ວັນພຸດ, ວັນທີ 11 ກັນຍາ 2024
ໂຮງຮຽນການທະຫານທ້ອງຖິ່ນແຂວງວຽງຈັນ ປິດຂະບວນການແຂ່ງຂັນກິລາມວນຊົນ
ເວລາອອກຂ່າວ: 2024-03-05 08:56:20 | ຜູ້ຂຽນ : admin1 | ຈຳນວນຄົນເຂົ້າຊົມ: 306 | ຄວາມນິຍົມ: 
ວັນທີ 28 ກຸມພາ 2024 ນີ້, ໂຮງຮຽນການທະຫານທ້ອງຖິ່ນແຂວງວຽງຈັນ, ໄດ້ປີດຂະບວນການແຂ່ງຂັນກິລາມວນຊົນ, ໂດຍການເປັນປະທານ ຂອງ
ສະຫາຍ ພັນໂທ ມີໄຊ ສິງວົງທຳ ເລຂາຄະນະພັກຮາກຖານ, ຫົວໝ້າການເມືອງໂຮງຮຽນ, ມີພະນັກງານ ຄູ-ອາຈານ ແລະ ນັກຮຽນນາຍສິບ ເຂົ້າຮ່ວມ.
ການແຂ່ງຂັນກິລາມວນຊົນໃນຄັ້ງນີ້, ເພື່ອສ້າງຂະບວນການຂໍ່ານັບຮັບຕ້ອນວັນສຳຄັນຕ່າງໆຂອງຊາດ, ຂອງພັກ ແລະ ຂອງກອງທັບ ໃຫ້ມີບັນຍາກາດຟົດຟື້ນມ່ວນຊື່ນ ແລະ ມີຄວາມໝາຍຢ່າງເລິກເຊິ່ງ. ກິລາທີ່ນຳມາແຂ່ງຂັນໃນຄັ້ງນີ້ ປະກອບມີ 4 ປະເພດຄື: ກະຕໍ້, ບານເຕະ, ບານສົ່ງ ແລະ ເປຕັງ ເຊິ່ງມີ 9 ທີມເຂົ້າຮ່ວມ, ຜ່ານການແຂ່ງຂັນຕົວຈິງສາມາດສະຫຼຸບໄດ້ດັ່ງນີ້: ທີມຊະນະເລີດ
ກິລາບານສົ່ງໄດ້ແກ່: ກອງຮ້ອຍ 1 ນາຍສິບ ໄດ້ຮັບຂັນ 1 ໜ່ວຍພ້ອມເງິນສົດ ຈຳນວນ 500.000 ກີບ, ອັນດັບ ll ໄດ້ແກ່: 3 ຂະແໜງການ ໄດ້ຮັບເງິນຈຳນວນ 400.000 ກີບ, ອັນດັບທີ lll ໄດ້ແກ່: ກອງຮ້ອຍ 2 ໄດ້ຮັບເງິນຈຳນວນ 300.000 ກີບ, ກິລາກະຕໍ້ ທີມຊະນະເລີດໄດ້ແກ່: ກອງຮ້ອຍ 1 , ອັນດັບທີ ll ໄດ້ແກ່: ຂະແໜງອົບຮົມ, ອັນດັບທີ lll ໄດ້ແກ່: ກອງຮ້ອຍ 2 ນາຍສິບ, ກິລາເປຕັງ ທີມຊະນະເລີດໄດ້ແກ່: ກອງຮ້ອຍ 1 ນາຍສິບ, ອັນດັບທີ ll ໄດ້ແກ່:
ຂະແໜງອົບຮົມ, ອັນດັບທີ lll ໄດ້ແກ່: ຂະແໜງພະລາທິການ, ປະເພດກິລາບານເຕະ ທີມຊະນະເລີດໄດ້ແກ່: ກອງຮ້ອຍ 2 ນາຍສິບ, ອັນດັບທີ ll ໄດ້ແກ່ທີມ ກອງຮ້ອຍ 1 ນາຍສີບ, ອັນດັບທີ lll ໄດ້ແກ່: ຂະແໜງອົບຮົມ.
ໂອກາດນີ້, ສະຫາຍ ພັນໂທ ມີໄຊ ສີງວົງທຳ ໄດ້ກ່າວປິດການແຂ່ງຂັນກິລາມວນຊົນ, ພ້ອມທັງສະແດງຄວາມຍ້ອງຍໍຊົມເຊີຍ ຕໍ່ນັກກິລາແຕ່ລະສະຫາຍ ທີ່ມີຄວາມຮັບຜິດຊອບສູງຕໍ່ໜ້າທີ່ຂອງຕົນ, ມີນ້ຳໃຈຮັກແພງ, ຮູ້ແພ້, ຮູ້ຊະນະ, ຮູ້ໃຫ້ອະໄພເຊິ່ງກັນ ແລະ ກັນ ພ້ອມກັນສູ້ຊົນຍາດໄດ້ຜົນງານໃຫ້ກົມກອງ ກໍຄືຕົນເອງສະຫາຍຍັງໄດ້ກ່າວຕື່ມອີກວ່າ: ການແຂ່ງຂັນກິລາເປັນການຊຸກຍູ້ພະນັກງານ-ນັກຮົບໃນການເຝິກຝົນຫຼໍ່ຫຼອມທາງດ້ານກຳລັງແຮງກາຍໃຫ້ເຂັ້ມແຂງ, ສ້າງໄດ້ມິດຕະພາບລະຫວ່າງກົມກອງ ກໍຄືນັກກິລາດ້ວຍກັນ, ຖືເອົາວຽກງານກິລາເປັນຂະບວນການໜຶ່ງໃນການປຸກລະດົມຈິດໃຈຂອງພະນັກງານ-ນັກຮົບ ໃຫ້ມີຄວາມເບີກ
ບານມ່ວນຊື່ນ ແລະ ຫ້າວຫັນໃນການປະຕິບັດໜ້າທີ່ວຽກງານ.
ໂດຍ: ແອັດດີ່ ສະເຫຼີມສັກ
ພາບ: ແດ້ ສຸມຸນທາ
news to day and hot news
ຂ່າວມື້ນີ້ ແລະ ຂ່າວຍອດນິຍົມ
ຂ່າວມື້ນີ້
ຂ່າວຍອດນິຍົມ
ຫນັງສືພິມກອງທັບປະຊາຊົນລາວ, ສຳນັກງານຕັ້ງຢູ່ກະຊວງປ້ອງກັນປະເທດ, ຖະຫນົນໄກສອນພົມວິຫານ.
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
ລິຂະສິດ © 2010 www.kongthap.gov.la. ສະຫງວນໄວ້ເຊິງສິດທັງຫມົດ
