ກອງທັບປະຊາຊົນລາວ
 
ວັນພຸດ, ວັນທີ 24 ເມສາ 2024

  

ສະຫະພັນ​ແມ່ຍິງ​ ກອງ​ພົນ​ທີ 4 ຈັດ​ກິດຈະກຳ​ ຂໍ່ານັບ​ຮັບ​ຕ້ອນ ວັນ​ແມ່ຍິງ​ສາກົນ ຄົບຮອບ 114 ປີ
ເວລາອອກຂ່າວ: 2024-03-05 08:51:15 | ຜູ້ຂຽນ : admin1 | ຈຳນວນຄົນເຂົ້າຊົມ: 159 | ຄວາມນິຍົມ:



ວັນ​ທີ 1 ມີນາ 2024 ນີ້, ຢູ່​ທີ່​ໜ້າ​ສຳນັກງານ​ກອງ​ພົນ​ທີ 4 ໄດ້​ຈັດ​ກິດຈະກຳ​ເຕັ້ນ​ເພງ​ລາວ​ປະຍຸກ ເພື່ອ​ສຸຂະພາບ ເພື່ອ​ຂໍ່ານັບ​ຮັບ​ຕ້ອນ​ວັນ​ແມ່ຍິງ​ສາກົນ ຄົບຮອບ 114 ປີ(8 ມີນາ1910-8 ມີນາ 2024). ໂດຍມີສະຫາຍ ພັນ​ເອກ ຈັນ​ທຸມມາ ນໍ​ອາມາດ ກຳມະການ​ຄະນະ​ພັກ​ກອງ​ພົນ, ຮອງ​ຫົວໜ້າ​ຫ້ອງ​ການເມືອງ​ກອງ​ພົນ​ທີ 4, ມີ​ສະຫາຍ ພັນ​ໂທ ນາງ ລຳ​ເຮືອງ ບຸດ​ຕະ​ວົງ ຫົວໜ້າ​ພະ​ແນກ​ສະຫະພັນ​ແມ່ຍິງ ພ້ອມ​ດ້ວຍສະມາຊິກ​ສະຫະພັນ​ແມ່ຍິງ​ກົມ​ກອງ​ອ້ອມ​ຂ້າງ​ທີ່​ຂຶ້ນ​ກັບ​ກອງ​ພົນ​ທີ 4 ເຂົ້າ​ຮ່ວມ. ສະຫາຍ ພັນ​ໂທ ນາງ ລຳເຮືອງ ບຸດ​ຕະ​ວົງ ໄດ້​ໃຫ້​ຮູ້​ວ່າ: ຈຸດປະສົງ​ໃນ​ການ​ຈັດ​ກິດຈະກຳ​ຄັ້ງ​ນີ້​ ເພື່ອ​ປະຕິບັດ​ຕາມ​ໝັງ​ສື​ແຈ້ງ​ການ​ຂອງ​ຫ້ອງການ​ສະຫະພັນ​ແມ່ ຍິງກອງທັບ ວ່າ​ດ້ວຍ​ການ​ສະ ເຫຼີມສະຫຼອງ​ວັນ​ແມ່ຍິງ​ສາກົນ ຄົບຮອບ 114 ປີ ແລະ ແຜນ ​ສ້າງ​ຂະ​ບວນ​ການ​ຂອງ​ພະ​ແນກ​ສະຫະພັນ​ແມ່ຍິງ​ກອງ​ພົນ​ທີ 4. ເພື່ອ​ສ້າງ​ຜົນງານ​ສ້າງ​ຂະ​ບວນ​ການ​ຕ້ອນຮັບ​ວັນ​ແມ່ຍິງ​ສາກົນ ຄົບຮອບ 114 ປີ​ທີ່​ຈະ​ມາ​ເຖິງ​ໃນ​ມໍ່ໆ​ນີ້ ​ໃຫ້​ມີ​ບັນຍາກາດ​ຟົດຟື້ນ ແລະ​ ມີ​ຄວາມ​ໝາຍ​ຄວາມ​ສຳ ຄັນ. ສຳລັບ​ກິດຈະກຳ​ໃນ​ຄັ້ງ​ນີ້​ມີຫັດກາຍ​ສອງ​ບົດ​ມື​ເປົ່າ 2 ບົດ 24 ຈັງ​ຫວະ ແລະ ຟ້ອມ​ລາວ​ປະຍຸກ 4 ຈັງຫວະ, ​ມີ​ສະມາຊິກ​ສະຫະພັນ​ແມ່ຍິງ​ເຂົ້າ​ຮ່ວມ​ທັງ​ໝົດ 152 ສະຫາຍ. ພ້ອມ​ນີ້, ເພື່ອເປັນ​ການອອກ ກຳລັງ​ກາຍ​ເຮັດ​ໃຫ້​ສຸຂະພາບ ຮ່າງກາຍແຂງແຮງທົນ​ທານ ແລະ ມີ​ບຸກ​ຄະ​ລິກ​ກະ​ພາບ​ທີ່ດີ; ພັດທະນາ​ທາງ​ດ້ານ​ຈິດໃຈເຮັດ​ໃຫ້​ມີ​ສຸຂະພາບ​ຈິດ​ແຈ່ມ​ໃສເບີກ ບານ ແລະ ທັງ​ເປັນ​ການ​ສ້າງ​ຄວາມ​ສຳພັນ​ສ້າງ​ຄວາມ​ສາມັກຄີ​ທີ່​ດີ​ລະຫວ່າງສະມາຊິກ​ສະຫະພັນ​ແມ່ຍິງ​ແຕ່​ລະ​ກົມ​ກອງ ແລະ ພ້ອມ​ພາກັນ​ເຮັດ​ສຳເລັດ​ໜ້າທີ່​ ທີ່​ຂັ້ນ​ເທິງ​ມອບ​ໝາຍ​ໃຫ້​ສ້າງ​ຜົນງານ​ສ້າງ​ຂະ​ບວນ​ການ​ຕ່າງໆ​ ໃຫ້​ເປັນ​ຂະ​ບວນ​ຟົດຟື້ນ​ຕໍ່​ເນື່ອງ. ໂດຍ: ສຸ​ລິ​ວັນ ແສນ​ບຸດຕະລາດ



 news to day and hot news

ຂ່າວມື້ນີ້ ແລະ ຂ່າວຍອດນິຍົມ

ຂ່າວມື້ນີ້












ຂ່າວຍອດນິຍົມ













ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ