POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນພະຫັດ, ວັນທີ 12 ກັນຍາ 2024

ປະກາດການຮັບຮອງເອົາ 3 ບ້ານ ຂອງເມືອງທ່າໂທມ ເປັນບ້ານປ້ອງກັນຊາດເຂັ້ມແຂງ
ເວລາອອກຂ່າວ: 2024-03-05 08:49:14 | ຜູ້ຂຽນ : admin1 | ຈຳນວນຄົນເຂົ້າຊົມ: 365 | ຄວາມນິຍົມ:

ເມືອງທ່າໂທມ ໄດ້ຈັດພິທີປະກາດການຮັບຮອງເອົາ ບ້ານວຽງທອງ, ຄອນຊະນະ ແລະ ບ້ານຊຽງຕັ້ນ ເປັນບ້ານປ້ອງກັນຊາດເຂັ້ມແຂງ ປະຈຳປິ 2023, ບ້ານທີ 10,11,12 ຂອງເມືອງ ແລະ ບ້ານທີ 39, 40, 41 ຂອງແຂວງ ໃນວັນທີ 28 ກຸມພາ 2024 ນີ້, ຢູ່ທີ່ ຫ້ອງການບ້ານ ຊຽງຕັ້ນ, ໂດຍ ການເປັນ ປະທານຂອງ ສະຫາຍ ສຸກສະເຫຼີມ ສົມມະນີ ເລຂາພັກເມືອງ, ປະທານ ປກຊ-ປກສ ເມືອງທ່າໂທມ, ມີ ສະຫາຍ ພັນໂທ ໄຊຍະສຸກ ແສງປະທິບ ຮອງຫົວໜ້າຫ້ອງການເມືອງ ກອງບັນຊາການທະຫານແຂວງ ໄຊສົມບູນ, ມີຄະນະກອງບັນຊາການ ປກຊ-ປກສ ເມືອງ, ພະ ແນກການ, ອຳນາດການປົກ ຄອງບ້ານ ຕະຫຼອດຮອດປະຊາ ຊົນ 3 ບ້ານເຂົ້າຮ່ວມ. ໃນພິທີຍັງໄດ້ຮັບຟັງບົດສະ ຫຼຸບການຈັດຕັ້ງປະຕິບັດປະເມີນ ການກໍ່ສ້າງຄອບຄົວ ແລະ ບ້ານ ປ້ອງກັນຊາດເຂັ້ມແຂງທັງ 3 ບ້ານ ໄດ້ນຳເອົາມະຕິ, ຄຳສັ່ງຕ່າງໆຂອງພັກ-ລັດ ໂດຍສະ ເພາະເອກະສານຂອງກະຊວງປ້ອງກັນປະເທດ ວ່າດ້ວຍການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງ ໄປຈັດຕັ້ງເຜີຍ ແຜ່ໃຫ້ປະຊາຊົນເຂົ້າໃຈແຈ້ງຕໍ່ແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກ, ກົດໝາຍຂອງລັດ ແລະ ເອກະສານອື່ນໆ ພ້ອມກັນນັ້ນ, ປະຊາຊົນພາຍໃນບ້ານຍັງໄດ້ເອົາໃຈໃສ່ສ້າງເສດຖະກິດແກ້ໄຂຊີວິດການເປັນຢູ່ຕາມທ່າແຮງບົ່ມຊ້ອນຂອງຕົນ, ຖືເອົາການຄ້າຂາຍ, ການປູກຝັງ- ລ້ຽງສັດ ແລະ ອື່ນໆ ເຮັດໃຫ້ແຕ່ລະຄອບຄົວສາມາດຫຼຸດພົ້ນອອກຈາກຄວາມທຸກຍາກເທື່ອລະກ້າວ, ເຊິ່ງສາມາດປະເມີນການສ້າງຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ 100% ໃນຈຳນວນ 361 ຄອບຄົວ ພາຍ ໃນ 3 ບ້ານ. ຈາກຜົນງານດັ່ງກ່າວສາມາດຢັ້ງຢືນ ແລະ ຮັບຮອງເອົາບ້ານວຽງທອງ, ຄອນຊະນະ ແລະ ບ້ານຊຽງຕັ້ນ ເມືອງທ່າໂທມ ແຂວງໄຊສົມບູນ ເປັນບ້ານປ້ອງກັນຊາດເຂັ້ມແຂງ, ຕິດ ພັນທັງ 4 ດ້ານ, 6 ມາດຖານທີ່ຄະ ນະພັກກະຊວງປ້ອງກັນປະເທດວາງອອກ. ສະຫາຍ ພັນໂທ ພອນຈັນ ໄຊພັນຄຳ ຫົວໜ້າພະແນກກໍ່ ສ້າງຮາກຖານ ໄດ້ຜ່ານຂໍ້ຕົນລົງຂອງຄະນະບໍລິຫານງານພັກແຂວງໄຊສົມບູນ ວ່າດ້ວຍການຮັບຮອງເອົາບ້ານວຽງທອງ, ຄອນຊະນະ ແລະ ບ້ານຊຽງຕັ້ນ ເປັນບ້ານປ້ອງກັນຊາດເຂັ້ມແຂງ, ໂດຍກ່າວມອບຂອງສະຫາຍເລຂາພັກເມືອງ ເຈົ້າເມືອງ ເມືອງທ່າໂທມ, ພ້ອມທັງມອບໃບຢັ້ງຢືນໃຫ້ຄອບຄົວ ແລະ ບ້ານປ້ອງກັນຊາດເຂັ້ມເຂັ້ມແຂງ, ໂອກາດນີ້ ສະຫາຍຍັງໄດ້ຮຽກຮ້ອງມາຍັງ ອຳນາດການປົກຄອງບ້ານ ຕະ ຫຼອດຮອດປະຊາຊົນ ທັງ 3 ບ້ານ ໃຫ້ສືບຕໍ່ປົກປັກຮັກສາຄອບຄົວ ແລະ ບ້ານປ້ອງກັນຊາດເຂັ້ມ ແຂງໃນຄັ້ງນີ້ໄວ້ໃຫ້ໝັ້ນຄົງຕະ ຫຼອດໄປ, ພ້ອມດຽວກັນນີ້ ຍັງໄດ້ເປີດປ້າຍບ້ານປ້ອງກັນຊາດເຂັ້ມແຂງ ແລະ ລັ່ນຄ້ອງ 9 ບາດ ເພື່ອເປັນສີລິມຸງຄຸນໃຫ້ 3 ບ້ານດັ່ງກ່າວ. ໂດຍ: ສົດ ນາມໄຕ

news to day and hot news