POWERED_BY WWW.KONGTHAP.GOV.LA

ໜ້າໜຶ່ງ
ກ່ຽວກັບພວກເຮົາ
ມູນເຊື້ອກອງທັບ
ລະບຽບວິໄນ
ກົດຫມາຍ
ເຊື່ອມຕໍ່ເວບອື່ນ
ຕິດຕໍ່ພວກເຮົາ PDF

ຂ່າວ

ຂ່າວໜ້າໜຶ່ງ ຂ່າວພາຍໃນ ຂ່າວເສດຖະກິດ, ວັດທະນາທຳ ແລະ ສັງຄົມ ຂ່າວຕ່າງປະເທດ ມູນເຊື້ອກອງທັບ ຂ່າວກີລາ

ເຂົ້າລະບົບ ລົງທະບຽນ

ວັນຈັນ, ວັນທີ 14 ຕຸລາ 2024

ຍົກສູງການຊ້ອມຮົບບັນຊາ-ເສນາ 1 ຂັ້ນຝ່າຍດຽວເທິງແຜນທີ່ ແລະ ຍິງລູກປືນແທ້ ໃຫ້ກອງພັນ 214
ເວລາອອກຂ່າວ: 2024-03-05 09:04:39 | ຜູ້ຂຽນ : admin1 | ຈຳນວນຄົນເຂົ້າຊົມ: 381 | ຄວາມນິຍົມ:

ກາງເດືອນກຸມພາ 2024 ນີ້, ກອງພັນ 214 ກອງພັນໃຫຍ່ 402 ກອງພົນທີ 4 ໄດ້ປິດຊ້ອມຮົບຊັນຊາ-ເສນາ 1 ຂັ້ນຝ່າຍດຽວເທິງແຜນທີ່ ແລະ ຍິງລູກປືນແທ້ປະຈຳປີ 2023, ໂດຍການເປັນປະທານ ຂອງສະຫາຍ ພົນຈັດ ຕະວາ ຂັນທີ ສະໜາມອຸ່ນ ຫົວໜ້າການທະຫານ ກອງພົນທີ 4, ມີຄະນະພັກ-ຄະນະບັນຊາກອງພົນ, ຄະນະຊີ້ນຳຂັ້ນກອງພົນ, ອະນຸກຳມະການ, ຄະນະພັກ-ຄະນະບັນຊາກອງພັນໃຫຍ່ 402, ພະນັກງານວິຊາການຂັ້ນພະແນກການ ຕະຫຼອດຮອດພະນັກງານຫຼັກແຫຼ່ງກອງພັນ 214 ເຂົ້າຮ່ວມ. ສະຫາຍ ພັນໂທ ສົມສະໄໝ ສີດາວັນ ຮອງຫົວໜ້າຫ້ອງເສນາທິການ ກອງພົນທີ 4 ໃຫ້ຮູ້ວ່າ: ການຈັດຕັ້ງປະຕິບັດຊ້ອມຮົບບັນຊາ-ເສນາ 1 ຂັ້ນຝ່າຍດຽວ ເທິງແຜນທີ່ ແລະ ຍິງລູກປືນແທ້ຂອງກອງພັນ 214 ກອງພັນໃຫຍ່ 402 ກອງພົນທີ 4 ໃນຄັ້ງນີ້ ມີຫຼາຍບັນຫາທີ່ຄະນະຊີ້ນຳທຸກຂັ້ນທີ່ຈະຕ້ອງເອົາໃຈໃສ່ເປັນຕົ້ນແມ່ນວຽກງານການນຳພາ-ບັນຊາ, ເນື້ອໃນການຫັດແອບ, ການຊ້ອມຮົບ ແລະ ຍິງລູກປືນແທ້ ຕ້ອງຮັບປະກັນໄດ້ຄວາມປອດໄພ 100% ໃນການບັນຊາສູ້ຮົບເທິງແຜນທີ່ ສິ່ງສຳຄັນແມ່ນວຽກງານສຶກສາການເມືອງ-ແນວຄິດ ຕ້ອງນຳໜ້າທຸກຂົງເຂດວຽກງານເພື່ອເຮັດໃຫ້ພະນັກ ງານ-ນັກຮົບ ກຳແໜ້ນເນື້ອໃນ, ຄາດ ໝາຍສູ້ຊົນ ໄປຄຽງຄູ່ກັນນັ້ນ, ສາມາດຮັບປະກັນໄດ້ຄວາມສະຫງົບ ແລະ ຄວາມປອດໄພໂດຍພື້ນຖານ, ຄະນະຊີ້ນຳທຸກຂັ້ນໄດ້ທຸ່ມເທທາງດ້ານສະຕິປັນຍາ, ເຫື່ອແຮງ, ຜ່ານຜາບັນດາອຸປະສັກ ຮັບປະກັນເຮັດລ້ອນໜ້າທີ່ການເມືອງຕາມການຈັດຕັ້ງມອບໝາຍໃຫ້ຢ່າງມີຜົນສຳເລັດ, ສາມາດຕີລາຄາຜົນໄດ້ຮັບຄື: ພາກຂຽນ, ການແຕ້ມເທິງແຜນທີ່, ແຜນຮ່າງບັນລຸໄດ້ 51%, ຫັດແອບຫັນພາວະກຽມພ້ອມ ສູ້ຮົບຂອງກົມກອງ ບັນລຸໄດ້ 55%, ຫັດແອບພາກຈັດຕັ້ງກຽມພ້ອມສູ້ຮົບບັນລຸໄດ້ 51%, ຫັດແອບຮູບແຖວຍຸດທະວິທີບັນລຸໄດ້ 72% ທັງນີ້ ເພື່ອເຮັດໃຫ້ຜູ້ບັນຊາແຕ່ລະຂັ້ນ, ແຕ່ລະສະຫາຍ ໃນກົມກອງໄດ້ເຝິກແອບຮໍ່າຮຽນເປັນປົກກະຕິຕໍ່ເນື່ອງ, ມີຄວາມຊິນເຄີຍ, ມີຄວາມຊຳນິຊຳນານ, ຮັບປະກັນໃຫ້ພະນັກງານ-ນັກຮົບ ສາມາດເຄື່ອນໄຫວສູ້ຮົບຕາມເງື່ອນໄຂພູມີປະເທດທີ່ຄ້າຍຄືການສູ້ຮົບຕົວຈິງ ຮັບປະກັນໄດ້ວຽກງານກຽມພ້ອມສູ້ຮົບ ແລະ ສູ້ຮົບມີໄຊ. ສະຫາຍ ພົນຈັດຕະວາ ຂັນທີ ສະໜາມອຸ່ນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດໃນການຊ້ອມຮົບດັ່ງກ່າວ ພ້ອມທັງໃຫ້ທິດຊີ້ນຳຫຼາຍບັນຫາສຳຄັນ ເປັນຕົ້ນແມ່ນໃຫ້ຄະນະຊີ້ນຳ, ອະນຸກຳມະການທຸກຂັ້ນ ຕະຫຼອດຮອດຄະນະພັກ-ຄະນະບັນຊາກອງພັນ 214 ກອງພັນໃຫຍ່ 402 ຈົ່ງພ້ອມກັນຍົກສູງຄຸນທາດການເມືອງ ຕິດພັນກັບວຽກງານວິຊາສະເພາະໃຫ້ສູງຂຶ້ນກວ່າເກົ່າ, ເພີ່ມທະວີຄວາມສາມັກຄີໃຫ້ເປັນປຶກແຜ່ນແໜ້ນໜາ, ເຮັດວຽກເປັນໝູ່ຄະນະຢ່າງມືອາຊີບ, ແບ່ງວຽກໃຫ້ບຸກຄົນຮັບຜິດຊອບຢ່າງຄັກແນ່ ແລະ ສິ່ງທີ່ສຳຄັນແມ່ນນຳເອົາເນື້ອໃນບົດຮຽນ, ຄຳຕຳນິຕິຊົມສົ່ງຂ່າວ, ຖອດຖອນເອົາບົດຮຽນບາງດ້ານທີ່ຍັງຄົງຄ້າງໄປຈັດຕັ້ງຜັນຂະຫຍາຍເຂົ້າໃນກົມກອງຂອງຕົນຮັບປະກັນເຮັດໃຫ້ການບັນຊາສູ້ຮົບເທິ່ງແຜນທີ່ໃນຄັ້ງນີ້ບັນລຸຕາມຈຸດປະສົງ ແລະ ຄາດໝາຍ. ໂດຍ: ສຸລິວັນ ແສນບຸດຕະລາດ

news to day and hot news