລາອອກຂ່າວ: 2024-03-04 15:21:10 | ຜູ້ຂຽນ : admin2 | ຈຳນວນຄົນເຂົ້າຊົມ: 1016 | ຄວາມນິຍົມ: 
ວັນທີ 1 ມີນາ 2024 ນີ້, ກອງບັນຊາການທະຫານແຂວງບໍ່ແກ້ວ ໄດ້ ມອບໃບກຽດຕິຄຸນ, ໃບສົມມະນາບຸນຄຸນ, ຊົມເຊີຍຜົນງານ ໃຫ້ບັນດາບຸກຄົນ ແລະ ນິຕິບຸກຄົນ, ຜູ້ທີ່ມີຜົນງານດີເດັ່ນປະກອບສ່ວນຊ່ວຍເຫຼືອ ອຸປະຖຳທາງດ້ານວັດຖຸປັດໃຈ ເຂົ້າໃນການຊ່ວຍເຫຼືອກຳລັງປ້ອງກັນຊາດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ເປັນກຽດເຂົ້າຮ່ວມຂອງ ສະຫາຍ ເພັງສອນ ແກ້ວວິໄລ ຮອງເລຂາພັກແຂວງໆ ບໍ່ແກ້ວ, ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ຫົວໜ້າການເມືອງກອງບັນຊາການທະຫານແຂວງບໍ່ແກ້ວ ມີການນຳຂັ້ນແຂວງ, ພະແນກການອ້ອມຂ້າງແຂວງ, ສອງກອງບັນຊາການ ທະຫານ-ຕຳຫຼວດ, ບັນດາບໍລິສັດ, ຫ້າງຮ້ານ, ນັກທຸລະກິດ, ຜູ້ປະກອບການທັງພາຍໃນ ແລະ ຕ່າງປະເທດເຂົ້າຮ່ວມ.
ໃນພິທີ ສະຫາຍ ພັນໂທ ເຄນ ແກ້ວດາລາ ຄະນະບໍລິຫານງານພັກ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງບໍ່ແກ້ວ ໄດ້ຂື້ນຜ່ານຂໍ້ຕົກລົງວ່າດ້ວຍການມອບໃບຍ້ອງຍໍ, ໃບກຽດຕິຄຸນ, ໃບສົມມະນາບຸນຄຸນ ໃຫ້ບຸກຄົນ ແລະ ນິຕິບຸກຄົນ ຜູ້ທີ່ມີຜົນງານດີເດັ່ນປະກອບສ່ວນຊ່ວຍເຫຼືອ ອຸປະຖຳທາງດ້ານວັດຖຸປັດໃຈ ເຂົ້າໃນການຊ່ວຍເຫຼືອກຳລັງປ້ອງກັນຊາດ ເນື່ອງໃນໂອກາດວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ເພື່ອເປັນການພັດທະນາປັບປຸງກໍ່ສ້າງກົມກອງ ໃຫ້ເຕີບໃຫ່ຍເຂັ້ມແຂງ, ດັ່ງນັ້ນ ກອງບັນຊາການທະຫານແຂວງບໍ່ແກ້ວຕົກລົງມອບປະເພດໃບຍ້ອງຍໍໃຫ້ບັນດາບໍລິສັດ ຫ້າງຮ້ານ ນັກທຸລະກິດຜູ້ປະກອບການ ທັງພາຍໃນ ແລະ ຕ່າງປະເທດ ຈຳນວນ 08 ບໍລິສັດ, ປະເພດໃບກຽດຕິຄຸນ ຈໍານວນ 34 ໃບ ແລະ ໃບສົມມະນາບຸນຄຸນ ຈຳນວນ 03 ໃບ, ເປັນກຽດຂື້ນມອບຂອງ ສະຫາຍ ພົນຈັດຕະວາ ບຸນມີ ພາມີໄຊ ຄະນະປະຈຳພັກແຂວງ ເລຂາຄະນະພັກ ກອງບັນຊາການຫົວໜ້າການເມືອງ ກອງບັນຊາການທະຫານແຂວງ ບໍ່ແກ້ວ ຢ່າງສົມກຽດ. ໂອກາດດັ່ງ, ສະຫາຍ ພົນຈັດຕະວາ ບຸນມີ ພາມີໄຊ ໄດ້ສະແດງຄວາມຂອບໃຈຕໍ່ບັນດາທ່ານຢ່າງລົ້ນເຫຼືອທີ່ໄດ້ປະກອບສ່ວນວັດຖຸປັດໃຈ ທີ່ເຫັນໄດ້ຄວາມໝາຍ ຄວາມສຳຄັນ ຂອງກຳລັງປ້ອງກັນຊາດຂອງພວກເຮົາ ແລະ ໄດ້ອວຍພອນໃຫ້ແຕ່ລະພາກສ່ວນ ຈົ່ງມີພາລະນາໄມສົມບູນ ມີຄວາມຜາສຸກໃນຊີວິດສວນຕົວ-ຄອບຄົວ ມີຄວາມຈະເລີນກ້າວໜ້າໃນໜ້າທີ່ການງານຂອງບັນດາທ່ານອີກດ້ວຍ.
ໂດຍ: ວໍລະສິດ ພິດສະຫາຍ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
