ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ກອງບັນຊາການທະຫານແຂວງອຸດົມໄຊ ເປີດຊຸດອົບຮົມ-ຫັດແອບ ການທະຫານ, ການເມືອງ, ພະລາທິການ-ເຕັກນິກ ແລະ ວິຊາສະເພາະ ປະຈຳປີ 2024
ເວລາອອກຂ່າວ: 2024-03-04 15:32:38 | ຜູ້ຂຽນ : admin2 | ຈຳນວນຄົນເຂົ້າຊົມ: 313 | ຄວາມນິຍົມ:



ໃນຕອນເຊົ້າຂອງວັນທີ 29 ກຸມພາ 2024 ນີ້, ກອງບັນຊາການທະຫານແຂວງອຸດົມໄຊ ໄດ້ ເປີດຊຸດອົບຮົມ-ຫັດແອບ ການເມືອງ, ການທະຫານ, ພະລາທິການ-ເຕັກນິກ ແລະ ວິຊາສະເພາະ ປະຈຳປີ 2024 ຂຶ້ນຢ່າງເປັນທາງການ, ຢູ່ທີ່ເດີນກອງບັນຊາການ ໂດຍການເປັນປະທານຂອງ ສະຫາຍ ພົນຈັດຕະວາ ຄຳເຜີຍ ໂສມພັນ ຮອງເລຂາຄະນະພັກ ຫົວໜ້າການທະຫານກອງບັນຊາການທະຫານແຂວງອຸດົມໄຊ, ມີຄະນະພັກ-ຄະນະກອງບັນຊາການ, ຄະນະພັກ - ຄະນະບັນຊາ, ອົງການ 5 ຫ້ອງ, ກອງບັນຊາການທະຫານເມືອງ 7 ເມືອງ, ກອງພັນ 414, ໂຮງຮຽນ, ໂຮງໝໍ, ກົມກອງເອກະລາດອ້ອມຂ້າງກອງບັນຊາການຕະຫຼອດຮອດພະນັກງານ-ນັກຮົບ ເຂົ້າຮ່ວມ. ໃນພິທີ ສະຫາຍ ພັນໂທ ຄຳຜາຍ ໄຊປັນຍາ ຮັກສາການ ຫົວໜ້າຫ້ອງເສນາທິການກອງບັນຊາການທະຫານແຂວງອຸດົມໄຊ ໄດ້ຂຶ້ນຜ່ານແຜນການອົບຮົມ-ຫັດແອບ ປະຈຳປີ 2024 ໃນນີ້ຈະໄດ້ອົບຮົມ-ຫັດແອບພາກການເມືອງ ມີຄື: ກຽດສັກສີ ແລະ ຄວາມຮັບຜິດຊອບຂອງນັກຮົບ, ເປົ້າໝາຍອຸດົມຄະຕິສູ້ຮົບຂອງກອງທັບ, ປະເທດລາວ ຄົນລາວເປັນເຈົ້າຂອງ, ປົກປັກຮັກສາປະເທດຊາດ ແມ່ນໜ້າທີ່ຕົ້ນຕໍ່ຂອງກຳລັງປະກອບອາວຸດ, ພັກປະຊາຊົນປະຕິວັດລາວໄດ້ຈັດຕັ້ງນຳພາກອງທັບປະຊາຊົນລາວ, ພາກການທະຫານ ຈະອົບຮົມ-ຫັດແອບ, ຂໍ້ກຳນົດກົດລະບຽບ 7 ລະບອບ 18 ວຽກໃນມື້ໜຶ່ງຂອງກອງທັບ, ຄຳປະຕິຍຍານ 8 ຂໍ້ ແລະ ວິໄນ 12 ຂໍ້ຕໍ່ປະຊາຊົນ, ລະບຽບຮູບບແຖວ ບຸກຄົນມືເປົ່າຄົງທີ່, ເຄືອນທີ່, ມີປືນ ແລະ ລະບຽບຮູບແຖວແຕ່ຂັ້ນ ໝູ, ໝວດ, ກອງຮ້ອຍ, ກອງພັນ,ລະບຽບຮູບແຖວເຄົາລົບທຸງຂັ້ນກອງຮ້ອຍ, ກອງພັນ, ຫັດກາຍ 2 ບົດ 24 ຈັງຫວະມືເປົ່າ ແລະ ມີປືນ, ມວຍ 16 ຈັງຫວະ, ຫັດກາຍແທງກະບີ 4 ທິດ 28 ຈັງຫວະ, ຜ່ານສິ່ງກີດຂວາງ, ແລ່ນມ້າງປະກອບອາວຸດ, ຄວາມໝາຍຄວາມສຳຄັນຂອງແຕ່ລະເຫລົ່າຮົບ, ຄຸນຄາສະມັດຕະພາບຂອງປືນແຕ່ລະຊະນິດ, ບົດຍິງບຸກຕີກາງເວັນ, ກາງຄືນ, ບຸກຄົນອາໄສພູມີປະເທດ ແລະ ອື່ນໆ ສ່ວນພາກພະລາທິການ- ເຕັກນິກ ແມ່ນຈະໄດ້ອົບຮົມຫັດແອບກ່ຽວກັບ 5 ເຕັກນິກຂອງເສນາຮັກ, ການຄຸ້ມຄອງລ້ຽງດູທັບ, ການປົກປັກຮັກສາພາຫະນະ-ເຕັກນິກ, ອາວຸດລຸກກະສຸນ, ຊຸດອົບຮົມຄັ້ງນີ້ແມ່ນຈະໄດ້ດຳເນີນໄປເປັນເວລາ 180 ວັນຈຶ່ງຈະສຳເລັດຕາມແຜນການທີ່ວາງໄວ້. ໃນພິທີໄດ້ຜ່ານເນື້ອໃນຂໍ້ແຂ່ງຂັນ 7 ຂໍ້, ມີຄະນະພັກ - ຄະນະບັນຊາບັນດາກົມກອງທົ່ວທະຫານແຂວງໄດ້ຕາງໜ້າຂຶ້ນຈັບມືແຂ່ງຂັນກັນຕື່ມອີກ. ໂອກາດນີ້, ສະຫາຍ ພົນຈັດຕະວາ ຄຳເຜີຍ ໂສມພັນ ໄດ້ສະແດງຄວາມຍ້ອງຍໍຊົມເຊີຍຕໍ່ການກະກຽມເນື້ອໃນດ້ານຕ່າງໆ ໃຫ້ແກ່ການເປີດຊຸດອົບຮົມໃນຄັ້ງນີ້, ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາແຕ່ລະຂັ້ນ, ຄູ-ອາຈານແຕ່ລະສະຫາຍໃຫ້ກຳແໜ້ນເຊື່ອມຊຶມຢ່າງເລິກເຊິ່ງຕໍ່ເນື້ອໃນແຜນການອົບຮົມ-ຫັດແອບ, ສ້າງເປັນແຜນການອັນລະອຽດ, ຈັດຕັ້ງອົບຮົມ-ຫັດແອບໃຫ້ຖືກຕ້ອງຕາມຫຼັກການ, ກຳແໜ້ນບັນດາເນື້ອໃນ, ລະດັບບາດກ້າວ, ທິດສະດີ, ຫຼັກການ, ທ່າຈັງຫວະ, ຂັ້ນຕອນໃຫ້ມີຄວາມຊຳນິຊຳນານ, ຄ່ອງແຄ້ວ, ເອົາໃຈໃສ່ປະຕິບັດຂໍ້ກຳນົດ, ກົດລະບຽບຕ່າງໆ ຂອງກົມກອງໃຫ້ເຂັ້ມງວດ, ຖືເອົາວຽກງານການສຶກສາອົບຮົມການເມືອງ-ນຳພາແນວຄິດເປັນສຳຄັນ, ເຮັດໃຫ້ພະນັກງານ-ນັກຮົບມີຄວາມໜັກແໜ້ນທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງຮັບປະກັນໃຫ້ການອົບຮົມ-ຫັດແອບຄັ້ງນີ້ໃຫ້ໄດ້ຮັບໝາກຜົນສູງ ແລະ ຮັບປະກັນຄວາມປອດໃຫ້ໄດ້ໄພ 100% . ຂ່າວ-ພາບ: ສົມພູນ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ